ZAKHARIA 3:8 - ALLAH NIHYET MEM TUNGWATU NYA

⁸ Imam Nibou Ndig Yosua kin je di imam nya di jiya kui noni e, ma jingig jitingou mem dihyet. Jahagom jinok bindo tut nijam di kei ei nidipti bu ri. Midihig Ditde awak di ninyeng ‘Biei Biop’ kwei.

ZAKHARIA 3:8 ပူးပေါင်းရင်းမြစ်များ

MAZMUR 71:7

Diyai munti nya ndo bindo di kei bibor bak yo di imang bibor. Lewo aya srak ko hagau dati sindem bibor.

YESAYA 11:1

Nibou Ndig Daud de nintun him yamti di bram yam nya midem kep nok biei di iwim tu. Bit leu nok nibiop ntun ningwam him hanyen ne nibou ndig nijep bu di ntun Daud him mikiju kwei.

YESAYA 20:3

Mpe di tentara Asyur igyon ttai minu ndig Asdod ne tuhan pai “Ditde awak di Yesaya mbut tut ningat ngu ba, juk srop cem bi mem nijam ari bingwam ningai tu. Gini ne bindo di bindo tut mun di micut igkep mben Mesir kin Sudan ri.

YESAYA 4:2

Tto bou midem leu api tuhan mibindei ba, njita kioi kin biei mehei bidem ninyeng hagom bindig ngat ba, kei-kau cem ei minu dini. Mpe dima lene mben Israel di ingwes ngun inggei ngwig ba, ingon llei cem tut ningat di igyai kui ig gudan.

YESAYA 42:1

tuhan pai “No dini ne Ditde awak rin ba, dahati tut noni bididimig noni ei cem ba, dingat dingwes ei noniti. Midikes dinnei ei noni dip leu api noni mitri tut ningon sren-srausi bak ngkiai nya gom-gom ei dihyeisi dini hagom.

YESAYA 49:3

Noni pai bida “Na di mben Israel e, duubon na nok awak mem Da. Tungwatu dihyeisi dini minggei sut Da drek dip na.”

YESAYA 49:5

tuhan dimig da ei nipou tirigi dipmem srek tut da bigyo leu binhyepo dinok awak mem Noni. Noni cuk da leu binhyepo dimbus Nide limwa di mben Israel keyam ba, ingkwei hanyen ndam Noni. tuhan bindei ba, tungwatu nya ikon dinyenga. Noni ne ditde nisindemti nibousi ri.

YESAYA 52:13

tuhan pai “Ningat ne Ditde awak miyai nide midyai nya biput apino tungwatu nya minggei sut noni bikon ninyenga.

YESAYA 53:11

Gima rino tuhan pai “Niabiati Ditde awak dima yai ninghuisi wei leu su lene noni miyai nillei bu lewo kan bipia noni yai ninghuisi wei mikui-kausi bi. Ditde awak mibindei ba, dijoi sut noni drek dip gi noni yai tungwatu nya imang bibor ide hukum ei noni dip. Midikos ser ide sisar tug hon nide niyai munti dima.

YESAYA 53:2

Lewo tuhan de awak dima noyam kin biei kioi di hei ei dihyei di ngoi-ngati bit leu tuhan ningon kanti mem noni. Awak dima niyai nggrop mbris kei ba, niimaisi kei bibor kei leu dima nyeni ingat ingwes ei noti bi.

YESAYA 8:18

Dani kin dimunggwom bat nya di tuhan yai bida nahagom ningat rin ei sirini. tuhan Di Sindem Bibor di bon Nide banggo mbrei ei Nungug Sion cuk nye ndam Nide limwa di mben Israel ba, ninok bindo mem yok.

YEREMIA 23:5

tuhan pai “Midita nibou ndig di ningon sren di ntun Daud him mem nijam gi nidipti bu. Noni ba ningon kiti kin ningon sren-srausi kin ningon gomti bininyeng tak kep ei jide minu nisurti-nipekti.

YEREMIA 33:15

Mpe dima lene didimig tungwagom di ningon sren di ntun Daud him ei mem gima kui bigwam nok nibou ndig. Nibou ndig dima mibindei mbut ningon gomti kin niyai mun igbitti bidem minu nisurti-nipekti.

YEHEZKIEL 12:11

Ma apai sut biyok bipia mun di abon dima ne abingon mingon tut mun di micut igkep yok lewo inok yo di itug ndei nicom yok ug ei ingkiaisi cem yo di isima cem nya ri.

YEHEZKIEL 12:6

Akon buwang tut ndigban ade nya ei anghat dip ba, ambut tut mem mmun di dindi-kai. Anggai ser ayai leu binhyepo angat puig di ambut kak bi. Nna ba mben Israel yahagom ingat mun di abon dima yok hagom bou igyai him. Ayai gima yok hagom nok mun di bisok kep ingonti ba, igyok ngon kep.”

YEHEZKIEL 24:24

Apino da di Yehezkiel diyai munti dini ndo bindo tut jeni. Jeni cem mijibon nok gi dibon pima yo. tuhan pai bipia mpe di mun dima cut igkep je lene mijikan tut bipia Noni ne tuhan Di Ninyeng Jei Bibor ri.”

YEHEZKIEL 34:29

Midibindei ide beisi nya hagom nnum kei apino bed di biang ninggum mitau kep yok ba, mben ngkiai nya ingwes moom kep yok bu bi sren.

YEHEZKIEL 37:24

Nibou ndig di noyam kin Ditde awak di Daud ninyeng mitak kep yok. Yahagom mibicom yam nok gom leu api nibou ndig dima ninyeng mitak kep yok. Ingon gom tut diggai serti bibit hagom nok gi kei cem.

ZAKHARIA 6:12

Ma abipai binoni bipia Da di tuhan Di Disindem Bibor dipai ‘No di ijem ninyeng Biei Biop mingat ningat ei mpia di ntun him biwin tuhan De Ig hanyen.

LUKAS 1:78

Ide Tuhan ningon nggriu ba, Ningondut Kep Nye Cig di tau kwei noyam kin mpia nipriti mem njap bigyoti biteu nye leu sisar biyai niyaijo nijep binye.