ZAKHARIA 7:9 - ALLAH NIHYET MEM TUNGWATU NYA

⁹ “Ditri tut nicukti dini yok bak Ditde limwa nya mimbrek ngan tu. ‘Suar jahati tut nikei nikos tutti di sren kei nya ba, jingon nggriu sut yam. Suar jingon kwes kin yam cem.

ZAKHARIA 7:9 ပူးပေါင်းရင်းမြစ်များ

SAMUEL GI NICAN 9:7

Lene Daud pai binoni “Attin tut au. Lewo midingondut na bidibiyok ngon kep acig di Yonatan. Miditug agnyon Saul de dihyei hanjop nsi hagom hanyen bina ba, disindui sut nani ayem njita bit da ei ig nibou ndig dini kikau cem.”

AYUB 31:20

dikwas sinsun dut di diba ditde domba nya inta bibon tut noni bijuk ser ningkek. Apino noni ba ningon titut yam binggei sut da.

AYUB 6:14

Mbro nok gino diba dinghim bak Allah Di Sindem Bibor tu e, he bigyo e lo, disuar disut ningat dima mpu da tirigi ninghuisi wei dini hwen da.

NIPINGOK NINGONTI 21:3

Ayai munti nya di igbit ba, sren kei cem kei bibor ei tuhan niyai him dor njiriek midut di abon ei nimbar hum dokti bak Noni.

YEREMIA 21:12

tuhan pai “Je di jintun Daud him e, ma jiyai jibou tut gi jiba ningon srenti bikos tut munhyet bikwop njap-njap. Jikwek no di yo di isibut nya ikes nibittemti nindig bibor ei ninghat dip dima leu inda nsi. Gi bi ne jiyai munti dima mibindei ba, Ditde nigga biborti cig-cai noyam kin hum di bit bon hi mu kan bi.”

YEREMIA 22:3

“Da di tuhan disok kep je mem gima jiba ningon gomti kin ningon srenti biyai kep jiyai munti nya. Ma jikwek no di yo di isibut nya ikes nibittemti nindig bibor ei ninghat dip dima leu inda nsi. Ma jico kep ngkiai di ibong timiei bit je nya kin moibihi nya kin kibom nya ba, jibon mun kinei sut yok au. Ma jiyai nimai bak yo di ingwes ngun ei mpia dini au.

YEREMIA 7:23

Noro dipai nicukti gom ngat dini biyok. Suar ibit dihyet leu api dinok ide Allah lene yoni inok Ditde limwa nya. Lene dicuk yok bipia suar ibit dicuk yokti nya leu binhyepo ibong kei igwam kei.

YEREMIA 7:5

Ma jinggek tut jiyaijoti di kinei bibor bijittin ser jiyai munti di mbuk bibor nya. Ma jiba jingon gom biyai mun tut yam.

YEHEZKIEL 18:8

Noni com mitiei bak tungwatu nya nok ningwam kin gi brim nibittemti leu yok bi. Noni mbres nonti leu sisar nyeng hagom. Gino tungwatu nya ighyet sror kui yam lene noni gwam nok nikei di ningon sren bikos tut mun di srou yok.

YEHEZKIEL 45:9

tuhan Di Ninyeng Jei Bibor pai “Je di nibou ndig Israel e, jibon sisar bidem tu! Ma jikes hon jide nisibut biborti kin jide nico kep limwa nyati dima hak ug. Ma jibon mun di igbit kin mun di sren kei nya. Ma jijji Ditde limwa nya leu ide dihyei bu au. Da di tuhan Di Dinyeng Jei Bibor ditri tut dicukti dima bije.

HOSEA 12:7

Gima rino je di jintun Yakub him e, ma jiba jingon com jide Allah ba, jingkwei hanyen ndam Noni. Ma jinyohou ningon ngakei Allahti kin ningon srenti. Ma jigwam nyahan ba, joom jingon bibou jide Allah kiju ba, brim ningkek mem je ug e.

IMAM NYA IDE MIDYAI 19:15

Tirigi jigwam nok nikei mem yo di ipigau hanjop nya lene ma jingon sren. Harin dima jibibon no di nuhui mbum ba, bon ninyeng njiriek nindigsi nya a. Nok gima cem harin dima jingon digit tut no di nyeng bibor a.

AMOS 5:24

Ma jibrim jingkek leu binhyepo nikei nikos tutti di sren kei biam nok minyei di biam sindem ba, ningon sren-srausi biam bidem kep minyei di pingge kan bi cem.

MIKHA 6:8

Nok bi! Lewo tuhan ndo brei binye tut mun di kei di Noni joi sut tu. Noni yok ningon mem gima igyai munti nya hagom sren kei kin gi ibrim ingkek mem ningondut yamti bingon ngakei Noni cem buug hon nohonti bi lene igyaijo nok gom bit ide Allah ba, iba ibou coi mem Noni cem.

ZAKHARIA 7:7

tuhan tri tut nisokti dima tug hon nabi nya ei nijam gi nipou pini jug di timiei minu ndig Yerusalem ibong kei igwam kei ba, mpia mbum-bra ri. Ei nijam dima ne ibong ser minu mien nya di jo ttai minu ndig he bi noro ibong ei minu mien ei nite bei mpia nibiho kin mbigdip nimig him nya ei nite bei mpia nicutti cem.

ZAKHARIA 7:8

tuhan di Sindem Bibor yai nisokti dini bida bipai,

MATIUS 23:23

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jikwas jide mun di bindei di njita nyop kei gom leu ningot gom tut Allah. Noro jiba jinghim bak mun di bon ninyeng ei Allah niggai serti nok ningon srenti kin ningondut yamti kin ningon gomti. Suar jiyai igbit mun dini yok lene ma jingon prion ser nicukti nya pima cem au.

LUKAS 11:42

Aye! Buhun bibor mem je di Farisi nya! Lewo jikwas jide mun di bindei njita nyop kei gom leu ningot gom tut Allah noro jiba jinghim bak ningon srenti kin ningon ngakei Allahti. Suar jiyai igbit mun dini yok lene ma jingon prion ser nicukti nya pima cem au.

YOHANES 7:24

Ma jikes hon ba, jigwam nok nikei di mbus tungwatu nya ingonti bit leu ingkek dip di jo ei igyai him au. Noro ma jigwam nok nikei di ba ningon srenti bimbus ingonti.”

YOHANES 7:51

“Bit leu nok gi ipas ei Puig Yahudi nicukti ne harin dima ikes hukum ei tungwagom dip nipou tirigi imbus ningonti ba, ihig yam tut niyai munti nya bigyo a.”

NINDAT KEP TUHAN NICUKTI NYA 22:1

Gino je di mben gom nide sapi kin domba cem srawir leu api hi ngat mindhe dima lene ma jibon jenti nok no di kan tut bi au. Noro ma jijem mindhe dima hanyen bak niceu.