ZAKHARIA 5:8 - ALLAH NIHYET MEM TUNGWATU NYA

⁸ Malaikati dima pai “Sop dini bindo tut sisar di kinei bibor ri.” Pai nok rino om sop dima hanyen ei bansiti lene ba nibeng bikibou kep.

ZAKHARIA 5:8 ပူးပေါင်းရင်းမြစ်များ

NITRITI 15:16

Lene ei nidipti bu mem nijam di agnyon bat nya ignyon bat nya igyaijo lene ade nintun him yamti di bram yam nya mporo mingkwei hanyen ei sirini. Lewo midijji mben Amori leu minu dini bigyo bibou ikum ei ide nimbukti nindig bibor bu ug e leu api mpe dima lene midikes hukum ei yok dip.”

MAZMUR 38:4

Dinggwen buhun drek dip Ade nigga biborti. Ditde sisar bindei ba, dinghuisi hi di kwes bi.

NIPINGOK NINGONTI 5:22

Yo di isibut ide sisar di ibon nya dem kep bon di srou yonti hanyen.

NIBWOS-BWOS NYENTI 1:14

Noni mbus ditde sisar nya hagom keyam leu api ngot kin yam binok gom lene ba gima bisrou dikimam apino gima buhun tak da di dinghuisi jet tut o! tuhan kes da ei siceu nya indati apino bit bon dibindei timek yok kan bi o!

HOSEA 12:7

Gima rino je di jintun Yakub him e, ma jiba jingon com jide Allah ba, jingkwei hanyen ndam Noni. Ma jinyohou ningon ngakei Allahti kin ningon srenti. Ma jigwam nyahan ba, joom jingon bibou jide Allah kiju ba, brim ningkek mem je ug e.

AMOS 8:5

Jikan “Bit bon sibet singon mem pesta di sibon kep njap ndig Bed Jep ningwigsi kan bi. Lewo singon pri tut nituti mem sitri side gandum ba, sibipek mitiei hanyen. Njap nigwam kep ninghuisi cem apig api tun i? Gino tun tu ne sikinyon ei gi sitri mun bisibipek mitiei hanyen. Mpe dima lene sibindei ba, ndigban nibok kak bibor ba, siba kilo nitrowai binai gandum nibuhunti leu binhyepo siris mun bak yo di ikwei pek ndiyok leu sa.

MIKHA 6:11

Notou midikos ser yo di iba kilo nitrowai biris tungwatu nya dima ide sisar i?

ZAKHARIA 5:7

Bansi ndig dima bon nibeng di iba jep oi bibon. Tirigi ditou kep nggilun lene malaikati kau nibeng leu api dingat lo, sop gom no gwam ei ninsi a.

MATIUS 23:32

Gi nok lene ma jibinut sisar po jidigup bat-jidigai bat nya ikinyon eisi pima bingwig ug e!

TESALONIKA GI NIGOM 2:16

Gima he bi noro itte tut gi nitri tut nihyet di biyai niyaijo nijepti bak ngkiai nya. Tug hon nisinati dima lene igyai kep igyai kepti ba, ibikum ei ide sisarti apino ingon mpung-piet tut sisar. Ningwigsi rino Allah de nigga biborti hatap yok tu!