ZAKHARIA 2:10 - ALLAH NIHYET MEM TUNGWATU NYA

¹⁰ tuhan pai “Timiei minu ndig Yerusalem jen, ma jiba ningon di nggei-hi-nggei bipai doia! Midihwou gwam ei jikieti!”

ZAKHARIA 2:10 ပူးပေါင်းရင်းမြစ်များ

MAZMUR 40:7

Ajoi sut midut nindig mindhe kep humti kin midut nibiyai ningon kwes kin Nati kin midut njita nibipai sigyo bak Naniti bi. Asuar midut nindig mindhe titut kep humti kin midut nibiyai nikos ser sisarti cem bi. Noro abindei ba, ditingou dile leu binhyepo dintu kep ahyet.

MAZMUR 68:18

Allah Di Ninyeng Jei Bibor kwei sut Nide kroba pran ningat sribu-ribu kwei ei ikieti.

NEHEI LEUSI 29:45

Midikwei bong bit mben Israel leu binhyepo ikuk yok biDa leu api midinok ide Allah.

YESAYA 12:6

Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”

YESAYA 35:10

Yo di tuhan kwek yok tu nya mimbos-hi-mbos tirigi ingkwei hanyen kwei ei minu ndig Yerusalem. Yahagom iimaisi sieng-siau kei lewo ingon nggei-hi-nggei. Yahagom ingon llei bibor ba, ingon nggan-triot cem. Ningon ngguk biborti kin ningon buhun biborti cut leu yok bihigom tu.

YESAYA 37:22

tuhan pai “Sanherib e, minu ndig Yerusalem mipa tut nani ba, miba nihyet bicig na cem ri!

YESAYA 42:10

Jikwei ba, iba doia nijep-jau bibikiek tuhan. Je di tungwatu dihyeisi hagom e, ma jinggei sut Noni! Timiei kibar minyei ei muk ngwa dip kin mindhe-ndhe ei muk ngeisi hagom kin minu di jo ting bibor bitut timiei nya jahagom e, ma jinggei sut Noni!

YESAYA 48:20

Jinang ba, jingwes ngun leu minu Babel hak ug bijitri tut nihyet dini ug ei tirima-tirima lene jiba nimbos-hi-mbos kin ningon nggei-hi-nggeisi bitri tut “Gi tuhan teu Nide awak di Israel ba, ningwes ngun tu!

YESAYA 51:11

Apino yo di tuhan kwek yok tu nya miba nimbos-hi-mbos bingkwei hanyen ba, icoi ug ei minu ndig Yerusalem. Yiimaisi cem piga kei drek dip ide ningon nggei-hi-nggeisi di ug hon nohonti bi sren. Yoni ingon nggei-hi-nggei ba, igyai nillei cem lewo ide ningon nggukti kin ninso-nso nyenti pror hak leu yok tu.

YESAYA 52:11

Je di jittei tuhan De Ig nimbumbati nya bijikwei sut e, ma jikes minu Babel ei ba, jikwei leu! Ma jingget mun di map kuisi au. Lene ma jitin ei jingon di kwes kei nipou tirigi jikwei krau bigyo.

YESAYA 54:1

Minu ndig Yerusalem e, nipou ne apijet noro tini bu ne ayai nillei ba, aba angon di nggan-triot bipai doia. Lewo amunggwom bat nya imang bibor dor njiriek sop di nijjep kes ei bi nimunggwom bat nya imangti.

YESAYA 61:10

Minu ndig Yerusalem pai “Dillei ngwig sut tuhan niyai munti nya. Noni ba sinsun nda di ninyeng rino niteu leu sisarti kin nibindei sar siceusi nya bijuk da noyam kin no di pinai kin no di sop di imau yonti mem midut niwak yamti.

YESAYA 66:14

Tirigi mun dima pek kep mem jeni ne mijingon nggei-hi-nggei ba, jinghuisi sindem cem kwes cem ba, jidem kep minta di nimeng ngun-ngau kei. Leu api Ditde nisindemti mimpung ei Ditde awak nyati noro Ditde siceu nya mitug ndei Ditde nigga yoti.”

YEREMIA 30:19

Timiei minu ndig Yerusalem nya miba doia bikon dinyenga. Yoni iba ingon di kei bimbos-hi-mbos cem. Dibindei ba, ngkiai nya ibou cut biyok. Ighyet kinei sut yok bu bi. Ditde limwa nya imangti mikum eisi kikau.

YEREMIA 31:12

Iba iimaisi di sieng kei kin ingon di llei bibor bikwei ei Nungug Sion. Iba doia bikiek mun di dinjei bak yoni nok gandum kin mini zaitun kin ba anggur ngei kin sapi kin domba nya. Midibindei ba, inok miai di nnum bibor ei minyei nggram kieti nya apino indwau sut mun nyeng hi bu bi.

YEREMIA 33:11

Noro nihyet niyai nilleisi kin ningon di nggei-hi-nggeisi kin nihyet nibon pesta niwak yamti mitibim hanyen kwei leu mpia dini yo. Doia di tibim leu yo di ibon midut nibipai sigyo ei Ditde Ig yuhui him cem mitibim yo. Yoni mipai, “Ma jipai sigyo bak tuhan Di Sindem Bibor lewo Noni singat kei ba, ningon ngakeisi jo ninno bijo mimpui.” Midibindei ba, nibong kei nigwam keisi kieng kep minu dini noyam kin gi nipou pima. Da di tuhan disimbot dat tu.”

YEHEZKIEL 37:27

Midibong bit yok bidibon Danti nok ide Allah leu api yoni inok Ditde limwa nya.

YEHEZKIEL 48:35

Ngug tig dima titut yam nijeisi dem kilometer muhwindatai. Hon ammani bikui ne tungwatu nya mijem minu ndig dima ninyeng “TUHAN NINGAT RIN EI SIRIMA!”

IMAM NYA IDE MIDYAI 26:12

Midingat rin bit je. Midinok jide Allah lene mijinok Ditde limwa nya.

ZEFANYA 3:17

Jide tuhan Allah di sindem bibor nyohou je. Joom kep mun nyeng hagom tug hon Nide nisindemti. Ningon nggei-hi-nggei ba, nillei ngwig sut je. Noni ba Nide ningon ngakei jeti biyai niyaijo nijep bije.

ZAKHARIA 1:16

Gima rino dingkwei hanyen kwei ei minu ndig Yerusalem mem gima dikos ser minu ndig dima nitunggweisi. Timiei minu ndig dima miwin Ditde Ig kin minu ndig Yerusalem hanyen leu api ibong kei igwam kei nok gi nipou hanyen bu.”

ZAKHARIA 14:5

Mijidor kak briep di bikwas nungug can dima noyam kin jidigup bat-jidigai bat di nipou nya inang ei mpe di ngkit cut ei nijam di nibou ndig Uzia di ninyeng tak kep timiei Yehuda nya yo. Lene ditde tuhan Allah mikwei sut Nide malaikati yahagom di injei bit Noni.

ZAKHARIA 2:11

Ei nijam dima lene ngkiai nya imang bibor mikwei ndam tuhan bikuk yok bak binok Nide limwa nya. Noni migwam ei jikieti lene mijikan tut bipia tuhan rino cuk da hwou ndam je a.

ZAKHARIA 2:5

tuhan preu ei bipia Nonti ne hum di cig-cai di nok ngug tig di bikrop ttai minu ndig dima binyohou yok lene bigwam tut Nide nisindemti kin ninyeng di jei biborti hagom eisi.”

ZAKHARIA 8:3

Midingkwei hanyen ug ei Ditde minu ndig Yerusalem di kwes kei bidibong ser. Tungwatu nya mikan tut bipia timiei minu ndig Yerusalem nya ingon gom tut Da ba, ijem tuhan Di Sindem Bibor de nungug ninyeng Nungug Di Kwes Kei.

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

MALEAKHI 3:1

tuhan Di Sindem Bibor buhup “Midicuk tungwagom di tri tut dihyet bibie leu binhyepo tin puig mem Da. Leu api tuhan di jipai bipia jingon mem kep ser dima mitau kros ei Nide Ig. No di dipinak di jipai bipia jinggei ngwig sut mikwei tri tut Ditde gi preu.”

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 14:23

Yesus buhup “No di ningon ngakei Da bit Ditde ningginausi. Dicig cem ningon ngakei noni leu api Dicig kin Dani nikwei coi ei ningonti.

NINDAT KEP TUHAN NICUKTI NYA 28:64

tuhan mibindei ntek gimahap je ug ei ngkiai nya ikieti ei dihyei nisurti-nipekti. Ei sirima lene mijikuk je bak nung nya di iba biei kin tig bibon. Kwar dima ne gi hi di jigikan tut bi rin ba, jidigup bat-jidigai bat nya cem igikan tut bi.

FILIPI 4:4

Handei kon ba, jingon llei bibor bikwop mmun-njap drek dip jide ninok gom kin Tuhanti. Ditigtai je mbigom kin bu “Ma jingon llei bibor!”

NINGAT-HI-NGAT NYA 2:1

“Apas srat dini bak malaikati di buhup tut mbusyamei ei minu ndig Efesus. Nipas kepti dini kwei leu No di krau ham ningat muhwindacan pima ei ninda com di biya srig mini njeng nidihim ningat muhwindacan di iba mas bibon ri.

NINGAT-HI-NGAT NYA 21:3

Leu api nihyet nindig bibor tibim kwei leu banggo mbrei bipai “Nogindini Allah ningat rin bit tungwatu nya! Noni kwei bong bit yok ba, yoni ne Nide limwa nya ri. Allah Nonti di nok ide Allah ningat rin bit yok.