ZAKHARIA 2:7 - ALLAH NIHYET MEM TUNGWATU NYA

⁷ Noro je di jibong ei jingkiaisi e, nogindini ma jinang leu minu ndig Babel bijingkwei hanyen kwei ei minu ndig Yerusalem.

ZAKHARIA 2:7 ပူးပေါင်းရင်းမြစ်များ

NITRITI 19:17

Lene malaikati gom cuk yok bipai “Jinang bihigom leu minu dini leu binhyepo jingwes ngun! Jitou kep jinghim dip ba, jiya hak jiyati ei mbang briep dini au! Suar jinang kikau bijillu ug ei cet him dima leu binhyepo jimai bi!”

YESAYA 47:1

tuhan pai “Minu Babel e, ajuk kwei leu ade banggo mbrei ba, agwam ei dihyei ndung dip. Agisindem ba, anok no di ubbu ngat nok gi nipou yo bu bi.

YESAYA 48:20

Jinang ba, jingwes ngun leu minu Babel hak ug bijitri tut nihyet dini ug ei tirima-tirima lene jiba nimbos-hi-mbos kin ningon nggei-hi-nggeisi bitri tut “Gi tuhan teu Nide awak di Israel ba, ningwes ngun tu!

YESAYA 52:11

Je di jittei tuhan De Ig nimbumbati nya bijikwei sut e, ma jikes minu Babel ei ba, jikwei leu! Ma jingget mun di map kuisi au. Lene ma jitin ei jingon di kwes kei nipou tirigi jikwei krau bigyo.

YESAYA 52:2

Je di mben Yerusalem e, ma jikiju leu dihyei ndung ba, jimpig jide sinsun tut atriem ntui di rap je leu je. Je di timiei Sion di jisima hukum e, ma jipas lante di ngot jikimam leu je!

YEREMIA 50:8

Je di Ditde limwa mben Israel e, ma jikiju bijinang hak leu minu Babel! Jeni rino jinang nimbie him ngat apino nindigsi nya ibram je hwou a.

YEREMIA 51:45

Gima rino je di mben Israel e, ma jinang leu mpia dima! Jinang bijingwes ngun leu Ditde nigga biborti di kui mpia.

YEREMIA 51:6

Ma jiteu jenti bijingwes ngun ug! Ma jinang leu minu Babel hak leu ma jitug ndei nimai drek dip yo dima ide sisar! Lewo tto bou dem mem dibirop mben Babel ide nisibutti ba, dikes hukum ei yok dip bit leu ibon munti di kinei nya.

MIKHA 4:10

Je di timiei minu ndig Yerusalem e, ma jipu jinghim ba, juun noyam kin sop di ninghim dut tut munggwom lewo jei bi lene suar jikes jitimieisi ei bijibong bas hek mpia leu api jide siceu nya mikri je ug ei minu ndig Babel. Noro tirigi jibong ei minu dima ne tuhan miteu je bijingwes ngun leu jide siceu nya inda nsi.

MBEN ISRAEL IMBUT-MBUT NYEN 16:26

bimbrua ser mben Israel “Ma jiya bileu yo di isibut dini ide prak meng yati lene ma jingget ndigban nyeng gom di inyeng tut nya au. Gino jibit dihyet dini bi lene tuhan mibindei sar jeni cem bit yoni drek dip ide sisar di ibon nya.”

MBEN ISRAEL IMBUT-MBUT NYEN 16:34

Tirigi limwa mben Israel di ingat rin ei sirima yahagom imiap yo dima idinyangti lene inang leu ba, yahara “Jinang hak ug! Leu ma dihyei mipinde nyeni cem!”

KISAH 2:40

Nok gima lene Petrus mbot kep tut biyok leu api huk nihyet kikau bisok kep yok “Ma jibrim jingkek leu binhyepo jingwes ngun leu hukum dino Allah mikes ei yo di isibut dini yok dip.”

NINGAT-HI-NGAT NYA 18:4

Leu api dimiap nihyet gom kin bu di tibim kwei leu gwamti bipai “Ditde limwa jen, ma jehei kwei o! Ma jehei kwei leu minu ndig dima o! Ma jipriet kin nide sisar bijitug ndei hukum bit noni au o!