ZAKHARIA 14:2 - ALLAH NIHYET MEM TUNGWATU NYA

² tuhan minduk mben nya yahagom bibicom yam ba, mikwei mem gima injei bihwen minu ndig Yerusalem. Igyai minu ndig dima bigyati lene icoi bidem ig hagom bipos ndigban di joti nya. Mben dima yok ipos sop nya bikat timiei minu ndig Yerusalem nite hi bicom yok ug ei ingkiaisi. Noro igikat tungwatu nindigsi di ibong ei minu ndig Yerusalem bi.

ZAKHARIA 14:2 ပူးပေါင်းရင်းမြစ်များ

YESAYA 13:16

Yoni mingat siceu nya di ibui ide munggwom ngwoi nya binem-nnai cem di icoi ug ei ig di ide bicat ndigban di ide nya cem lene ikat itnem bat nya bicut tut yok bou igyai him cem.”

YESAYA 4:3

Tungwatu nya di Allah dimig ei di teu yok di ingwes ngun di ibong ei minu ndig Yerusalem yahagom mingon kwes.

YESAYA 5:26

tuhan mijem mben ngkiai di ibong minu ting leu api yoni mibrim imig kwei!

YESAYA 65:18

Ma tungwatu nya igyai nillei ba, ingon kei bibor tut mun di dipai tes nya. Midipai tes minu ndig Yerusalem di nijep bu. Mpia dima mimpung tut yo di imbos-hi-mbos bingon llei bibor.

YEREMIA 21:4

leu binhyepo yuug pai hanyen bak Zedekia mben Israel ide tuhan Allah pai “Na di Zedekia e, midibindei timek ade tentara nya di ikon pran kikep bit nibou ndig minu Babel kin nide tentara nya. Midipos tentara nya ide minggwen nya hagom leu binhyepo dibirok kik minu ndig nahacanti.

YEREMIA 34:1

Mpe dino Nebukadnezar di nibou ndig minu Babel ya tut nide tentara kin ngkiai nya kin minu nindigsi nya di icut binoni di yahati tut yok ba, injei bihwen minu ndig Yerusalem kin minu ndig ngot di jo ttai nya lene tuhan mbrap bit da.

NIBWOS-BWOS NYENTI 1:10

Siceu di ibindei timek no ipos nide ndigban ningwig tu o! Nok gima cem noni ngat gi siceu nya icoi ug ei tuhan De Ig bou niyai him o! Gima ne niyai munti gom di tuhan ggai ser ngkiai nya tut rin o!

YEHEZKIEL 5:8

Gima rino Da di tuhan Di Dinyeng Jei Bibor dipai brei bina bipia ade siceu rino Dani. Midikes hukum ei na dip bou ngkiai nya igyai him.

YOEL 3:2

Midinduk ngkiai nya yahagom kwei ei Mbang Briep Niya Ei Nikei Noho Bei. Leu api midigwam nok nikei mem yok. Midikes hukum ei yok dip drek dip gi ibibon Ditde limwa nya kinei. Lewo ijji mben Israel bibindei ba, intek gimahap ug ei ingkiaisi leu api ikwas Ditde minu Israel tut yam.

YOEL 3:9

Ma jitri tut nihyet dini bak ngkiai nya yahagom bijipai ‘Ma jitin ei mem gima jikon pran bijinjei siceu cem ba, jicuk yo di ikon pran kan yahagom bidem yam bimbut sindem!’

AMOS 7:17

Gima rino tuhan pai bina di Amazia atnem minok sop di nibou buwei di hwou-hwou nyen bidem simpak ei minu dini. Amunggwom bat nya mitug ndei nimai ei pranti ba, ade siceu nya mikwas ade minu dini tut yam. Mporo nanti ayaijoti ug hon nohonti ei angkiaisi. Leu api siceu nya mikat mben Israel bikri yok ug ei ingkiaisi ei ting bibor leu itimieisi.”

ZAKHARIA 12:2

“Dibindei ba, minu ndig Yerusalem midem kep mok mas di anggur ngei joti. Minu di jo ttai no nya midut ningei leu api ibou ngwak sibui-sibui nyen tut bidem kep yo di idut pes di pu yok pimo. Mpe di igyon ttai minu ndig Yerusalem ne migyon ttai minu ndig ngot di jo yo ei minu Yehuda cem.

ZAKHARIA 12:3

Noro tirigi njap dima dem ne dibindei ba, minu ndig Yerusalem dem kep tig di buhun bibor. Mben di ijo leu tirima-tirima di ibingon mem gima ikon tig dima miyuum mun di buhun drek dip. Mben dihyeisi dini hagom mibicom yam ba, injei bihwen bit minu ndig Yerusalem.

ZAKHARIA 12:9

Njap dima dem ne midibindei sar bikwop mben di itin ei mem injei siceu bihwen minu ndig Yerusalem.

MATIUS 22:7

Nibou ndig ningon sibui sut yo dima nindig bibor. Noni cuk nide tentara nya biyuug yai nimai biyok lene pindei ide minu ndig dima bitimek.

MARKUS 13:14

“Mijingat Nisibutti Di Bindei Map Kui Tuhan De Ig ya ei ninsi di kwes-kwau (ma no di kwop srat bokti dini yok ngon kep ningginausi!) Mpe dima lene suar yo di ibong ei hanjop Yudea inang ug ei cet him.

MARKUS 13:19

Lewo tungwatu nya ei nijam dima migyai ninghuisi wei nindig bibor dor njiriek ninghuisi wei di tungwatu nya igyai habiei leu nimbie him kikau kwei bipek ammani kep cem lene kikau ug bipek njap ningwig honti cem.

LUKAS 2:1

Ei mpe dima Kaisar Agustus tri nihyet bipai bipia suar bikwop nide limwa nya bidem dihyeisi dini hagom yuug ei kintrorti di jo ei itimieisi bindat kep inyeng leu binhyepo noni kan tut yahagom imangti sok yam.