ZAKHARIA 14:1 - ALLAH NIHYET MEM TUNGWATU NYA

¹ tuhan de njap nigwam nok nikei dideu su. Mpe dima lene tungwatu nya micoi ug ei minu ndig Yerusalem bipos ndigban hagom bikwas tut yam bou jiyai him.

ZAKHARIA 14:1 ပူးပေါင်းရင်းမြစ်များ

YESAYA 13:6

Ma jipim kui jei lewo njap di tuhan de dideu kwei su. Njap dima ne tuhan Di Ninyeng Jei Bibor de njap nibindei sarti di Noni kes kwei ri.

YESAYA 13:9

tuhan de njap mikwei ba, njap dima ne tuhan bindei mbut nigga biborti kin nimbuk biborti di bindei ninggap leusi. Noni mibindei ba, dihyeisi dini nok iggum ndigsi ba, bikwop yo di ibon sisar misar.

YESAYA 2:12

Njap dima ne tuhan Di Sindem Bibor mico kep yo di ikon yonti yahagom bikes hukum ei yo di inggei sut yonti kin yo di ingon jei nya yahagom dip.

YOEL 2:1

Ma jimiep pun mbrei bijibui brem-brem di bindo tut mun di buhun ei nungug Sion di Allah de mpia di dia-diau kei. Je di timiei minu Yehuda e, ma jinghuisi mpig sut tuhan De Njap lewo dideu kwei su.

YOEL 2:31

Mpia njap dindi ba, bed mmun ngwoi dem kep ninggrom nipou tirigi tuhan de Njap ningwig honti di nindig ba, kei-kau-kei cem mitau kros bigyo.

YOEL 3:14

Tungwatu ibou sribu-ribu idem yam ei Mbang Briep Niya Ei Nikei Noho Bei. Jei bi ne tuhan De Njap mitau kep yok ei mbang briep dima.

ZEFANYA 1:7

tuhan de njap dideu kwei su ba, ei njap dima ne Allah miyai nibou tut Nide limwa nya igyai munti nya. Gima rino ma joom jenti nyahan ei Noho bei hak ug. tuhan tin ei mem gima ba Nide limwa nya yonti njem bibon midut di noyam kin midut nindig mindhe-ndhe ei nimbar hum dokti. Ba, Noni nduk mben Yehuda ide nitok nya kwei mem gima ihwen yok.

ZAKHARIA 14:14

Pinai nya di ingat rin ei minu Yehuda mikon pran gau minu ndig Yerusalem. Yoni mipos ngkiai nya di ibong ttai yok nya ide ndigban mas kin perak kin ide sinsun di jo-jo yam dip cem hagom nok ndigban nipos he nya.

MALEAKHI 4:1

tuhan Di Sindem Bibor pai “Njap dima ne tto bou midem mem hum yem yo di inggei-nggwang tut yonti nya kin yo di imbuk nya yahagom dem kep hum di yem mintu-minta di mui su. Hum miyem yok bihigom ei njap dima leu api ipror bingwig.

MALEAKHI 4:5

Noro nipou tirigi tuhan de njap ndig di buhun bibor tau kep je bigyo ne midipinak Nabi Elia hwou ndam je.

KISAH 2:20

Mpia njap dindi ba, bed mmun ngwoi nok ninggrom nipou tirigi Tuhan de Njap ningwig honti di nindig bikei-kau-kei cem ttau kros bigyo.

NINGAT-HI-NGAT NYA 16:14

Mun dima ne ninnei rom nya di ibon mindur nya ri. Ninnei dini yuug ngat nibou ndig nya ei dihyei nisurti-nipekti binduk yok kwei mem nikon pranti ei Allah Di Sindem Bibor De Njap Nindig.