ZAKHARIA 7:14 - ALLAH NIHYET MEM TUNGWATU NYA

¹⁴ Dicok tut yok noyam kin sigau di nimig ten di cok tut yok apino bitig dino ibong ei ingkiaisi nya ug a. Leu api dihyei di nipou nnum kei dini wer mpia di ngoi-nga ba, ha he bong cem drek dip hi di bong ser dihyei dima bi.”

ZAKHARIA 7:14 ပူးပေါင်းရင်းမြစ်များ

NIBOHON MBEN ISRAEL GI NICAN 36:21

Gima pek kep mun di tuhan tri tut tug hon Yeremia bipia minu dini micut ei ningoi-ngati kikau mem nijam ari bingwam ningot muhwindacan ba, biluei Ari Bingwam Gi Nimuhwindacan Nikes Sidumti Pijum Hak Ei Mem tuhanti po inyohou bi pima.

MAZMUR 58:9

Handei kon ba, idem kep mindhe siput di kri naham di nimbrai dek ba, inok munggwom ngwoi di srek urung bimai leu ba, gingat nipigati bi sren.

YESAYA 17:13

Ikiju binjei siceu bidem kep minyei di su di kui mpia bibor. Noro Allah sok kep yok leu api inang biyuug ninno noyam kin pas nicap di bit hou nimig kin dihyei ntui di hou sigau miep di bit nimig.

YESAYA 21:1

Gini ne nisok nihyetti tut minu Babel ri. Mun di buhun bibor di tereu nok hou nimig di sibui di nibimbiti nindig cut kwei leu iggum ndigsi bindei ba, tungwatu nya ingon ttin bibor.

YESAYA 60:15

Midikes na hanyen bihigom bi dingon misibui sut na bi disindui sut na ba, anok mpia nintiti bu bi. Noro midibindei ba, ade nikei-kau-keisi jo ninno ba, tungwatu nya igyai nillei tut na bijo kikau.

YESAYA 66:15

Ningat ne tuhan mikwei sut hum a. Noni mikui Nide kroba pran di dem kep hou di nimig ten bibor lene bindei hei nigga biborti bikon nihyet kep yok bibor.

YEREMIA 12:10

Nibou ndig ngkiai nya imang bibor inda jo kep Ditde miai ba anggur nghousi binggek tu. Itug-tug nyen gandum ei Ditde ngoi dumti nya cem tu. Ibindei ba, Ditde minu di kei-kau bidem kep iggum ndigsi di mpia mbum-bra bram.

YEREMIA 23:19

tuhan nigga biborti noyam kin hou di nimig ten bibor di micut igkep yo di imbuk bibor binjei yok.

YEREMIA 30:23

tuhan niggati dem kep hou sigau kin hou di nimig ten di ba sigau biyai di hwen yo di isibut nya. Hou dima ntus bi bibou Nide ningon kanti nya hagom pek kep ug e. Nide limwa nya mingon dorti tut gima ei nidipti bu yo.

YEREMIA 36:19

Leu api icuk noni “Suar Yeremia jeni jinang bijiku je nyahan. Ma hiter kan tut mpia di jiku je eisi au.”

YEREMIA 44:6

Gima ribindei di disiber Ditde nigga biborti ei minu ndig ngot di jo ei Yehuda kin puig ngot di mbut ei minu ndig Yerusalem dip ug a. Dindig hagom bindung-ndiem ba, ngoi hak cem. Ba, jingat gima bou jiyai him tu.

YEREMIA 5:15

Je di limwa Israel e, tuhan sindi buwak mben gom kwei leu minu ting mem gima icoi bihwen je. Ngkiai nya dima ingat rin ei nipou yo kwei ba, isindem bibor lo, jimiap ighyet bi.

YEREMIA 52:30

Tirigi ninyeng tak kep mem ari bingwam nyatungwagom ba, ningai tu lene nide nibou pran Nebuzaradan kat ibou sratus muhwindacan ba, ningot bitai muhwi bu leu api isima ei ingkiaisi. Gima rino imangti ibou sribu bitai ba, sratus muhwindagom yahagom isima ei ingkiaisi.

YEHEZKIEL 12:19

Ma atri tut nihyet di Da di tuhan Di Dinyeng Jei Bibor dipai bak timiei minu ndig Yerusalem di ibong ser ide ig nya. Yoni midigit-digoi ei mpe di igyem njita ba, nittinti mihwen yok ba, iji kibi-kibou yam ei mpe di idut minyei. Ide dihyei ngoi-nga lewo yo di yahagom di ibong ei minu dima ipigau Ditde nikos tutti nya bijo kikau tu.

YEHEZKIEL 22:15

Midibindei ntek gimahap ade limwa nya yahagom bibong bidem minu ngkiai nya hagom bidibindei ba, abikes hon ade nibon munti di kinei bibor nya.

YEHEZKIEL 5:10

Apino ndigpoi nya mibui yonti imunggwom bat nya bigyem lene munggwom nya mibui ide ndigpoi nya bigyem yok. Gima rino midikes hukum ei yok dip ba, midibindei yo di ingwes ngun nya bintek gimahap nima ug-nima ug.

DANIEL 8:9

Leu api nibou nggai nimien gom ntun nibou nggai bitai dima gom him binindig bibor ba, ninyeng jei cem. Nide nisindemti mbut bidem nite bei mpia nibiho kin nite bei mpia nipriti bimbut ug ei nite bei minu di kei-kau dor njiriek minu nindigsi nya.

HOSEA 9:17

Allah di diyai midyai mem mirok Nide limwa nya ei drek dip gi ikou sut ingig itingou mem nihyet. Yoni mimbut bibong-bong wai bidem dihyeisi dini bisrig ngkiai nya ikieti.

YOEL 2:3

Hai ceng dima mibindei ba, njita beisi hagom timek bingwig noyam kin hum di yem hagom bingkiong. Jide minu di jo hai ceng nya yoho bei noyam kin Miai Eden noro ei inghim dip ne noyam kin iggum ndigsi di kinei bibor. Njita beisi niken hi jo ba, mahai meng hi ningwes ngun leu yok bi.

IMAM NYA IDE MIDYAI 26:22

Midipinak mindhe-ndhe di niten-pos nya kwei ei jikieti. Mindhe-ndhe dima yok mittem jimunggwom bat nya ba, yaham jide mindhe-ndhe di jihyen kep nya bimai bingwig ba, ibindei ngwig jeni cem. Apino jimangti poi mien he. Gima hagom mibindei ba, jide puig nya tereu nok mpia di ha he bong.

IMAM NYA IDE MIDYAI 26:33

Midibindei kiju pran ei jide minu ba, dibindei bijintek gimahap ug ei jingkiaisi. Bohou micom jide dihyei nisurti-nipekti lene jide minu ndig di timek bingwig nya mijo hak nijoti nya.

AMOS 1:14

Gima rino midipinak hum di cig-cai ug ei ngug tig di bikrop ttai minu ndig Raba leu api hum dima miyem ide tentara nibousi di igya coi nya cem. Mpe di tentara nya ighyet sra tut pran ne pran dima dem kep nok sigau di cut a.

NAHUM 1:3

Ningat ne tuhan gga haninyai bi. Noro Noni sindem bibor apino bindei ba, bit bon no di bon mun tunggwei ningwes ngun leu hukum kan bi. Hou di nimig ten bibor cut ei mpia di tuhan mbut eisi. Dihyei ndung wer bumbuhui ei mpia di nimig co eisi.

HABAKUK 3:14

Ade tibor tibim Ade siceu nya ide nibou pranti ba, kus leu tirigi nide tentara ikon pran bit nye noyam kin hou sigau bibindei ba, nintek gimahap. Ikwai tiei kep nye noyam kin yo di ico kep yo di yuhui mbum nyahan hak.

ZEFANYA 3:6

tuhan pai “Dibindei sar mben nya mang bibor ba, ijo bu bi tu. Dibindei timek minu ndig di ide nya hagom ba, dibindei ngug tig di ide nya kin ide tentara nibousi di igya coi nya cem bindung-ndiem. Minu ndig di ide nya mbum-bra bram. Hi di bong ser minu ndig dima bu bi ba, puig di ide nya cem ngwak.

ZAKHARIA 2:6

tuhan pai bak Nide limwa nya “Dibindei ba, jintek gimahap nima ug nima ug tu.

ZAKHARIA 8:1

tuhan Di Sindem Bibor yai nisokti dini bida bipai,

ZAKHARIA 9:14

tuhan mindo Nonti ei anai brei bak Nide limwa nya leu api Nide tibor di kri di kes nya noyam kin kigyei di srei. tuhan Di Ninyeng Jei Bibor mimiep pun mbrei pran bimbut nimig sindem bibor kwei dem kep nok sigau di kwei leu nite bei mpia nibiho.

NINDAT KEP TUHAN NICUKTI NYA 28:33

Ngkiai nya mikwei mbrai jide njita ngat di jicom jahanggwap tut bibor nya lene jenti mijitug ndei mun nyeng hi bi. Gi jitug ndei rino nico kep je ninghig-niker kin niba nisibut biyai je cem.

NINDAT KEP TUHAN NICUKTI NYA 28:49

tuhan mijem mben gom di jingon hukti tut ighyet bi nya kwei leu minu nohon keti mem gima ihwen jeni. Yoni midwop kwei bikam jeni noyam kin ha krubrigya.

NINDAT KEP TUHAN NICUKTI NYA 28:64

tuhan mibindei ntek gimahap je ug ei ngkiai nya ikieti ei dihyei nisurti-nipekti. Ei sirima lene mijikuk je bak nung nya di iba biei kin tig bibon. Kwar dima ne gi hi di jigikan tut bi rin ba, jidigup bat-jidigai bat nya cem igikan tut bi.

NINDAT KEP TUHAN NICUKTI NYA 4:27

Noni mibindei ntek je srig ngkiai nya ikieti leu api jibou poi he mijingwes ngun.