Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ZAKHARIA 6:6 - ALLAH NIHYET MEM TUNGWATU NYA

6 Kroba pran di kuda nimmun nya ikri mbut ndam nite bei mpia nijjai biyuug ei Babel. Kuda nitiei nya imbut ndam nite bei mpia nicutti lene kuda di nillikti nya imbut ndam minu di jo nite bei mpia nibiho.”

အခန်းကိုကြည့်ပါ။ ကော်ပီ




ZAKHARIA 6:6
14 ပူးပေါင်းရင်းမြစ်များ  

tuhan tri tut nihyet tut mindhe-ndhe nya di ibong ei iggum ndigsi ndam nite bei mpia nibiho bipai “Yo di igya hacan pima ikak puig ug ei nikineisi ba, ei sirima ne singa kin wou piet kin naga di bon ninyehei ilus-lus nyen. Yo di igya hacan igyai ide mun di nibok kak bibor bak ngkiai di bit bon impu yok kan bi.


Midikes dihyet bak timiei mpia nijjai nya kin mpia nibiho nya leu binhyepo ice tut jide nintun him yamti di bram yam nya ba, ikwei hanyen leu ingkiaisi bisindui sut Ditde limwa nya ba, ikwei hanyen leu dihyei nisurti-nipekti.


‘Midinduk ngkiai nya yahagom kwei leu nite bei mpia nijjai kin Ditde awak Nebukadnezar di nok nibou ndig mem minu Babel cem kwei. Midiya tut yo dima mem gima ikon pran bit minu Yehuda bitut nide limwa nya kin ngkiai nya di ibong ttai yok yahagom. Midibindei sar timiei Yehuda kin ngkiai nya di ibong ttai yok yahagom lene midisindui sut ba, ijjem bijo ninno bijo kikau. Yo di ingat ditde niyai munti dima idigit tut ba, igyai ngkek ttin. Da di tuhan disimbot dat tu.


Ma jindo hangi puig di ug ndam tuhan de Nungug Sion! Ma jipri haninyai ba, jibinyen au. tuhan tin ei mem mikes mun di buhun kin mun dibindei sar di nindig bibor kwei leu nite bei mpia nijjai.


Noro da di Yeremia dipai bipia njap di ammani ne tuhan Di Ninyeng Jei ba, Sindem Bibor cem Nide njap ngon bou ri. Noni buhup bak Nide siceu nya yahagom mem njap di ammani. Nide singau simeda miyem yok lene midut inggrom cem bindei. tuhan Di Sindem Bibor bui Nide mun di bibon midut nya ei nite bei mpia nijjai dideu Igmem Ndig Efrat mem njap di ammani.


Tirigino minu Babel cut ug ei ngkiai nya di ikwei leu nite bei mpia nijjai di ibindei timek yok indati ne mun nyeng hagom ei mpia-bbed him kin dihyeisi dini mimbos-hi-mbos bigyai nillei ba, ingon kei kep.


Je di jintun Benyamin him e, ma jinang bijingwes ngun! Jinang leu minu ndig Yerusalem bijo! Jimiep pun mbrei ei minu ndig Tekoa. Jibuhui hum nibitto ei minu mien Bet-Kerem! Lewo jei bi ne mun di yok nisinsiou kin ninggruk biborti ei nyeti micut igkep nye kwei leu nite bei mpia nijjai ri.


Dikon dibou bidingat lo, hou di nimig ten bibor cut kwei leu nite bei mpia nijjai. Kigyei ninjeng cem srei ei bumbuhui ttou nindig gom bipiga digai mpia-bbed him di gahai nya hagom. Ba, mun di iba ngkimom-tembaga bibon di sieng kei jo hammi kigyei dima nibousi.


Tirigi nibou ndig minu Siria ninyeng tak kepti ningwig honti dideu su lene nibou ndig minu Mesir njei siceu bihwen noni. Nibou ndig minu Siria buhup bikon pran bit bibor binjei sut kroba pran kin kuda kin kibar minyei mang bibor ba, bihwen. Noni ba siceu bihwen noyam kin minyei di su nindig bibor biyai minu mang bibor biyati.


Leu api nibou ndig minu Siria njei siceu bihwen nibou ndig minu Mesir. Noro nibou ndig Mesir ba pran bit bisu jou kep ninghim dip bingkwei hanyen ug ei nide minu.


Leu api Domba Pmot cug biei nggrai gi niningai leu lene dimiap mindhe gi niningai pai “Akwei!” Dinyohou tou kep bidingat lo, kuda di ninta nimmun ningut gom ttau kwei. No di bri bigwam dip krau kilo ei nindati.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ