ZAKHARIA 6:12 - ALLAH NIHYET MEM TUNGWATU NYA

¹² Ma abipai binoni bipia Da di tuhan Di Disindem Bibor dipai ‘No di ijem ninyeng Biei Biop mingat ningat ei mpia di ntun him biwin tuhan De Ig hanyen.

ZAKHARIA 6:12 ပူးပေါင်းရင်းမြစ်များ

SAMUEL GI NICAN 7:13

Noni rima mingot ig gom mem Da. Lene midibindei ba, yo di intun noni him minok nibou ndig nya bigya luei nohoti bram yam bijo ninno bijo kikau.

EZRA 3:10

Tirigi tukan nya sindi ikinyon ei niwin tuhan De Ig nikiouti rino imam nya ijuk ide sinsun nibon midut ba, ikrau ide pun mbrei lene yahagom idimig igyati. Leu api keret Lewi ibou poi di imbier kim Asaf cem idimig igyati bikrau yeng benga. Yahagom inggei sut tuhan bit leu nok ningginausi nya di itri tut biyam ei nijam Nibou Ndig Daud.

EZRA 3:8

Ikinyon ei niwin tuhan De Igti hanyen ei bed gi nican ba, ari bingwam gi nican niabiati ingkwei hanyen kwei ei minu ndig Yerusalem tu. Yo di igyai kep midyai dima inyeng Zerubabel kin Yesua kin isut bat mben Israel kin imam nya kin keret Lewi nya kin yo po ibong ingkiaisi pima yok yahagom. Keret Lewi nya di ide njap ug ei ari bingwam nyatungwagom nima kui inyeng tak kep yo di iwin tuhan De Ig ba, ipingok ingonti tut.

YESAYA 11:1

Nibou Ndig Daud de nintun him yamti di bram yam nya midem kep nok biei di iwim tu. Bit leu nok nibiop ntun ningwam him hanyen ne nibou ndig nijep bu di ntun Daud him mikiju kwei.

YESAYA 4:2

Tto bou midem leu api tuhan mibindei ba, njita kioi kin biei mehei bidem ninyeng hagom bindig ngat ba, kei-kau cem ei minu dini. Mpe dima lene mben Israel di ingwes ngun inggei ngwig ba, ingon llei cem tut ningat di igyai kui ig gudan.

YESAYA 53:2

Lewo tuhan de awak dima noyam kin biei kioi di hei ei dihyei di ngoi-ngati bit leu tuhan ningon kanti mem noni. Awak dima niyai nggrop mbris kei ba, niimaisi kei bibor kei leu dima nyeni ingat ingwes ei noti bi.

YEREMIA 23:5

tuhan pai “Midita nibou ndig di ningon sren di ntun Daud him mem nijam gi nidipti bu. Noni ba ningon kiti kin ningon sren-srausi kin ningon gomti bininyeng tak kep ei jide minu nisurti-nipekti.

YEREMIA 33:15

Mpe dima lene didimig tungwagom di ningon sren di ntun Daud him ei mem gima kui bigwam nok nibou ndig. Nibou ndig dima mibindei mbut ningon gomti kin niyai mun igbitti bidem minu nisurti-nipekti.

YEHEZKIEL 37:25

Yoni kin ide nintun him di bram yam nya mibong ser itimieisi di diyai bak Ditde awak di Yakub kin idigup bat-idigai bat nya di ibong ser nipou su bijo ninno bijo kikau. Nibou ndig di noyam kin Ditde awak di Daud ninyeng mitak kep yok kikau.

YEHEZKIEL 41:1

Lene no dima buwak da ug ei ninsi gi jo hacan di ijem Ninsi Di Kwes. Noni nai puig di mbut ug ei ninsi dima lo, nijeisi dem meter ningai,

AMOS 9:11

tuhan pai “Ei nidipti bu ne midipindi Daud ninyeng tak kepti di tti tu di noyam kin ig di nggun ba, kei hanyen. Dikinding ngug tig di krop ttai minu dima binoyam kin ngug tig gi nitimiei hanyen.

MIKHA 5:5

Nibou dima yok miba minggwen di nggwen-gwau biyai nimai bak mben Asyur leu api iteu nye leu indati.

ZAKHARIA 13:7

tuhan Di Ninyeng Jei Bibor pai “Singau simeda e, ma akiju ba, ahwen gembala di yai midyai mem Da! Ayai nimai bak leu api ide domba nya mintek gimahap. Dihwen Ditde limwa nya ba,

ZAKHARIA 3:8

Imam Nibou Ndig Yosua kin je di imam nya di jiya kui noni e, ma jingig jitingou mem dihyet. Jahagom jinok bindo tut nijam di kei ei nidipti bu ri. Midihig Ditde awak di ninyeng ‘Biei Biop’ kwei.

ZAKHARIA 8:9

tuhan pai bak Nide limwa nya “Nogindini jimiap mun nyeng di nabi nya indat kep ei mpe di iprion cou mem gima iwin Ditde Ig hanyen ei nitti leusi tu. Gima rino ma mimbri kui jingkek!

MATIUS 16:18

Gima rino dipai bina di Petrus bipia nani ne tig di nddong kei ri. Midita Ditde mbusyamei ei tig di nok cou nipmem dip rin ba, bit bon Bilis kin nide limwa nya ibindei cut mbusyamei dima kan bi.

MATIUS 26:61

lene ibicum bipia “No dini pai ‘Dilet Tuhan De Ig leu api dingot hanyen biput ei njap ningai.’ ”

MARKUS 14:58

“Nimiap Noni nihyet di pai bipia Noni milet Tuhan De Ig di tungwatu nya ingot bou inda him dini leu api njap ningai bu lene Noni mingot hiter bu di tungwatu nya ingot bou indati him bi.”

MARKUS 15:29

Yo di injiriek mpia ttou nsi dima iba ighyet bicig Yesus leu api ikit-kit nyen ibou leu Noni bipai “Na po apai bipia alet Tuhan De Ig leu api angot hanyen ei njap ningai pima rin e?

MARKUS 15:39

Tirigi nibou tentara ngat gi Yesus ninnei kimbasti dima lene pai “Ningat ne No dini ne Allah Nipmot nijit-jau ri!”

LUKAS 1:78

Ide Tuhan ningon nggriu ba, Ningondut Kep Nye Cig di tau kwei noyam kin mpia nipriti mem njap bigyoti biteu nye leu sisar biyai niyaijo nijep binye.

YOHANES 1:45

Filipus ug nggok ser Natanael bipai binoni “Nyeni nuum tungwagom di Musa pas tut Noni ei Puig Yahudi nicukti ba, nabi nya cem ipas tut Noni. Ninyeng Yesus leu minu ndig Nazaret ba, nicig ninyeng Yusuf.”

YOHANES 19:5

Gima rino Yesus hei leu ig bei tut cibou nggwen di ibijuk Noni nok topi bittin sinsun ngwoi di ndok di jei cem. Pilatus pai biyok “Jingat i! No pima ri!”

KISAH 13:38

Disut bat jen, ma jiyok ngon kep mungkun bipia nihyet tut nikos ser sisarti tibim ei jitingou nsi nogindini tug hon Yesus.

KISAH 17:31

Lewo Noni kos tut bitto bou dima Noni ba ningon di sren-srau bibirop hanyen bak tungwatu dihyeisi dini yahagom tug hon tungwagom di Noni dimig ei dima. Noni ndo bindo bak tungwatu yahagom tirigi Noni win no dima leu nimai eisi.”

KORINTUS GI NIGOM 3:9

Nyeni nibicom yam nok gom ba, niba nye bikum Allah biniyai kep Nide midyai nya. Jeni ne Allah de miai ngwoisi ri. Jeni ne Allah de ig ri.

IBRANI 10:12

Noro Kristus bon midut nikes Nonti ningut ei mem sisar mbigom ngat he lene bijo kikau ba, Nide midyai dima sindem kikau buug hon nohonti bi leu api Noni gwam kui Allah ninda com.

IBRANI 7:24

Noro Yesus yai midyai nok imam kikau lewo niyaijo kikau buug hon nohonti bi ba, hiter ya luei nohoti bi.

IBRANI 7:4

Gima rino gini ndo binye bipia ninyeng jei bibor lewo Abraham di nok pung di nyeni intun him kwas mun di noni pos leu nibou ndig nya ei nikon pranti gom leu ningot gom lene nok tut noni.

IBRANI 8:3

Bikwop imam nibou ndig nya yahagom ittei mun di tungwatu nya ikwas tut Allah ba, ibibon midut nibui mindhe ei Noho bei. Gima rino suar ide Imam Nibou Ndig cem pwoi nide munkwas hi mem gima Noni kwas tut Allah.