ZAKHARIA 4:7 - ALLAH NIHYET MEM TUNGWATU NYA

⁷ Nibigen ser nati di dem kep nungug lo, mipror leu aho bei. Nani rino ma awin Ditde Ig hanyen. Mpe dino akrau tig mma di bon ninyeng ba, aprion ei nuhuisi lene tungwatu nya mimbos-hi-mbos bipai ‘Kei bibor kei!’ ”

ZAKHARIA 4:7 ပူးပေါင်းရင်းမြစ်များ

EZRA 3:10

Tirigi tukan nya sindi ikinyon ei niwin tuhan De Ig nikiouti rino imam nya ijuk ide sinsun nibon midut ba, ikrau ide pun mbrei lene yahagom idimig igyati. Leu api keret Lewi ibou poi di imbier kim Asaf cem idimig igyati bikrau yeng benga. Yahagom inggei sut tuhan bit leu nok ningginausi nya di itri tut biyam ei nijam Nibou Ndig Daud.

MAZMUR 114:4

Nungug nya ipri-pri nyen noyam kin kambir nya lene mbigdip nya igwam ibiau dip nyen nok domba mien nya.

MAZMUR 114:6

Mei, nungug jen e, mindei rino bindei di jipri-pri nyen i? Mei, je di mbigdip nya e, jigwam jibiau dip nyen tut mindei i?

MAZMUR 118:22

Tig mma di tukan nya ikou sut dima rinok cou nipmem di yai ninyeng jei dor njiriek tig mma nindigsi nya.

MAZMUR 84:11

Gino dicem kep Ade Ig mem njap gom ngat he lene gima kei dor njiriek gi dingat rin ei mpia ttou nsi hiter mem mmun-njap sribu gom a. Dijoi sut gi di ya ser dimbou pmem ei Allah De Ig leu gima dibong kei digwam kei bit yo di isibut nya.

YESAYA 28:16

Gima rino tuhan Di Sindem Bibor pai “Midita cou nipmem di sindem bibor ba, nddong kei cem ei mem Sion. Midiprion tig mma di bon ninyeng ei ig nuhuisi ba, mun di ipas eisi pai ‘Tungwa tou riba ningon com Da bingkiem kei miningon pus tut bi.

YESAYA 41:15

Jitou kep midibindei bijinok lat di sapi nya ikri di bon paku kin ninggwen nijep mang bibor ei nijou leu api midiba lat dima binging nungug nya kin nungug tou nya cem ba, dibidime kep hagom bisur yam cem.

YEREMIA 33:11

Noro nihyet niyai nilleisi kin ningon di nggei-hi-nggeisi kin nihyet nibon pesta niwak yamti mitibim hanyen kwei leu mpia dini yo. Doia di tibim leu yo di ibon midut nibipai sigyo ei Ditde Ig yuhui him cem mitibim yo. Yoni mipai, “Ma jipai sigyo bak tuhan Di Sindem Bibor lewo Noni singat kei ba, ningon ngakeisi jo ninno bijo mimpui.” Midibindei ba, nibong kei nigwam keisi kieng kep minu dini noyam kin gi nipou pima. Da di tuhan disimbot dat tu.”

YEREMIA 51:25

Minu Babel e, adem kep nungug di bindei timek dihyeisi dini hagom. Noro Da di tuhan midihwen nani. Midibrim nani bidirim na lene dibisindui sut ba, hum yem na leu api anok atriem ndung.

MIKHA 1:4

Noni bindei ba, nungug nya jet bingwig noyam kin lilin di jet ei humti ei nimig jou. Nungug dima jet ba, kau dop kak bisunggung ug ei mbang briepti nya noyam kin minyei di biam leu mbigdip nya kikau ug ei nimig nya.

MIKHA 4:1

Ei nijam di nidipti bu ne nungug tou di tuhan De Ig joti minok mbigdip di anai bibor dor njiriek mbigdip nindigsi nya hagom. Mpe dima lene mben dihyeisi dini hagom mittei yam bingwig kep mbigdip dima,

HABAKUK 3:6

Gino akes hon ba, aya hak lene dihyeisi dini ugwa-kwei. Gino aba ayai nghuisi jik kep mben dihyeisi dini ne inghuisi mpig sut. Nungug him di jo habiei nimbie him ki bingwig ba, nungug tou di jo ninno tu di aya-ya nyen eisi ei nimbie him kimbas ba, sur yam kei.

ZAKHARIA 4:8

Lene tuhan tri tut nisokti hi kin bu bida,

ZAKHARIA 4:9

bipai “Zerubabel prion tig mma mem Ditde Ig nikiou tu ba, noni miwin Ig dima titut yam biput. Gino gima pek kep ne Ditde limwa nya mikan tut bipia Da di tuhan rino dicuk na ndam yok a.

MATIUS 21:21

Yesus buhup “Ma jiyok ngon kep bipia gino jiba jingon com Allah ba, jihig jingon eisi bi lene dem mem jiyai bram diyaisi dima ba, jimbriom biei ara hak ug. Nok gima cem mijicuk nungug tou dini ‘Ason leu mpia dini ug ei muk ngeisi.’ Lene dem igbit jipai bakti ri.

MATIUS 21:42

Lene Yesus hig ser yok “Jikwop Allah Nihyet di ipas kep bi e? Nihyet dima pai, ‘Tig mma di tukan nya ikou sut bon ninyeng jei dor njiriek tig nindigsi nya. Allah bon mun dini ba, nyeni ingon llei sut nindig bibor!’ ”

MARKUS 12:10

Jikwop Allah Nihyet di pas kep nok gini e? ‘Tig mma di tukan nya ikou sut bon ninyeng jei dor njiriek tig nindigsi nya.

LUKAS 20:17

Yesus tou kep yok nggilun bihig ser yok “Gi nok lene ma jipai mingat tut Allah Nihyet dini, ‘Tig mma di tukan nya ikou sut bon ninyeng jei dor njiriek nindigsi nya.’

LUKAS 3:5

Ma jibindei ba, mbang briep hagom sur yam kei bijiwim bikwop nungug tou kin nungug nya hagom ba, sur yam kei. Ma jipingok puig di dwei hagom ba, sren-srau hanyen bijiji kep njuisi sur yam kei.

KISAH 4:11

Srat bokti tut Yesus di ipas ei Gi Preu Nitimieiti pai ‘Tig mma di je di tukan jikou sut dima ne cou nipmem di bon ninyeng dor njiriek tig mma nindigsi nya hagom ri.’

ROMA 11:6

Allah dimig yok drek dip ningon di singat tut yok lo, drek dip igyai munti nya bi. Leu gino Noni dimig yok drek dip igyai munti nya lene ningon di singat tut yokti dima ne nijit rin bi.

EFESUS 2:20

Allah ba je di jinok ighyei bingot kin nikiou di yo di igya kui Yesus kin nabi nya iprion ei Kristus Yesus di tereu nok tig mma di bon ninyeng ri.

PETRUS GI NIGOM 2:7

Tig dima bon ninyeng mem je dino jingon jo kep Kristus. Noro mem yo di ingon jo kep bi nya ne inok yo di ipas kep tut ei Allah nihyetti “Tig mma di ningot kep ig cig nya ikou sut dima ne tig di bon ninyeng dor njiriek tig mma nindigsi nya hagom ri.”

NINGAT-HI-NGAT NYA 16:20

Mios nya kin nungug nya cem hagom pror hak.