ZAKHARIA 6:13 - ALLAH NIHYET MEM TUNGWATU NYA

¹³ Noni rimiwin Ditde Ig ba, tug ndei ninyeng di jei di noyam kin nibou ndig ba, ninyeng mitak kep nide limwa nya. Imam gom miya kui noni ba, yahacem miba ningon kei sut yamti kin ningon kwes kin yamti bigyai midyai.’

ZAKHARIA 6:13 ပူးပေါင်းရင်းမြစ်များ

NITRITI 14:18

Lene Melkisedek di nibou ndig Salem cem ya um Abram biyai roti kin ba anggur ngei bak. Melkisedek ne imam mem Allah Di Ninyeng Jei Bibor ri.

SAMUEL GI NICAN 7:13

Noni rima mingot ig gom mem Da. Lene midibindei ba, yo di intun noni him minok nibou ndig nya bigya luei nohoti bram yam bijo ninno bijo kikau.

MAZMUR 110:1

Doia Daud. tuhan pai bak nibou ndig di ninyeng tak kep da “Ma agwam kui dinda com bibou doom ade siceu nya binok bilen mem amig ug e.”

MAZMUR 110:4

tuhan preu ei tug hon neheng bipai “Dikon anyeng nok imam noyam kin imam Melkisedek kikau buug hon nohonti bi.” Ba, Noni mingkwei leu nipreu eisi dima bi sren.

MAZMUR 21:4

Na di Allah aya um nibou ndig ba, anjei mun di kei mpung bipias hagau bak lene aba topi mas bijuk nibou cem.

MAZMUR 21:5

Noni hara Na mem niyaijo lene ayai niyaijo bak he bi noro ayai nide njap di jei bijo ninno bijo kikau cem bak.

YESAYA 11:10

Njap ngon bou midem leu api nibou ndig di ntun Daud him mindo bindo tut nibiyok ngon kepti mem mben yahagom. Yoni minduk yam kwei ndam noni bikon nide minu ndig ninyeng bijo anai.

YESAYA 22:24

Noro nide keret di imbier kim noni kin gi nonti su no mem nya mibuhun tak noni. Yoni mindun ninda him noyam kin yeng di isreu ei keu nindig him.

YESAYA 54:10

Mbro nok gino mbigdip nya kin nungug tou nya ugwa-kwei bitti bingwig lo, midingon ngakei na bidingon kwes kin na bit leu nok dipreu ei mem nati bijo ninno bijo kikau.” Nihyet dima tibim kwei leu tuhan di ningon ngakei na nuhui him.

YESAYA 9:5

Munggwom gom srek mem nye tu! Igyai mot gom mem nye tu! Mot dima ninyeng mitak kep nye. Tungwatu nya mijem ninyeng ‘Nikei Di Ningon Ki’ kin ‘Allah Di Sindem Bibor’ kin ‘Icig Di Niyaijo Kikau’ kin ‘Nibou Ndig Nibong Kei Nigwam Kei’ cem.

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

YESAYA 9:7

tuhan simbot dat tut hukum di Noni mikes ei mben Israel dip tu.

YEREMIA 23:5

tuhan pai “Midita nibou ndig di ningon sren di ntun Daud him mem nijam gi nidipti bu. Noni ba ningon kiti kin ningon sren-srausi kin ningon gomti bininyeng tak kep ei jide minu nisurti-nipekti.

YEREMIA 23:6

Mpe dino ninyeng tak kep ne timiei Yehuda kin mben Israel nya yahagom mibong kei migwam kei. No dima ninyeng rino ‘Ide tuhan Di Teu Nye Leu Sisar Biyai Niyaijo Nijep Binye.’

YEREMIA 33:15

Mpe dima lene didimig tungwagom di ningon sren di ntun Daud him ei mem gima kui bigwam nok nibou ndig. Nibou ndig dima mibindei mbut ningon gomti kin niyai mun igbitti bidem minu nisurti-nipekti.

MIKHA 5:4

Noni mibindei ba, yahagom ingon kwes kin yam. Tirigi tentara mben Asyur nya ihwen ide minu dini binggek ngug tig nya lene nyeni micuk ide nibou di mimbri kui ingkek ba, ihwen yok bibiyai nimai biyok.

ZAKHARIA 4:14

Noni pai “Gima ne ibou can di tuhan di pai tes dihyeisi kin gwamti bitut mun di joti nya hagom dimig ei mem gima igyai midyai mem Noni ri.”

ZAKHARIA 4:9

bipai “Zerubabel prion tig mma mem Ditde Ig nikiou tu ba, noni miwin Ig dima titut yam biput. Gino gima pek kep ne Ditde limwa nya mikan tut bipia Da di tuhan rino dicuk na ndam yok a.

ZAKHARIA 6:11

Aba mas kin perak di ikwas dima yok bibon topi nibou ndig ningat gom ba, abijuk Imam Nibou Ndig Yosua di Yozadak nipmot nibou nggram him a.

ROMA 5:1

Nogindini nyeni ingon kwes kin Allah hanyen tug hon ide niba ningon com Noti. Gima bindei ba, igyai ingon di jo nyahan ei Allah Noho bei tug hon ide Tuhan Yesus Kristus.

KOLOSE 1:2

bak Allah de limwa. Jeni ne nisut bat nya ei minu ndig Kolose di jingon gom ba, jinok gom kin Kristus. Handei kon ba, Icig Allah singat tut je biyai jingon jo nyahan.

IBRANI 3:1

Disut bat je di Kresten di Allah hig je tu nya. Ma jibisrip tut Yesus di Allah cuk kwei nok Imam Nibou Ndig mem niba ningon comti di nyeni itri tut ug e.

IBRANI 6:20

Yesus tin puig buug ei ninsi dima mem nye bitug ndei ninyeng Imam Nibou Ndig kikau noyam kin Imam Melkisedek tu.

PETRUS GI NIGOM 3:22

Yesus Kristus kui ug ei gwamti biya kui Allah ninda com tu. Ba, ninyeng tak kep malaikati nya kin nibou nya kin nisindemti nindigsi nya ei mpia-bbed him.

NINGAT-HI-NGAT NYA 3:21

Midisindui sut yo di ibindei cut sisar nisindemti bigwam kui Da ei Ditde banggo mbrei bit leu nok Dani cem dibindei cut sisar nisindemti ba, nogindini digwam kui Dicig ei Nide banggo mbrei.