ZAKHARIA 14:20 - ALLAH NIHYET MEM TUNGWATU NYA

²⁰ Njap dima dem ne tungwatu nya mikilis nibok ‘Ikes pijum ei mem tuhan’ bidem ei brem-brem mien di ndun him bang nya di ibipingok kuda nya. Yengkuong ei tuhan De Ig ninsi nya mibon ninyeng noyam kin den midut nya ei nimbar hum dok nikiou cem.

ZAKHARIA 14:20 ပူးပေါင်းရင်းမြစ်များ

NEHEI LEUSI 39:30

Lene iba mas bibon penen di bindo bipia Imam Nibou Ndig dimig nonti ei mem tuhan ningat gom leu api ikilis eisi nok gini. tuhan Dimig Imam Dini Ei Mem Nonti.

PETRUS GI NIGOM 2:5

Jinok tig di Allah bindei ba, niyaijo. Gima rino ma jisindui sut Allah ba je di jinok tig bingot Nide Ig di bit bon tungwatu nya ingat bou igyai him kan bi. Jinok imam di igyaijo mem Allah Nongkom ei Ig dimati ba, jibon midut di Noni joi sut ei nimbar hum dokti tug hon Yesus Kristus.

YESAYA 23:18

Noni mipigig sut nibittemti kin nimuhup di yai nya mem nonti bi. Noro miyai gima hagom bak tuhan. Apino yo di ikuk yok bak tuhan miba mitiei dima bipek mun di isuar nya nok sinsun di ijuk kin njita di igyem.

IMAM NYA IDE MIDYAI 8:9

Lene noni kes topi ei Harun nibou bittin leu api ngot penen di iba mas bibon di ndo bipia tuhan ninyeng tak kep imam dima eisi. Musa yai gini hagom bit leu nok tuhan nicuk noti.

ZAKHARIA 9:15

tuhan Di Sindem Bibor miya srak ko hagau Nide limwa nya bibindei ba, ihwen bitimek ide siceu nya yahagom. Tirigi ikon pran bit ide siceu nya ne ighyet misra tut pran noyam kin yo di pes pu yok. Ide siceu nya inggrom silipti ingkek noyam kin ninggrom midut di imam nya isiber ug ei nimbar hum dokti nisiliptiti.

MBEN ISRAEL IMBUT-MBUT NYEN 4:14

Lene ikes nimbumbati di ibibon midut nibikuk yok bak tuhanti ei nimbar hum dokti dima nok atriemti kin hot nggram nya kin skop nya kin bokor nya hagom ei dip. Leu api iba mindhe ngkek di nggriu-nggrop kei gom bijuk kep mun dima hagom lene ma isu ug di ibikon nya hacem eisi leu api ikes bijo ei lat gom dip.

MBEN ISRAEL IMBUT-MBUT NYEN 4:7

Suar yoni ingig minyahas nidri kep meja roti nitin ei mem tuhan dip. Lene ikes den di igyem njita eisi kin srier di indig biei nggrai di ui-gwang kei eisi kin srier mem munkwas kin dibijig di mem ba anggur ngei di ikwas ei dip. Noro ma roti di ipigig sut ei mem tuhan jo kikau ei meja dima dip.

IMAM NYA IDE MIDYAI 6:28

Gino ikwen mikwau dima ei yeng dihyeiti lene ma ibindei kinei yeng dihyei dima hak ug. Gino ikwen mikwau hi ei yengti lene ma icok yeng ninsi kei-kau leu api ipiap ei minyeiti.

NEHEI LEUSI 37:16

Lene noni ba mas bibon den kin mok kin ampou kin bokor nya mem ba anggur ngei di ikwas tut Allah.

NINGAT-HI-NGAT NYA 20:6

Yo di ikiju hanyen bit nimpung gi nigom dima ingon nggei-hi-nggei ba, ingon llei bibor cem. Nimai gi nican om kep yok bi. Inok imam mem Allah kin Kristus ba, inok nibou ndig di igwam kui Noni mem ari bingwam sribu gom.

NINGAT-HI-NGAT NYA 5:10

Abindei yo dini binok imam nimpung nindig bibor di igyai kep Allah de midyai nya ba, inyeng tak kep tungwatu dihyeisi dini hagom.”

NINGAT-HI-NGAT NYA 1:6

bibindei ba, inok imam nya di inggre kin ninyeng tak kepti gom bit Noni bigyai midyai mem Nide Allah kin Nicig cem. Yesus Kristus Nongkom kei-kau-kei ba, sindem bibor cem kikau buug hon nohonti bi! Igbit ri.

PETRUS GI NIGOM 4:11

Ma no di tri tut nihyet tri tut Allah nihyet. Ma no di mpu hiter ba nisindemti leu Allah bimpu yok leu binhyepo jiyai munti nya hagom bindei ba, tungwatu nya ikon Allah ninyeng tug hon Yesus Kristus. Allah rino nyeng tut nikei-kau-keisi kin nisindemti kikau buug hon nohonti bi. Igbit ri.

PETRUS GI NIGOM 2:9

Noro Allah dimig je nok Nide mben nya kin Nide imam nya di igyai midyai mem ide Nibou Ndig di Allah kin Nide mben di ingon kwes nya kin Nide limwa nya cem. Allah dimig je bihig je kwei leu nidinditi bijicoi ei Nide nipigati di sieng-siau kei leu binhyepo jitri tut Nide midyai di mindur nya.

KOLOSE 3:17

Tut jiyai munti nya kin jipai munti nya ne ma jiyai hagom tug hon Tuhan Yesus ninyenga. Ma jipai sigyo bak Icig Allah tut mun nyeng hagom di Yesus bibon mem je.

KISAH 15:9

Allah mig mbus nyeni kin yoni ter leu yam bi. Noni yai ingon kwes kei tug hon ide niba ningon com Noniti.

KISAH 11:9

Noro nihyet dima tibim hanyen kwei leu mpia-bbed him bipai ‘Tut mun di Allah pai sut bipia dia-diau ne ma ajem nok mun di nirom kuisi au.’

KISAH 10:28

Lene noni pai biyok “Jo nibreisi mem je bipia mben Yahudi ide nicukti ggai ser nye bipai bipia harin dima nuug cem kep ngkiai nya ide ig ba, nisrig ikieti cem a. Noro Allah pingok dingonti leu binhyepo dimbus nggok tungwatu nya ba, dingat bihi nok yo di nirom kuisi au.

KISAH 10:15

Noro nihyet dima tibim hanyen kwei bipai “Tut mun di Allah pai sut bipia dia-diau ne ma ajem nok mun di nirom kuisi au.”

LUKAS 11:41

Suar jikwas mun di jo ei jide mokti kin jide denti tut yo di yuhui mbum nya. Tug hon nisinati dima lene map kui mun di jinyeng tut nya hagom bi.

MALEAKHI 1:11

Mben dihyeisi dini nisurti-nipekti hagom inggei sut Da. Yoni indig biei nggrai di ui-gwang kei bibikon dinyeng lene iba mun di ibikuk yok biDa bibon midut igbit bidem minu lewo yahagom ikon dinyenga!

ZEFANYA 2:11

tuhan mibindei ba, ingon ttin bibor. Noni mibindei sar kwar di tungwatu nya ikuk yok bak nya ei dihyeisi dini. Leu api ngkiai nya yahagom mikuk yok bak tuhan bidem yonti ide minu.

OBAJA 1:17

“Noro bihi mingwes ngun ug ei Nungug Sion. Nungug dima ne gumihyep di jo pijum ei mem Da ri. Leu api yo di intun Yakub him migyai dihyei ninda rom di ide hanyen binok ide bu.

MAZMUR 110:3

Ade limwa nya minjei siceu bit na ei nungug tou di adimig ei su mem njap dino atin ei mem akon pran bit ade siceu nya. Pinai pilei nya di imangti dem kep nggou njap bigyoti minduk yam kwei ndam na.

SAMUEL GI NIGOM 2:14

Lene awak dima ba hot nggram bidat mikwau leu api ket kindi-kindok ba, yai bak imam di niceu pima. Igyai nok gima tut mben Israel di induk yam kwei ei Silo bibon midut nindig mindhe-ndhe di ide nya bak Allah yahagom.

NEHEI LEUSI 25:29

Ma aba mas bibon den kin mok kin ampou kin bokor nya mem gima akwas ba anggur ngei tut Da di Allah eisi.

YESAYA 52:1

Je di mben Yerusalem e, ma jikiju hanyen lene ma jingonti yai nisindem bijijuk jide sinsun di kei-kau hanyen! Je di jinok Allah de limwa di jingon kwes e, ngkiai di irom ndok nya micoi dimbou hui kwei ei jide minu ndig bu bi sren.

YEREMIA 31:40

Tungwatu nya mipigig sut mbang briep di itig nimai ngut ei ba, icom mumpiang cem eisi mem Dani bitut hanjop nsi nya ei Minyei Kidron nijjai kikau ug bipek kin Dimbou Hui Kuda ei nite bei mpia nipriti. Tungwatu nya minggek minu ndig Yerusalem bibindei timek bingwig bu bi sren.”

YEHEZKIEL 45:1

Nipou tirigi ikwas dihyei dima binok dihyei ninda rom tut keret Israel nya bigyo lene suar ikwas hanjop nsi gom tut tuhan. Dihyei di ikwas tut tuhan dima nijeisi dem kilometer simnaibrimigcan ba, meter sratus muhwi. Ba, ninyanti dem kilometer simnai. Hanjop nsi dima titut yam kwes kei.

ZAKHARIA 14:19

Gima ne mun di buhun di micut igkep mben Mesir kin mben nindigsi nya hagom drek dip gino ikou sut gi icoi bit midut Pesta Ig Jibei Mpam Meng ri.

ZAKHARIA 8:3

Midingkwei hanyen ug ei Ditde minu ndig Yerusalem di kwes kei bidibong ser. Tungwatu nya mikan tut bipia timiei minu ndig Yerusalem nya ingon gom tut Da ba, ijem tuhan Di Sindem Bibor de nungug ninyeng Nungug Di Kwes Kei.