ZAKHARIA 7:12 - ALLAH NIHYET MEM TUNGWATU NYA

¹² Ibindei ba, ingon ngkiem-ngkiau bidem tig tindak a. Digga bibor drek dip gi igibit nipingokti di diyai biyok nya tug hon nabi di nipou nya bi.

ZAKHARIA 7:12 ပူးပေါင်းရင်းမြစ်များ

NIBOHON MBEN ISRAEL GI NICAN 36:13

Nibou Ndig Nebukadnezar bidip huk Zedekia leu binhyepo heng bitug hon Allah ninyeng bipia ningon gom tut Nebukadnezar. Noro niabiati bu lene Zedekia ham nimbuk kep Nebukadnezar hanyen. Zedekia ningkek ndok tut tuhan Allah mben Israel ba, kou sut gima tin ser nide sisar bingkwei hanyen ndam tuhan cem.

NIBOHON MBEN ISRAEL GI NICAN 36:16

Noro iba tungwatu nya di tuhan pinak yok kwei nya bikek ba, ipa tut Nide nabi nya bico kep nihyet cem. Apino bitig di tuhan gga yok dino bitbon puig hi mem gima ingwes ngun leu hukum di Noni mikes ei yokti dima bi a.

AYUB 9:4

Tut Allah ne ningon ki bibor ba, sindem bibor cem. Tou rino sindem mem gima kui dip Noni i?

MAZMUR 50:17

Lewo jikou sut Ditde nisok kep jeti ba, jibirok Ditde nicukti nya ei jitta cem.

NEHEI LEUSI 7:13

Mbro nok gima lo, Firaun ningkek ndok tut Musa kin Harun ighyet bit leu nok tuhan nipaisi pima. Bit bon noni ce tut ighyet bibit kan bi.

YESAYA 46:12

Je di jingkek ndok di jikan bipia ditum dingon tut Ditde nicunti tirigi dibindei timek Ditde siceu nya e,

YESAYA 48:4

Dikan tut bipia jingon tindak ba, jibou ngwakti nggwes cem jingkek ndok cem.

YESAYA 6:10

Noni pai bida “Ma abindei ba, yo dini ingkek ndok cem idat kep itingou cem imut igyai cem ser nhyema iba igyai ngat mungkun cem iba itingou miap mungkun cem iba ingon bisrip huk cem leu api ingkwei hanyen ndam Da bidibindei ba, ikei hanyen cem au.”

YESAYA 65:12

Jahagom mijimai nimbiam. Lewo mpe di dihig je lene jigibuhup bi. Ba, mpe di dimbrap lene jigimiap kep dihyet bi. Jikos tut bipia jico kep Da bijibon kep mun di kinei he.

YEREMIA 17:1

tuhan pai “Je di timiei Yehuda e, jikilis kep jide sisar ei jingonti kin jide nimbar hum dok nuhuisi nya dem kep nok no di ba buk nika di ba ngkimom nitu bibon bicim tig permata intan ei niyenti.

YEREMIA 17:23

Noro jidigup bat-jidigai bat nya imiap kep dihyet ba, yahati tut Ditde nicuk yokti dima cem bi. Ingkek ndok ba, ikou sut gima ibit dihyet cem ikou sut Ditde nipingok yokti cem.

YEREMIA 26:19

Noro Nibou Ndig Hizkia kin timiei Yehuda nya igyai nimai bak Mikha bi. Leu api Hizkia kuk no bak tuhan bahara Noni bingondut yok. Lene tuhan luei ningonti tut mun di buhun bibor di Noni mibindei cut igkep yok. Noro tini bu ne nahanok minibindei ba, mun di buhun bibor micut igkep nye.”

YEREMIA 42:21

Nogindi pa ditri tut ide tuhan Allah nisok mem jeti nya hagom bije noro jikou sut nibit nisok mem jeti dima.

YEREMIA 5:3

Ningat ne tuhan ningon ya mem yo di iba ingon gom bibit Noni. Noni bui je tu noro jisem tut Noni. Noni bindei bijinem-nnai noro jikou sut nide nipingok jeti. Jingkek ndok ba, jikou sut gi jittin ser jide sisar.

YEREMIA 7:20

Gima rino Da di tuhan Di Dinyeng Jei Bibor midisiber Ditde nigga biborti ug ei Ditde Ig dini kin tungwatu nya kin mindhe-ndhe nya kin biei ninjem nya kin njita beisi hagom dip. Ditde nigga biborti nok hum di cig-cai leu api bit bon hi mu kan bi.”

YEHEZKIEL 11:19

Midiyai ningon di nijep kin nikan-kan nyenti di nijep biyok. Diyai ingon di ndok di dem kep tig leu yok lene diba ningon di bit dihyetti biluei bu.

YEHEZKIEL 14:5

Kwar di ikuk yok bak dima mbres Ditde limwa nya ei minu ting leu Da tu. Noro mpaba dibuhupti dima bindei ba, Ditde limwa nya mingkwei hanyen ndam Da.”

YEHEZKIEL 2:4

Ingkek ndok ba, igikuk yok biDa bi. Gima rino Da di tuhan Di Dinyeng Jei Bibor disok dihyet ei na dip bak yoni.

YEHEZKIEL 36:26

Midiyai ningon di nijep kin nibou ngwakti di nijep bije. Midiba ningon di bit dihyet biluei ningon di tindak di noyam kin tigya.

ZAKHARIA 1:2

tuhan cuk da leu binhyepo dipai bak Nide limwa nya “Da di tuhan Di Disindem Bibor digga jidigup bat-jidigai bat nya bibor ei nijam gi nipou pini jug.

ZAKHARIA 7:7

tuhan tri tut nisokti dima tug hon nabi nya ei nijam gi nipou pini jug di timiei minu ndig Yerusalem ibong kei igwam kei ba, mpia mbum-bra ri. Ei nijam dima ne ibong ser minu mien nya di jo ttai minu ndig he bi noro ibong ei minu mien ei nite bei mpia nibiho kin mbigdip nimig him nya ei nite bei mpia nicutti cem.

MATIUS 13:15

lewo ingon tindak ser ba, idat kep itingou ser lene imut igyai leu cem tu. Gi bi lene igyai piga ba, itingou tu cem lene ingon dorti hanyen apino ittin ser ide sisar bikiek ndam Da leu binhyepo dibindei ba, ikei hanyen.’ ”

MARKUS 4:12

Leu binhyepo, ‘Mbro nok gino imian ser ninno lo, ingon dorti bi. Mbro nok gino ingig itingou mem nihyet ninno lo, imiap bi. Mun dini pek kep mem yok ser nhyema iba igyai bingat mungkun cem, iba ingon bisrip huk cem leu api ingkwei hanyen ndam Da bidibindei ba, ikei hanyen bidikos ser ide sisar cem au.’ ”

LUKAS 8:12

Njita ngan di cut ug ei puigsi bindo tut yo di intu kep nihyet. Noro tirigi intu kep nihyet lene Bilis kwei pos nihyet di cut ei ingonti leu binhyepo ingon jo kep ba, igyai gi teu leu ide sisar kin niyaijo nijep bi.

KISAH 28:27

Lewo mben dini ingkek ndok ser bidat kep itingou ser ba, imut igyai cem leu su. Mun dini cut igkep yok ser nhyema iba igyai bingat mungkun ba, iba itingou bimiap mungkun ba, iba ingon di bisrip huk bikwei hanyen ndam Da leu binhyepo dibindei ba, ikei hanyen cem au.’ ”

PETRUS GI NICAN 1:21

Lewo nihyet di nabi nya itri tut tibim kwei tug hon tungwatu nya ingon kanti bi sren. Noro Allah Ninnei bie tut yok tirigi itri tut nihyet di kwei leu Allah Nonti.