Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ZAKHARIA 2:9 - ALLAH NIHYET MEM TUNGWATU NYA

9 “tuhan Nonti mihwen bit jeni! Ba, jide awak di nipou nya mihwen je bipos ndigban jide ningwig leu je. Mpe dino mun dima cut igkep je ne mijikan tut bipia tuhan Di Sindem Bibor cuk da hwou ndam je tu.”

အခန်းကိုကြည့်ပါ။ ကော်ပီ




ZAKHARIA 2:9
30 ပူးပေါင်းရင်းမြစ်များ  

Njap di ammani ne siceu nya ingat rin ei minu ndig Nob tu. Ba, ikimut inda bitug mpia ndam Nungug Sion kin minu ndig Yerusalem.


tuhan mibindei ba, muk nuhuisi Suez pingge leu api hou di dut kui bibindei ba, Minyei Efrat nok minyei pmot muhwindacan di jut bi. Ba, tungwagom-gom ba srop he bisigon ug ei nite hi.


Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”


Ma jitas kendera pran nya ei nungug dip di nggrei nya! Ma jijem bak tentara nya bipia jisu jinda! Gima bindo tut nituti di injei bihwen dimbou pmem nya ei minu ndig di kon nonti dima.


Mben ngkiai imang bibor mimpu mben Israel mem gima ingkwei hanyen kwei ei itimieisi di tuhan yai biyok. Ngkiai nya minok awak mem mben Israel ei sirima. Mben Israel mikat yo di nipou ikat yok pima lene inyeng mitak kep yo di nipou ico kep yok.


Njap ngon bou midem leu api mben Mesir minok sop di digit-digit wai kin sop di ttin-ttin wai. Mpe dino ingat tuhan Di Ninyeng Jei Bibor kon ninda mem gima kes hukum ei yok dip ne idigit-digoi lewo ittin.


Mpe dima kwei ne timiei Yehuda nya di ingat rin mipai doia dini. “Mei, ide minu ndig dini sindem bibor! Allah Nonti rino win tentara nibousi di igyai coi nya ba, ingwes ngun eisi.


Nyeni ide siceu nya mitimek bingwig! Mbro nok gino hi pos ide ndigban leu yok bi lo, ipos nyende ndigban tu. Mbro nok gino hi bakilak yo bi lo, ibakilak nye tu. Noro mpe dino nituti di ipos ndigban ba, ibakilak tungwatu nya ngwig hon nohonti tu lene hiter mipos ide ndigban ba, ibakilak yok.


Mpe dima lene tuhan mindo Nide nikei-kau-keisi binye. Yahagom mingot ide ig ei mam bei simiak minyei nda nya di nyan bibor bibong eisi. Noro bit bon ide siceu nya ikrau kibar minyei bipiar-piar nyen ei minyei ngwa dip dima kan bi.


Noro tut kibar minyei pima ne nimbumbati nya bon ninyeng ba, bit bon timiei kibar nsi nya itas sriwir nya kan bi! Nyeni mipos ndigban hagom bingwig leu ide siceu tentara ngkiai nya leu api mikwas tut yam. Ba, yo di imig lit nya cem ima ndrim hi mem yonti lewo ndigban dima ne ndigban di nindig bibor ri.


Leu api Noni bindei ba, bumbuhui mijo nai Nungug Sion bitut yahagom di idem yam ei mem njapti ba, cou hum kin ninjeng di piga kei mijo nai Nungug Sion bitut yo di idem yam ei mem mmun. Nide nisindemti mibinggai minu ndig Yerusalem ba, binyohou titut yam cem.


Jikwei bijidideu Da ba, jimiap kep dihyet. Dipai brei habiei leu nipou pima kwei su lene dibindei ba, Ditde nipaisi nya pek kep bijingat bou jiyai him kikau tu.” Nogindini tuhan Allah pinak da kwei biyai Nide nisindemti bida.


Nimbuk tut yamti kin nibindei timek yam bingwigsi kin mun di buhun bibor nibimbiti mitibim kwei ei jikieti bu bi. Midiya srak ko hagau na dem kep nok ngug tig di krop ttai na apino anggei sut Da lewo diteu na ba, angwes ngun.


Mpe dima lene asuar mpia njap di com mem njap kin bed mmun di com mem mmun bu bi. Lewo Da di tuhan ne nipigati dijo ninno jo kikau mem na ri. Ditde nikei-kau-keisi mipiga digai na.


Ngkiai nya yahagom miyoom yonti binok awak mem noni kin nipmot kin nignyon kikau ug bipek mpe dino nide ninyeng tak kepti bicut kep. Leu api mben Babel miyoom yonti binok awak mem mben di isindem bibor nya kin nibou ndig di inyeng jei bibor nya.


Noro limwa nya ibit nabi di mbot kep tut nibong kei nigwam keisi nihyet bipai sut noni ne nabi di nijit di tuhan pinak kwei rin gino nimbot kepti dima pek kep bijo nibreisi mem yok he.”


Jimiap i! Ditde limwa nya iba nipim bahara kot. Ighyet dima nugwei bong bidem minu nisurti-nipekti ba, ihig ser “tuhan ningat rin ei Sion bu bi e? Ide nibou ndig no hantou i?” Lene ide nibou ndig di tuhan buhup “Nggon rino jikuk je bak kwar di ibon inyeng bi bibor nya i? Nggon rino jibindei di dingon wei tug hon gi jikuk je bak kwar di jibon bou jinda him nya di ibon inyeng bi bibor nya i?”


Ba, suar yuug ei miaisi mem gima irop biei bi suar yuug ei bahamti mem gima iwim biei di mui cem bu bi. Lewo minggwen di nimbiam imai leu dima yok mang bibor bidem mem gima ibindig kigkep huma. Yoni mipos ndigban bicat ningwig leu yo di nipou yo ipos ide ndigban ba, icat ningwig leu yok hanyen bu. Da di tuhan Di Dinyeng Jei Bibor disimbot dat tu.”


Je di mben Israel e, mpe dima lene mijo nibreisi mem je bipia Da di tuhan disrig jikieti bidinok jide Allah. Dangkom he rino Allah lene hiter hi bu bi. Hon kep ammani kui ne ngkiai nya iba ighyet bicig Ditde limwa nya bu bi sren.”


Jiwim baham tindurti ei Libanon tu. Gima rino tungwatu nya miwim jeni drek dip. Jibui mindhe-ndhe nya ei bahamti dima bingwig su. Gima rino mindhe-ndhe nya mibindei ba, jingon ttin nindig bibor. Mun dini yok hagom micut igkep je drek dip gi jihwen mun bijimbuk tut minu dima yok bitut ide minu ndig nya kin timiei minu ndig dima yok.


Jipos ndigban nindig bibor leu mben mang bibor ei dihyeisi dini noro yo gi hi di ingwes ngun nya mikwei pos jide ndigban bingwig leu je drek dip gi jihwen mun bijimbuk tut mben dima yok bitut ide minu ndig nya cem.


Da di tuhan diyaijo ba, dinyohou minu Israel de limwa nya. Gima rino midicok tut mben Moab kin Amon nya nipwoi leu ide minu noyam kin gi dicok tut minu ndig Sodom kin Gomora nya. Minu dima yok mimpung tut jui nsim bousi kin mpia ninggek sinsiousi di war nggig-nggwen com niti he nya. Ditde limwa niken-ken di ingwes ngun nya micut igkep timiei minu dima bipos ndigban leu yok bigyai dihyei di ide nya bigyati.”


Lewo tuhan kes hon Nide nikes hukum ei je dipti tu. Noni jji jide siceu di iba nitok bije leu su. Jide tuhan Nonti di nibou ndig Israel nyohou jeni. Tini bu ne ma jittin bu au.


Ei nijam dima lene ngkiai nya imang bibor mikwei ndam tuhan bikuk yok bak binok Nide limwa nya. Noni migwam ei jikieti lene mijikan tut bipia tuhan rino cuk da hwou ndam je a.


Tou rino njei bihwen je lene gima dem kep nok gi njei bihwen dingon kieti.” Gima rino tuhan Di Sindem Bibor cuk da biditri tut nisokti dini bak ngkiai nya di icut igkep Nide limwa nya bipos ndigban leu yok tu nya,


bipai “Zerubabel prion tig mma mem Ditde Ig nikiou tu ba, noni miwin Ig dima titut yam biput. Gino gima pek kep ne Ditde limwa nya mikan tut bipia Da di tuhan rino dicuk na ndam yok a.


Tungwatu nya mikwei leu ting bibor bimpu yo di iwin Ditde Ig. Mpe dino iwin Ig dima biput lene mijo nibreisi mem yok bipia Da di tuhan Di Disindem Bibor dipinak na di nabi ndam yok. Mun dini yok hagom mipek kep mem yok gino ibit ide tuhan Allah nicukti di dicuk yok tut nok mungkun kei.”


tuhan Di Sindem Bibor miya srak ko hagau Nide limwa nya bibindei ba, ihwen bitimek ide siceu nya yahagom. Tirigi ikon pran bit ide siceu nya ne ighyet misra tut pran noyam kin yo di pes pu yok. Ide siceu nya inggrom silipti ingkek noyam kin ninggrom midut di imam nya isiber ug ei nimbar hum dokti nisiliptiti.


Dipai dihyet dini brei bije nipou tirigi pek kep bigyo leu binhyepo tirigi pek kep mem je lene jingon jo kep bipia Dani ne No di ninyeng DANI DINGAT RI.


Noro ditri tut dihyet dini bije nogindini leu binhyepo tirigi tto bou dem ba, hagom cut igkep je lene jiyok ngon kep bipia ditri tut hagom bije tu.” “Ditri tut mun dini yok bije ei nimbie him bi lewo dingat rin bit je yo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ