ZAKHARIA 8:12 - ALLAH NIHYET MEM TUNGWATU NYA

¹² Yoni miba ingon di jo nyahan bigimahap ningan ei miaisi. Ide ba anggur nya mingat ningat ba, ningat di kei mintun dihyei njek dip mem yok. Dibindei ba, biget but bibor mem yok. Midinjei mun di kei dima yok hagom bak Ditde limwa di ingwes ngun nya.

ZAKHARIA 8:12 ပူးပေါင်းရင်းမြစ်များ

NITRITI 26:12

Gima ngwig lene Ishak yai miai ei minu dima apino nide njita ngan di ndim ngat ningat sratus gom bibikwop nok lewo tuhan joi sut noni.

NITRITI 27:28

Nna ba Allah bindei ba, nggou cut kwei leu mpia-bbed him mem na cem ade miai ngwoisi nya minnum kei cem! Nna ba Noni bindei ba, ade njita ngan di andim ngat ningat nindig bibor lene ade ba anggur ningat bon ningei nindig bibor!

NIBOU NDIG NYA GI NIGOM 17:1

Mpe di gom lene nabi Elia leu Tisbe ei hanjop Gilead ug pai bak Nibou Ndig Ahab “Andigpoi e, dinok awak mem mben Israel ide tuhan Allah di niyaijo. Dipai tug hon Nonti ninyeng bipia hon kep ammani kui lene mpia ngei ndung ba, nggou mipren leu dihyei ninjek dip kikau mem ari bingwam can ningai dini kui bibo danti dipai sut hanyen ug e.”

MAZMUR 72:3

Ma asindui sut ba, nyende miai nya ngat ningat di kei bibor lene Ade limwa nya ibong kei igwam kei tug hon ingon srenti.

MAZMUR 85:12

Mben Israel ingon gomti mikui ug ei gwamti leu api Allah de ningon sren-srausi micap kwei leu gwamti ndam yok.

NIPINGOK NINGONTI 19:12

Nibou ndig di gga bibor ba nihyet di noyam kin mindhe singa niyausi bibuhup. Noro nisingat tut tungwatu nyati noyam kin ham mbon di llet kwei mem mpia ngeisi.

YESAYA 30:23

Gino jigimahap ningan ne tuhan mipinak biget kwei leu binhyepo ningan dima hei ba, jibiyai ningat di mpung-pias hagau. Minta iggum ndigsi di ug ninno di nimeng ngun-ngau mijo mem jide mindhe-ndhe nimuhup tu di jihyen kep nya.

YESAYA 61:7

Nijam ninim kep jeti kin ningwes pri gau jeti ngwig hon nohonti tu. Mijibong kei jigwam kei ei jide minu ba, jiba jekep ndigban kin mitiei mbican bram yam cem. Mijiyai nillei bijo ninno bijo kikau.

YEREMIA 31:12

Iba iimaisi di sieng kei kin ingon di llei bibor bikwei ei Nungug Sion. Iba doia bikiek mun di dinjei bak yoni nok gandum kin mini zaitun kin ba anggur ngei kin sapi kin domba nya. Midibindei ba, inok miai di nnum bibor ei minyei nggram kieti nya apino indwau sut mun nyeng hi bu bi.

YEHEZKIEL 34:28

Ngkiai nya di ingon tindur nya mihwen yok bipos ndiyok bingwig leu yok lene mindhe-ndhe di niten-pos nya yaham yok bu bi sren. Lewo yahagom mibong kei migwam kei. Tungwatu nya mibindei bittin bibor bu bi sren.

YEHEZKIEL 36:12

Midibuwak Ditde mben Israel bingkwei hanyen bibong ser ide minu hanyen bu. Yoni migyai idihyei di ngat ningat bijo kikau mem yok nok ide dihyei ninda rom lene imunggwom bat nya mimai inggum bu bi.

YEHEZKIEL 36:30

Midibindei ba, jide biei di ningat ntun him nya nggrou kei. Jide beisi nya nnum kei leu binhyepo ninggum di buhun di bindei ba, ngkiai nya ingwes om kep jeti micut igkep je bu bi sren.

YEHEZKIEL 36:9

Ditti kin je tu. Dipreu ei mem je bipia mijikkin jide dihyei bijindim ningan eisi hanyen bu.

HOSEA 13:3

Gima rino yoni mipror hak bidem kep bumbuhui kin nggou njap tekti. Yoni idem kep gandum nicap di pri bibit hou nimig ei mpia di ico kep gandum eisi ba, inoyam kin hum mmup di brou leu kau ngkimom nitu cem.

HOSEA 14:5

tuhan pai “Midinduk Ditde limwa di israwir tu nya hanyen kwei ndam Da leu api midiba dingon titut yam bingondut yok. Dingon misibui sut yok bu bi.

YOEL 2:19

Noni buhup “Nogindini midiyai gandum ngat kin ba anggur ngei kin mini zaitun bije nok njita apino mijinggum bu bi. Midisindui sut ba, ngkiai nya ingwes pri gau je bipa ndip je bu bi.

YOEL 2:22

Mindhe-ndhe nya e, ma jittin tut au. Lewo abris nghousi hagom minnum kei hanyen ba, biei ara ningat kin ba anggur ningat mintun him ninjem di nindig bibor.

IMAM NYA IDE MIDYAI 26:3

Gino jiyaijo bit leu nok dikos tutti nya ba, jibit dicuk jeti nya,

ZEFANYA 3:13

Mben Israel di niken-ken di ingwes ngun migyai mun tunggwei sut yam bisuglai ba, inok niris mun cig bu bi. Yo dima ingon jo nyahan bibong kei igwam kei lene ittin tut tungwatu nya bu bi.”

HAGAI 1:10

Gima rino biget but bi wer ninno apino njita kioi di jita nya gehei bi ug a.

HAGAI 2:18

Jiprion tig pmem mem Ditde Ig nikiou biput ei bed nimuhwindatai ba, njap nyatungwagom bitai lo, njap dima ne njap di ammani ri! Ma jingig jiyai kep mun di mipek kep mem je ei nitutti di njap di ammani bikui.

HAGAI 2:19

Mbro nok gino gandum nitu hi jo bu bi ba, ba anggur kin biei ara kin biei delima kin biei zaitun hagom ngat ningat bigyo lo, midinjei mun di kei bak jeni ei nitutti di njap di ammani bikui!”

ZAKHARIA 8:6

Mpaba bit bon mun dima pek kep hanyen bou timiei di igyaisi jo nya igyai him kan bi lo, nggruk mem Da bi.

MALEAKHI 3:11

Midibindei ba, muhum misui jide njita bu bi. Ba anggur ningat nindig bibor mintun jide ba anggur him.

MATIUS 6:33

Noro ma jibrim jingkek mem nikuk je bak Allah di ninyeng tak kep jeti ba, jiyai igbit ningon kanti nipou ug e. Leu api Noni miyai mun di nindigsi pima hagom bije.

KORINTUS GI NIGOM 3:21

Gima rino ma hi llei-lau sut tungwatu nya igyai munti nya au. Lewo jimbun mun nyeng hagom.

NINDAT KEP TUHAN NICUKTI NYA 32:2

Dipingok jeti nya midem kep nok mpia di but leu api minok nggou di kieng kep dihyei ninjek dip. Dihyet rinok biget di mbras mem njita kioi binok mpia ngkoi mem mintu-minta cem.

NINDAT KEP TUHAN NICUKTI NYA 33:13

Lene noni pai sut keret Yusuf bipai, “Handei kon ba, tuhan mipinak bed di biang biget kwei kin minyei bousi di biam kwei leu dihyei jou mem yok.

NINDAT KEP TUHAN NICUKTI NYA 33:28

Gima rino Yakub de nintun him yamti di bram yam nya ibong kei igwam kei ei dihyei hanjop nsi di mpung tut gandum kin ba anggur ningei. Ide dihyei ninjek dip hagom nnum bibor tug hon nggou di cut kwei leu mpia-bbed him.

YAKOBUS 3:18

Yo di ingon ngakei nibong kei-nigwam kei ne indim ningan ningon kwes kin yamti kin ningat di kei ntun.