ZAKHARIA 2:6 - ALLAH NIHYET MEM TUNGWATU NYA

⁶ tuhan pai bak Nide limwa nya “Dibindei ba, jintek gimahap nima ug nima ug tu.

ZAKHARIA 2:6 ပူးပေါင်းရင်းမြစ်များ

NITRITI 19:17

Lene malaikati gom cuk yok bipai “Jinang bihigom leu minu dini leu binhyepo jingwes ngun! Jitou kep jinghim dip ba, jiya hak jiyati ei mbang briep dini au! Suar jinang kikau bijillu ug ei cet him dima leu binhyepo jimai bi!”

MAZMUR 44:2

Allah e, nimiap tut ayai munti di mindur nya di ayai kep ei nijam gi nipou pima di nidigup bat-nidigai bat nya ipui sut binye ei nitingou nsi tu.

YESAYA 48:20

Jinang ba, jingwes ngun leu minu Babel hak ug bijitri tut nihyet dini ug ei tirima-tirima lene jiba nimbos-hi-mbos kin ningon nggei-hi-nggeisi bitri tut “Gi tuhan teu Nide awak di Israel ba, ningwes ngun tu!

YESAYA 55:1

tuhan pai “Jahagom di jinggobiau e, ma jikwei dut minyei di ditau ei mem je! Je di jima mitiei hi bi e, ma jikwei yai gandum mikuisi bijiyem ug! Ditin ei anggur ngei kin sapi do ngei tu ba, jikwei yai hi mikuisi bijidut ug!

YEREMIA 1:14

tuhan pai bida “Nirai dima bindo tut mun di buhun di mikwei leu nite bei mpia nijjai dima bindei sar timiei minu dini yahagom ri.

YEREMIA 15:4

Midibindei ba, tungwatu dihyeisi dini hagom igyai ngkek ttin ser yok drek dip Manasye di Hizkia nipmot niyai munti nya ei minu ndig Yerusalem tirigi ninyeng tak kep timiei Yehuda binok nibou ndig mem yok.”

YEREMIA 3:18

Mben Israel mibicom yam bit timiei Yehuda nya ba, yahagom ingkwei hanyen leu ingkiaisi di jo nite bei mpia nijjai kwei. Yoni mingkwei hanyen kwei ei minu di diyai bak jidigup bat-jidigai bat nya nok dihyei ninda rom tu.”

YEREMIA 31:10

tuhan pai “Je di ngkiai nya e, ma jingig jitingou mem dihyet! Jitri tut dicuk jeti nya kikau ug ei muk nite dima ug. Midinduk Ditde limwa di dibindei ntek gimahap yok ei ingkiaisi hanyen kwei. Midinyohou yok dem kep nok gembala di ya ser nide domba nya.

YEREMIA 31:38

tuhan pai “Ei nidipti bu ne tungwatu nya miwin Ditde minu ndig Yerusalem hanyen ei ig di bon ninggre di jo-jo yam dip di ninyeng Hananeel ei nungug tig dip kikau ug bipek kin Dimbou Pmem Huisi ba,

YEREMIA 31:8

Midibuwak yok kwei leu nite bei mpia nijjai bidinduk yok kwei leu minu nohon keti. Yo di igyai tu nya kin yo di ilit nya yahagom mibit yok kwei bitut sop di inghop kin sop di sindi inghim dut tut munggwom nya cem. Imang ndig mikwei hanyen ei itimieisi dini.

YEREMIA 50:8

Je di Ditde limwa mben Israel e, ma jikiju bijinang hak leu minu Babel! Jeni rino jinang nimbie him ngat apino nindigsi nya ibram je hwou a.

YEREMIA 51:45

Gima rino je di mben Israel e, ma jinang leu mpia dima! Jinang bijingwes ngun leu Ditde nigga biborti di kui mpia.

YEREMIA 51:50

tuhan pai bak mben Israel di ibong ei minu Babel “Jingwes ngun leu nimai tu! Ma jikiju bijimbut nogindini hak ug! Ma jigwam-gwam nyen ei au! Mbro nok gino jingat rin ei minu ting leu jitimieisi lo, ma jiyok ngon kep jide tuhan di Dani kin minu ndig Yerusalem cem.

YEREMIA 51:6

Ma jiteu jenti bijingwes ngun ug! Ma jinang leu minu Babel hak leu ma jitug ndei nimai drek dip yo dima ide sisar! Lewo tto bou dem mem dibirop mben Babel ide nisibutti ba, dikes hukum ei yok dip bit leu ibon munti di kinei nya.

YEHEZKIEL 11:16

Ipai nok lo, ma atri tut Ditde nisokti dini bak asut bat nya di ingat rin ei ingkiaisi bipia Dani rino dicom yok ting bibor ug ei ngkiai nya ikieti ba, dibindei bintek gimahap ug ei minu dima yok. Noro dingat rin bit yok mem nijam di ingat rin ei ingkiaisi.

YEHEZKIEL 17:21

Nide tentara di mipbor ngat nya yahagom mimai ei pranti. Lene gi inang di ihallu ug nya mintek gimahap nima ug-nima ug bidem minu. Leu api Ditde limwa nya mikan tut bipia Da di tuhan disimbot dat tu.”

YEHEZKIEL 5:10

Apino ndigpoi nya mibui yonti imunggwom bat nya bigyem lene munggwom nya mibui ide ndigpoi nya bigyem yok. Gima rino midikes hukum ei yok dip ba, midibindei yo di ingwes ngun nya bintek gimahap nima ug-nima ug.

YEHEZKIEL 5:12

Ade timiei nya nittou nsi gom mimai tug hon nsuwer ajar kin ninggum di buhun di hwen minu ndig dima. Lene siceu nya miba singau simeda bitot timiei ade nya nittou nsi gom bu ei minu ndig nisai. Lene midibindei nittou nsi gom bintek gimahap nima ug-nima ug bidiba singau simeda buhuk yok nyen-nyen.

DANIEL 11:4

Noro tirigi nisindemti dima kui bipek nipekti lene ninyeng tak kepti dima kwas bitaisi. Nibou ndig di intun noni him bi nya inyeng tak kep minu ninyeng tak kepti bitai dima bigya luei nohoti bu. Lo, ide nisindemti noyam kin nide nisindemti bi.

AMOS 9:9

Midicuk siceu nya leu api icig je di mben Israel noyam kin no di ba kawanggai bicig gandum ngan. Lene mem gima dibicut mun di bon ninyeng bi nya hagom bingwig leu jikieti lene midimpu je ei ngkiai nya inggreti.

ZAKHARIA 1:16

Gima rino dingkwei hanyen kwei ei minu ndig Yerusalem mem gima dikos ser minu ndig dima nitunggweisi. Timiei minu ndig dima miwin Ditde Ig kin minu ndig Yerusalem hanyen leu api ibong kei igwam kei nok gi nipou hanyen bu.”

ZAKHARIA 2:7

Noro je di jibong ei jingkiaisi e, nogindini ma jinang leu minu ndig Babel bijingkwei hanyen kwei ei minu ndig Yerusalem.

MATIUS 24:31

Pun mbrei nindig bibor tibim leu api Noni cuk Nide malaikati nya ug ei nite bei mpia nitausi kin nicutti kin nijjai kin nibiho hagom leu binhyepo imbus Nide limwa nya yahagom kwei leu dihyei nisurti-nipekti.”

MARKUS 13:27

Leu api Noni micuk Nide malaikati nya biyuug ei mpia nitausi kin nicutti kin nijjai kin nibiho hagom leu binhyepo imbus Nide limwa nya yahagom kwei leu dihyei nisurti-nipekti.”

NINDAT KEP TUHAN NICUKTI NYA 28:64

tuhan mibindei ntek gimahap je ug ei ngkiai nya ikieti ei dihyei nisurti-nipekti. Ei sirima lene mijikuk je bak nung nya di iba biei kin tig bibon. Kwar dima ne gi hi di jigikan tut bi rin ba, jidigup bat-jidigai bat nya cem igikan tut bi.

NINGAT-HI-NGAT NYA 18:4

Leu api dimiap nihyet gom kin bu di tibim kwei leu gwamti bipai “Ditde limwa jen, ma jehei kwei o! Ma jehei kwei leu minu ndig dima o! Ma jipriet kin nide sisar bijitug ndei hukum bit noni au o!

SRAT RUT 4:1

Lene Boas ug ei dimbou hui di itu ei ngug tig di bikrop ttai minu dima bigwam nyahan. Mpia dima ne gumihyep di timiei Betlehem nya isimbot kep tut munhyet eisi ri. Mpe dima lene Elimelekh nide bat po ninyeng jo bibie leu Boas ninyeng pima kwei krau. Leu api Boas hig noni “Disut na e, akwei gwam bit da.” Gima rino no dima kwei gwam bit Boas.