ZAKHARIA 2:13 - ALLAH NIHYET MEM TUNGWATU NYA

¹³ Ma jahagom jigwam nyahan ei tuhan Noho bei! Lewo Noni sindi jo leu nigwam kepti ei gwamti kwei su.

ZAKHARIA 2:13 ပူးပေါင်းရင်းမြစ်များ

NIBOHON MBEN ISRAEL GI NICAN 30:27

Imam kin Lewi nya yahara bak tuhan leu binhyepo Noni njei mun di kei bak limwa nya. Apino Allah di gwam anai ei gwamti miap ide nadi di ingat bibuhup mun nyeng di yahara Noni tut dima.

MAZMUR 11:4

tuhan Ningat rin ei Nide Ig di kwes-kwauti. Nide banggo mbrei no jo gwamti. Noni ngig niyai kep nimpung tungwatu nya ba, kan tut ide nibon munti nya hagom tu.

MAZMUR 46:10

Noni bindei ba, tungwatu dihyeisi dini hagom ikes hon ba, ikon pran bu bi. Noni dahat hampiap nya kin micim nya bingwig bindig mun di ibipukep ser tibor ninggwenti nya hagom kep hum.

MAZMUR 68:5

Ma jipai doia bak Allah bijikon ninyeng cem. Jitin simpak mem No di krau bumbuhui bidor tut. Ninyeng rino tuhan. Ma jiyai nillei ei Noho bei!

MAZMUR 78:65

Lo bi lene tuhan kiju nok no di kiju leu nibong maisi. Noni kiju nok no di sindem di sindi kes nuhui leu gi dut ba anggur ngei.

YESAYA 14:2

Mben ngkiai imang bibor mimpu mben Israel mem gima ingkwei hanyen kwei ei itimieisi di tuhan yai biyok. Ngkiai nya minok awak mem mben Israel ei sirima. Mben Israel mikat yo di nipou ikat yok pima lene inyeng mitak kep yo di nipou ico kep yok.

YESAYA 19:16

Njap ngon bou midem leu api mben Mesir minok sop di digit-digit wai kin sop di ttin-ttin wai. Mpe dino ingat tuhan Di Ninyeng Jei Bibor kon ninda mem gima kes hukum ei yok dip ne idigit-digoi lewo ittin.

YESAYA 41:1

Allah pai “Je di timiei minu ting nya e, ma jigwam nyahan bijimiap kep dihyet. Ma jitin ei mem gima jinduk yam ei nikei noho bei bijipai brei binoni tut jide munhyet. Jikwei ba, isimbot kep biyam tut jide munhyet ba, ikos tut gi hi di ningon ngun kin gi hi di yai mun tunggwei.

YESAYA 51:9

tuhan e, ma akiju ba, ampu nye. Aba Ade nisindemti biteu nye biningwes ngun hak ug. Ma akiju hanyen dem kep nok gi po akiju ei nijam gi nipou mpe di po abindei naga Rahab bindung ba, adat wou ndig krop di bong muk ndigsi di mai pima.

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

YESAYA 57:5

Jikuk je bak kwar nibindei nnum njita kioi nya lene jibisindui sut jenti ba, jicut tut yam ei biei pigig behei kin biei ndig di nimeng nggrou nibehei nya. Jiba jimunggwom bat nya bibon midut nindig yok ei nimbar hum dokti ei tig nggreti ei minyei mbangti nya.

YESAYA 63:15

Na di tuhan di agwam anai ei Ade ig di kwes-kwau ba, kei-kau-kei cem ei gwamti e, ma ayok ayai kep nye. Angon ngakeisi kin mimbri di kui angkekti kin angon nemti kin angondutti no ritou i? Ma aba angha bak nye bu au.

YEREMIA 25:30

Yeremia e, ma atri tut mun nyeng hagom di dipai bina. Apai biyok, ‘tuhan nihyet tibim kwei leu gwamti dem kep kru di cut a. Noni kes nihyet di dem kep kru di nugwei bong kwei leu gumihyep di kwes di gwam niti bibihwen Nide limwa nya. Noni ba nihyet di nindig bibor bimbrua ba, timiei minu dini yahagom imiap nihyet di dem kep no di kimut-kimut nyen ba anggur ngei ei mun di ikimut ningei kikep eisi nihyet.

HABAKUK 2:20

tuhan ningat rin ei Nide Ig di kwes-kwau. Ma tungwatu dihyeisi dini hagom ikimut yuhui ei Noho bei bimbrap au.

ZEFANYA 1:7

tuhan de njap dideu kwei su ba, ei njap dima ne Allah miyai nibou tut Nide limwa nya igyai munti nya. Gima rino ma joom jenti nyahan ei Noho bei hak ug. tuhan tin ei mem gima ba Nide limwa nya yonti njem bibon midut di noyam kin midut nindig mindhe-ndhe ei nimbar hum dokti. Ba, Noni nduk mben Yehuda ide nitok nya kwei mem gima ihwen yok.

ZEFANYA 2:9

Da di tuhan diyaijo ba, dinyohou minu Israel de limwa nya. Gima rino midicok tut mben Moab kin Amon nya nipwoi leu ide minu noyam kin gi dicok tut minu ndig Sodom kin Gomora nya. Minu dima yok mimpung tut jui nsim bousi kin mpia ninggek sinsiousi di war nggig-nggwen com niti he nya. Ditde limwa niken-ken di ingwes ngun nya micut igkep timiei minu dima bipos ndigban leu yok bigyai dihyei di ide nya bigyati.”

ZEFANYA 3:8

Noro ma jingon sok kep jenti! Jigwam hak bibou njap dima dikiju nok No di pai kep je ug e. Lewo dikos tut mem gima diba mben nya kin ninyeng tak kepti nya bicom yam leu api dikes Ditde nigga biborti ei yok dip tu. Ditde nigga biborti di nok hum di cig-cai miyem dihyeisi dini titut yam bitimek bindung-ndiem.

ZAKHARIA 4:9

bipai “Zerubabel prion tig mma mem Ditde Ig nikiou tu ba, noni miwin Ig dima titut yam biput. Gino gima pek kep ne Ditde limwa nya mikan tut bipia Da di tuhan rino dicuk na ndam yok a.

ZAKHARIA 6:15

Tungwatu nya mikwei leu ting bibor bimpu yo di iwin Ditde Ig. Mpe dino iwin Ig dima biput lene mijo nibreisi mem yok bipia Da di tuhan Di Disindem Bibor dipinak na di nabi ndam yok. Mun dini yok hagom mipek kep mem yok gino ibit ide tuhan Allah nicukti di dicuk yok tut nok mungkun kei.”

ROMA 3:19

Nyeni ikan tut bipia Puig Yahudi nicukti titut yam tak kep yo di icoi bit Nihyet dima ninyeng di tak kep yokti leu binhyepo bit bon hi pai mun bisu tindei kan bi ba, ndo brei bipia Allah gwam nok nikei di mbus tungwatu dihyeisi hagom ingonti.

ROMA 9:20

He disut na e, nani ne tungwatu dihyeisi dini he ri! Ma ahap aji ba, abirop Allah nihyet au! Ma dibijig hig ser nibon dibijig cig “Nggon rino abon da bou anda him nok gini i?” E bi!

NINDAT KEP TUHAN NICUKTI NYA 18:21

Gino jihig jingon ei nabi gom nicuk jeti bijihig yam ‘Notou mem gima ikan mungkun tut bipia nabi nihyet dima kwei leu tuhan i?’

NINDAT KEP TUHAN NICUKTI NYA 18:22

Gino nabi gom ris mun bije tug hon tuhan ninyeng lo, mun di noni ris bije dima pek kep mem je bi lene jo nibreisi bipia nihyet dima kwei leu tuhan bi. Noro no dima tri tut nonti ningon kanti tug hon nonti ninyenga. Gima rino ma jidigit tut mun di tibim ei nuhui him au.”

NINDAT KEP TUHAN NICUKTI NYA 26:15

Gima rino angig ayai kep nye leu Ade gumihyep di kwes-kwau ei gwamti ba, anjei mun di kei bak Ade limwa di mben Israel cem anjei mun di kei bak minu dibon ninnumti di kei bibor di ando binye dini bit leu nok gi po apreu ei mem nyeni nidigup bat-nidigai bat nya nipou su pima.’ ”