ZAKHARIA 6:11 - ALLAH NIHYET MEM TUNGWATU NYA

¹¹ Aba mas kin perak di ikwas dima yok bibon topi nibou ndig ningat gom ba, abijuk Imam Nibou Ndig Yosua di Yozadak nipmot nibou nggram him a.

ZAKHARIA 6:11 ပူးပေါင်းရင်းမြစ်များ

SAMUEL GI NICAN 12:30

Lene Daud ug pos topi nibou ndig leu nibou ndig nibousi lene bijuk nonti nibou nggram him a. Topi nibou ndig dima nibuhunti kilo ningot ningai ba, muhwi lene iba tig permata ninjep gom di dia-diau kei bimau. Lene Daud nya ittei ndigban di ipos leu minu dima nindig bibor cem.

EZRA 10:18

Gini ne daptar tut yo di iwak sop ngkiai nya pima inyeng ri. Yo dini rino ipreu sut gima ikou itnem bat ngkiai nya leu api indig domba nikre ningut gom ei nimbar hum dokti bak tuhan mem ibon midut nibiyai nikos ser ide sisarti. Ipas kep imam nya inyeng bit leu insi de nya ba, yo dima ne Maaseya kin Eliezer kin Yarib kin Gedalya di intun Yesua ninsi de nya him bitut nide adig-ajoi nya di Yozadak nipmot bat nya kin Hanani Zebaja nya di intun Imer ninsi de nya him kin Maaseya kin Elia kin Semaya kin Yehiel kin Uzia di intun Harim ninsi de nya him kin Elyoenai kin Maaseya kin Ismael kin Netaneel kin Yozabad kin Elasa di intun Pasyhur ninsi de nya him.

EZRA 3:2

Imam Yesua di Yozadak nipmot kin nisut bat imam nindigsi nya kin Zerubabel di Sealtiel nipmot bitut nide bat nya cem yahagom ikinding tuhan di mben Israel ide Allah de nimbar hum dok hanyen leu binhyepo ibibon midut nya eisi bit leu nok Allah de awak di Musa pas ei nide Srat Nicukti.

MAZMUR 21:3

ningon kanti kin mun di hara Na tut nya pek kep mem no tu.

NEHEI LEUSI 29:6

Lene akes topi ei nibouti bittin leu api angot penen mas tut ninyeng ‘tuhan Dimig Imam Dini Ei Mem Nonti’ pima kin topi bei noho.

NEHEI LEUSI 39:30

Lene iba mas bibon penen di bindo bipia Imam Nibou Ndig dimig nonti ei mem tuhan ningat gom leu api ikilis eisi nok gini. tuhan Dimig Imam Dini Ei Mem Nonti.

DIUN MIMUN 3:11

Je di sop gwam nitta pilei minu ndig Yerusalem e, jehei kwei bijitou kep Nibou Ndig Salomo di su no tut topi nibou ndig di nipmem bijuk nibou ei njap di nitnem yoni iwak yamti. Njap dima ne ningon llei nindig bibor!”

IMAM NYA IDE MIDYAI 8:9

Lene noni kes topi ei Harun nibou bittin leu api ngot penen di iba mas bibon di ndo bipia tuhan ninyeng tak kep imam dima eisi. Musa yai gini hagom bit leu nok tuhan nicuk noti.

HAGAI 1:1

Darius ninyeng tak kep Persia buug cut ari bingwam gi nican ei njap gi nigom mem bed gi nimuhwindagom lene tuhan sok nihyet ei Nabi Hagai dip. Nisokti dima bak nibou Zerubabel di Sealtiel nipmot ba, ninyeng tak kep mben Yehuda kin Imam Nibou Nindig di ninyeng Yosua di Yozadak nipmot cem.

HAGAI 1:14

tuhan pingok ei Nibou Zerubabel kin Imam Nibou Nindig Yosua kin yahagom di ingkwei hanyen leu ingkiaisi kwei ingonti leu binhyepo yahagom impu yam tut midyai niwin tuhan Di Sindem Bibor di ide Allah De Ig.

HAGAI 2:4

Mbro nok gima lo, ma jahagom jingon cut leu au! Ma jinda jo kep midyai niwin ig dimati lewo midimpu je kikau.

ZAKHARIA 3:1

tuhan ba ningat-hi-ngat bindo Imam Nibou Ndig Yosua tirigi ya ei tuhan de malaikati noho bei bida. Bilis di tin ei mem gima pai kep Yosua ya kui nitta.

ZAKHARIA 3:5

Noni cuk yo di igya kui no mem gima iba minghas di pwoi kei bingot Yosua nibou. Igyai igbit nipaisi leu api ijuk sinsun di nijep ei noti tirigi malaikati dima yok niyai kep yok tut.

ZAKHARIA 6:14

Topi nibou ndig dima mijo kikau ei Ditde Ig binok topi nibiyok ngon kep Heldai kin Tobia kin Yedaya di icigit Yosia kui ide ig.

IBRANI 2:9

Noro ikan tut Yesus kin Nide nisindemti tu! Allah om Yesus wer ei bijehei leu malaikati nya mem nijam di jei bi leu binhyepo Noni mai mem tungwatu dihyeisi dini hagom tug hon Allah de nisingat tut nyeti. Nogindini ikan tut bipia Noni yai Nide nikei-kau-keisi kin ninyeng di jei lewo tug ndei ninghuisi wei kin nimai tu.

NINGAT-HI-NGAT NYA 19:12

Niyai njeng-jau nok hum ba, Noni ttin topi mas mang bibor. Srat bokti tut ninyeng hi jo ei Noni dip lo, Nongkom kan tut ninyeng mimun dima.

NINGAT-HI-NGAT NYA 6:2

Dinyohou tou kep bidingat lo, kuda di ninta tiei ningut gom ttau kwei. No di bri bigwam dip krau hampiap biyai topi mas bittin. Noni kinyon ei Nide midyaiti nok no di om kep mun nyeng hagom ba, bindei cut yo di iba nitok bak Noni yahagom.