ZAKHARIA 14:5 - ALLAH NIHYET MEM TUNGWATU NYA

⁵ Mijidor kak briep di bikwas nungug can dima noyam kin jidigup bat-jidigai bat di nipou nya inang ei mpe di ngkit cut ei nijam di nibou ndig Uzia di ninyeng tak kep timiei Yehuda nya yo. Lene ditde tuhan Allah mikwei sut Nide malaikati yahagom di injei bit Noni.

ZAKHARIA 14:5 ပူးပေါင်းရင်းမြစ်များ

MAZMUR 96:13

ei mpe dino tuhan juk kwei leu binhyepo gwam nok Nibou Ndig ei dihyeisi dini. Ninyeng mitak kep tungwatu dihyeisi dini nok nibou di ningon sren-srau ba, ningon gom cem.

MAZMUR 98:9

Lewo tuhan kwei bigwam nok nikei di ba ningon sren-srausi kin nisingatti bimbus ngkiai nya ingonti.

YESAYA 29:6

tuhan Di Ninyeng Jei Bibor miba hou sigau di nimig ten bibor kin ngkit di sindem bibor biteu minu ndig dima biyai ningwes ngun bak. Noni mikes hou sigau di nimig ten bibor kin hum di cig-cai kwei.

YOEL 3:11

Je di ngkiai nya di jibong bidem minu di gahai dini kou e, ma jibrim jimig kwei! Ma jidem yam ei mbang briepti dinu.” tuhan e, ma acuk Ade tentara nya kwei ba, ihwen yok!

AMOS 1:1

Srat dini tut Amos di nitimieisi leu minu ndig Tekoa. Noni ne gembala di nyohou domba nya ba, noni cem nabi hi ri. Ari bingwam can nipou tirigi dihyei ugwa-kwei nindig bibor bigyo ba, Nibou Ndig Uzia ninyeng tak kep mben Yehuda lene Nibou Ndig Yerobeam di Yoahas nipmot ninyeng tak kep mben Israel leu api Allah mbot kep tut mun di mipek kep mem mben Israel hagom bak Amos.

MIKHA 1:11

Je di timiei minu mien Safir e, ma jiba jingat ngu kin jimmai sut jenti bimbut bihigom ug ei jingkiaisi. Timiei minu mien Zaanan ibrim ingkek mem gima yehei leu ide minu bi. Tirigi jimiap tut timiei minu mien Bet-Haezel di ipim kui jei sut nimai ne mijo nibreisi mem je bipia bit bon jigwam coi minu dima hanyen bu kan bi.

ZAKHARIA 4:7

Nibigen ser nati di dem kep nungug lo, mipror leu aho bei. Nani rino ma awin Ditde Ig hanyen. Mpe dino akrau tig mma di bon ninyeng ba, aprion ei nuhuisi lene tungwatu nya mimbos-hi-mbos bipai ‘Kei bibor kei!’ ”

MBEN ISRAEL IMBUT-MBUT NYEN 16:34

Tirigi limwa mben Israel di ingat rin ei sirima yahagom imiap yo dima idinyangti lene inang leu ba, yahara “Jinang hak ug! Leu ma dihyei mipinde nyeni cem!”

MATIUS 16:27

Lewo Munggwom Tungwatu Nipmot mikwei sut Nicig Nide nikei-kau-keisi kin Nide malaikati nya leu api mibirop hanyen bak tungwatu nya gom gom bit leu nok igyai munti nya.

MATIUS 24:3

Tirigi Yesus gwam biNongkom ei Nungug Zaitun lene yo di igya kui Noni ikwei hig ser Noni nyahan “Apai igbit binye tut nituti mem mun dima yok hagom tirigi micut igkep nyeti i. Mindei rimibindo tut akwei hanyenti kin njap ningwig honti i?”

MATIUS 25:31

“Tirigi Munggwom Tungwatu Nipmot mikwei hanyen nok Nibou Ndig bitut malaikat nya yahagom cem lene Noni migwam ei Nide banggo mbrei di kei-kau-keiti.

LUKAS 21:27

Mpe dima lene Munggwom Tungwatu Nipmot mittau kwei sut Nide nisindemti kin Nide nikei-kau-keisi ei bumbuhuiti kwei ri.

NINDAT KEP TUHAN NICUKTI NYA 33:2

“tuhan tau kwei leu Nungug Sinai. Noni kiju leu minu Edom nok mpia di pri bipiga digai Nide limwa nya nok mpia di com kwei leu Paran cem. Nide malaikati nya ibou sribu simnai igya tut Noni lene hum di cig-cai ya kui ninda com.

TESALONIKA GI NIGOM 3:13

Tug hon nisinati dima Noni mibiyai jingon nddong kei leu binhyepo jingon sren ba, jingon kwes cem ei Icig Allah Noho bei tirigi ide Tuhan Yesus kwei hanyen tut Nide limwa nya yahagom.

TESALONIKA GI NICAN 2:8

No Di Ba Nitok Bak Allah mittau kwei. Noro tirigi Tuhan Yesus kwei hanyen ne Noni miba ninnei di hei leu nuhui bikos noni. Yesus nikwei hanyenti di sieng-siau kei dima mibindei timek noni.

YAKOBUS 5:8

Ma jeni cem jibet jingon ba, jingon nddong cem lewo Tuhan nikwei hanyenti dideu su.

NINGAT-HI-NGAT NYA 11:13

Mpe dima ne dihyei ugwa-kwei nindig bibor lene minu ndig dima nittou nsi gom sar lo, nittou nsi muhwindatai jo nijoti. Ba, tungwatu nya ibou sribu muhwindacan cem imai bingwig. Leu api nindigsi nya idigit tut nindig bibor binggei sut Allah Di Sindem Bibor ei gwamti.

NINGAT-HI-NGAT NYA 20:11

Gima ngwig leu lene dingat banggo mbrei nitiei di nindig bibor kin No di gwam dip. Dihyeisi kin mpia-bbed him pror hak leu No dima Noho bei ba, ingat gima yok bu bi sren.

NINGAT-HI-NGAT NYA 20:4

Lo bi lene dingat banggo mbrei nya. Biditou kep bu lo, yo di tungwatu nya irop ibou leu drek dip gi itri tut Yesus nihyet di nijit kin Allah nihyet pima. Yo dini ikuk yok bak mindhe di niten-pos kin nide kwar bigyai mindhe de nitak bukti ei ingwak kin inda bi sren. Ikiju hanyen leu imai eisi bigwam ei banggo mbrei nya dip lewo Allah yai nisindemti biyok mem gima inyeng tak kep tungwatu nya. Inok nibou ndig nya di igwam kui Yesus mem ari bingwam sribu gom.