ZAKHARIA 5:4 - ALLAH NIHYET MEM TUNGWATU NYA

⁴ tuhan Di Sindem Bibor pai bipia nisigionti dima micut igkep bikwop ninggimang mun cig kin neheng ugwai-gwai tug hon Nonti ninyeng cig ide ig a. Nisigionti dima micut igkep ig dima yok kikau bitimek biwer igkum kroi kep.”

ZAKHARIA 5:4 ပူးပေါင်းရင်းမြစ်များ

AYUB 18:15

Tini bu ne hiter bong ser nide prak meng nsi lene niabiati iba aspal ngei bigimahap mpia dima ba, ibidip tut no di nggwen nibongti.

AYUB 20:26

Mun di nyeng tut nya hagom sar leu api hum di tungwatu indig bi yem nonti bitut nide ig bei nsi nya yahagom.

AYUB 8:15

Gino ibram kui anggungga lene ngkiem tut yok e? Gino isu inda bikrau mong mbrei gom ngat lene dem mem gima bahati tut yok e?’

AYUB 8:22

Lene Noni mibindei ba, yo di ingon koi kep nani mimmai sut yonti bicut hak. Noni minggek ig di yo di isibut nya ide bitimek bingwig hak.”

NIPINGOK NINGONTI 3:33

tuhan sigion yo di isibut ide ig bei nsi nya noro Noni njei ningat di kei bak yo di ingon sren nya ide ig bei nsi nya.

YESAYA 24:6

Gima rino tuhan sigion dihyeisi dini bikes hukum ei yahagom dip. Yoni mibiang ide sisar nibuhunti. Noni bindei ngkiong yoni leu ba, poi mien he rima ingwes ngun a.

YEREMIA 2:26

tuhan pai “Bit leu nok no di nggimang igkei mmai sut nonti tirigi yo di igya ser nya ikat noni nok gima cem mben Israel bitut nibou ndig nya kin yo di igya kui yok kin imam nya kin nabi nya yahagom mimmai sut yonti.

HOSEA 4:2

Yeheng biyam noro iluei ingonti tut hanyen ba, iris mun cem. Ihwen yam binggimang ba, icut tut yam cem. Nimbuk tut yamti bikum eisi bu ba, sisar nihwen yamti kieng kep ide minu dini hagom.

HOSEA 4:3

Gima rino ide minu dini mingak-cai hanyen leu api mun di ninnei tau nuhwap nsi hagom mai bingwig bitut mindhe-ndhe nya kin ha nya kin wau nya cem hagom.”

AMOS 3:10

tuhan pai “Timiei minu ndig Samaria iba mun di igyai tunggwei sut yam bipos ndigban nindig bibor leu tungwatu nya binju hagom ei ig nibou ndig nya ide. Bit bon iba ingon gom biyai mun nyeng gom kan bi.

ZAKHARIA 5:3

Lene noni pai bida “Nisigionti mem minu dini nisurti-nipekti no jo srat kijum dimati a. Mun di ipas ei srat nite hi pai tuhan micok tut bikwop ninggimang mun cig leu minu dini. Ba, mun di ipas ei srat nite hi bu pai tuhan micok tut neheng ugwai-gwai tug hon tuhan ninyeng cig leu minu dini.

ZAKHARIA 8:17

Ma juhum yam nsi mem gima jibon mun di kinei bibor biyam au. Ma jiris mun bijibeheng tut tug hon tuhan ninyeng au. Dingon mpo tut nisuglai-suglai waisi kin nikei nikos tutti di sren bi kin nimbuk tut yamti.”

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

NINDAT KEP TUHAN NICUKTI NYA 28:16

tuhan misigion jide minu ndig nya kin jide miaisi nya cem.

NINDAT KEP TUHAN NICUKTI NYA 7:26

Ma jipwoi kwar dima yok ba, juug sut ug ei jide ig bei au. Leu gi nok lene mijitug ndei nisigion jeti noyam kin kwar nya di tuhan sigion tu. Suar jingon mpo tut mun dima yok hagom bijimbres jenti leu. Lewo tuhan sigion mun di dima yok hagom tu.”

YOSUA 9:20

Ma igyai nimai biyok au. Lewo ipreu ei mem yok tu. Ba, gino injiriek gi preu dima lene Allah mikes hukum ei nyeni dip.