ZAKHARIA 14:11 - ALLAH NIHYET MEM TUNGWATU NYA

¹¹ Tungwatu nya mibong kei-migwam kei ei minu ndig dima leu ba, itug ndei nisigionti di bindei sar yok bu bi sren.

ZAKHARIA 14:11 ပူးပေါင်းရင်းမြစ်များ

YESAYA 26:1

Mpe dima kwei ne timiei Yehuda nya di ingat rin mipai doia dini. “Mei, ide minu ndig dini sindem bibor! Allah Nonti rino win tentara nibousi di igyai coi nya ba, ingwes ngun eisi.

YESAYA 60:18

Nimbuk tut yamti kin nibindei timek yam bingwigsi kin mun di buhun bibor nibimbiti mitibim kwei ei jikieti bu bi. Midiya srak ko hagau na dem kep nok ngug tig di krop ttai na apino anggei sut Da lewo diteu na ba, angwes ngun.

YESAYA 66:22

Jide nintun him di bram yam nya kin jide keret ninyeng mijo bingkiem-kiau kikau noyam kin mpia-bbed him di nijep kin dihyei di nijep di jo ngkiem-kiau tug hon Ditde nisindemti.

YEREMIA 31:40

Tungwatu nya mipigig sut mbang briep di itig nimai ngut ei ba, icom mumpiang cem eisi mem Dani bitut hanjop nsi nya ei Minyei Kidron nijjai kikau ug bipek kin Dimbou Hui Kuda ei nite bei mpia nipriti. Tungwatu nya minggek minu ndig Yerusalem bibindei timek bingwig bu bi sren.”

YEREMIA 32:37

Midinduk mben dini leu minu hagom di dibindei ntek gimahap yok ug eisi nya drek dip gi digga yok bibor ba, diba yo bicom yam hanyen. Dibuwak yok kwei bidikes yok hanyen ei mpia ttou nsi dini bidisindui sut ba, ibong kei igwam kei eisi.

YEHEZKIEL 37:26

Midipreu ei mem yok leu binhyepo ibong kei igwam kei bijo ninno bijo kikau. Midinjei mun di kei bak yoni lene midibindei ba, idigek kep mpia. Midiwin Ditde Ig ei ikieti bijo ninno bijo kikau.

YOEL 3:17

“Je di mben Israel e, nogindini mijikan tut bipia Dani ne tuhan bidinok jide Allah ri. Digwam ei Ditde mbigdip Sion di kwes kei. Minu ndig Yerusalem cem miluei nitta binok minu ndig di kwes kei bu. Apino ngkiai nya mikwei kon pran bit minu ndig dima bu bi sren.

YOEL 3:20

Mben Israel mibong kei migwam kei ei minu Yehuda kin minu ndig Yerusalem cem bijo ninno bijo kikau.

AMOS 9:15

Midikes Ditde limwa nya hanyen ei itimieisi di diyai biyok nipou su lene bit bon hi hom yok hanyen kan bi. Da di tuhan di jide Allah disimbot dat tu.”

ZAKHARIA 12:6

Mpe dima lene dibindei ba, keret Yehuda de nintun him yamti nya idem kep hum di cut ei biei nindig kep hum di inju keyam ei kin hyem di ninjeng cig-cai di sror gandum nintam di len tu. Yoni mibindei sar mben di ibong ttai yok nya yahagom. Noro timiei minu ndig Yerusalem nya ibong nyahan ei ide minu ndig ninsi.

ZAKHARIA 2:4

Malaikati gi nigom pai bak malaikati gi nican “Abrim amig haninyai ba, aug pai bak pinai pilei dima bipia minu ndig Yerusalem mimpung-mpiet tut tungwatu kin mindhe-ndhe nimuhup tu nya. Gima rino bit bon iwin ngug tig di bikrop ttai kan bi.

ZAKHARIA 8:13

Je di timiei minu Yehuda kin minu ndig Yerusalem e! Nipou pini jug tirigi ngkiai nya isigion yam ne isimbot dat ‘Nnaba mun di buhun di cut igkep minu Yehuda kin Israel nya cut igkep nani cem!’ Noro miditeu je bijingwes ngun apino ngkiai dima yok isimbot dat biyam ‘Nnaba mun di kei di juk kwei mem minu Yehuda kin Israel nya juk kwei mem nani cem!’ Gima rino ma jibrim jingkek ba, jittin tut au!”

ZAKHARIA 8:4

Andigpoi koi nya kin sindigpoi koi nya di ikoi bibor ba, suar iba tom bitom yok nya migwam ser biyati ndig ei minu ndig Yerusalem.

ZAKHARIA 8:8

bidibuwak yok hanyen kwei leu nite bei mpia nipriti kin nite bei mpia nicutti kwei leu api ibong ei minu ndig Yerusalem hanyen bu. Dibindei ba, inok Ditde limwa nya lene dinok ide Allah. Midiba ningon gom kin ningon sren binyeng tak kep yok.”

MBEN ISRAEL IMBUT-MBUT NYEN 21:3

Lene tuhan buhup biyok bisindem tut yok apino ibindei timek tentara Kanaan pima bingwig. Lene ibindei sar ide limwa nya ba, inggek ide minu ndig nya cem hagom bitimek bingwig. Leu api ijem mpia ttou nsi dima ninyeng Horma.

NINDAT KEP TUHAN NICUKTI NYA 33:28

Gima rino Yakub de nintun him yamti di bram yam nya ibong kei igwam kei ei dihyei hanjop nsi di mpung tut gandum kin ba anggur ningei. Ide dihyei ninjek dip hagom nnum bibor tug hon nggou di cut kwei leu mpia-bbed him.

NINGAT-HI-NGAT NYA 21:4

Noni midip tut igyai nggwei hagom bingwig leu yok. Imai cem ingon ngguk cem ipim cem inghuisi wei cem bu bi. Mun di nitimiei nya hagom pror leu su.”

NINGAT-HI-NGAT NYA 22:3

Mun di Allah sigion nya hi jo ei minu ndig dima bi sren. Allah kin Domba Pmot ide banggo mbrei jo ei minu ndig dima lene Nide awak nya mikuk yok binggei sut Noni.