ZAKHARIA 3:10 - ALLAH NIHYET MEM TUNGWATU NYA

¹⁰ Tirigi njap dima dem lene tungwagom-gom minduk yo di ninttig-tta nya bikwei bingat ingwes ei nibong kei nigwam keiti ei jide miai ba anggur nghousi nya kin biei ara nghousi nya.”

ZAKHARIA 3:10 ပူးပေါင်းရင်းမြစ်များ

NIBOU NDIG NYA GI NIGOM 5:5

tuhan preu ei mem dicig Daud bipai ‘Midikon apmot gom biya luei ahoti nok nibou ndig bram nani bu ba, noni mingot ig mem Da.’ Gima rino sindi dikos tut bipia midingot ig dima leu binhyepo mben Israel mikuk yok bak tuhan eisi.

YESAYA 32:18

Mun di buhun micut igkep Allah de limwa nya bu bi apino yoni mibong kei migwam kei.

YESAYA 36:16

Ma jingig jitingou mem Hizkia nihyet au! Da di nibou ndig Asyur dibidip huk je leu binhyepo jehei kwei leu minu ndig dima bijikes jenti ei dindati hak ug. Gi nok lene midisindui sut je bijiyem ba anggur ngat leu jide miai ba, jingat jingwes ei biei ara ningat di ntun jide biei ara him cem jidut minyei leu jide minyei bousi bibou,

YEREMIA 32:15

tuhan Di Sindem Bibor di Allah Israel pai bipia ei nidipti bu ne nitri-nipek ig kin dihyei kin miai ba anggur nghousi mikieng kep minu dini bu yo.”

HOSEA 2:18

Mpe dima lene midipai tes mindhe-ndhe kin ha nya di bit bon tungwatu nya ipijuk kan bi nya leu binhyepo iwaisi Ditde mben bu bi. Ba, midipos minggwen pran nya hagom bingwig leu Ditde limwa nya leu binhyepo ikon pran ei ide minu dima bit yam bu bi. Leu api yahagom ingon mijo nyahan ba, ibong kei igwam kei.

MIKHA 4:4

Tungwatu nya yahagom mibong kei migwam kei ei ide ba anggur kin biei ara nghousi nya ba, yahagom ingon kwes kin yam. Mpe dima lene tungwatu nya ingwes mien tut yam bu bi sren. tuhan Di Sindem Bibor preu ei nok gima mem yo dima yahagom.

ZAKHARIA 2:11

Ei nijam dima lene ngkiai nya imang bibor mikwei ndam tuhan bikuk yok bak binok Nide limwa nya. Noni migwam ei jikieti lene mijikan tut bipia tuhan rino cuk da hwou ndam je a.