ZAKHARIA 13:8 - ALLAH NIHYET MEM TUNGWATU NYA

⁸ timiei di ibong bidem minu dini nittou nsi can leu nitou nsi ningai migyai nimai bidem minu hagom.

ZAKHARIA 13:8 ပူးပေါင်းရင်းမြစ်များ

YESAYA 6:13

Mbro nok gino tungwagom leu ibou simnai bong ser nide ig bimbut bi lo, noni cem mitug midut. Noro noni minok asar ninjem di iwim lo, ningwam jo nijoti. Ningwam dima ndo tut nijam di nidipti bu tirigi Ditde limwa di igyaisi jo nya minok nitriti mem Ditde limwa di ingon kwes hanyen bu.”

YESAYA 66:24

Mpe di ikiju bingkwei hanyen ug ei ide ig lene mingat nimbiam di ikiek imig jou tut Da bou igyai him. Njingwoi di bipio ingut dima yok mimai ba, hi dima mu hum di yem yok kan bi. Gima ne mun di biyai yo di ikriau bicap kep nya yahagom igyai di ttin bibor ri.”

YEREMIA 30:11

Midihwou teu je bijingwes ngun ba, dibindei sar ngkiai nya di dibindei ntek je ug eisi nya yahagom. Noro dibibon je nok gima bi. Ningat ne mijingwes ngun leu hukum bi. Noro hukum di dikes ei jeni dip dima ne hukum di tug hon Ditde ningon gomti rin ba, dem igbit nikos tutti di jo tu. Da di tuhan disimbot dat tu.”

YEHEZKIEL 20:38

Midimbus nihwen mun cig nya kin nisibut cig nya leu jikieti bidibuwak yok biyehei leu ingkiaisi di nogindini ibong niti nya lo, midisindui sut yok bingkwei hanyen ug ei itimieisi di Israel bi. Leu api mijikan tut bipia Dani ne tuhan ri.”

YEHEZKIEL 5:12

Ade timiei nya nittou nsi gom mimai tug hon nsuwer ajar kin ninggum di buhun di hwen minu ndig dima. Lene siceu nya miba singau simeda bitot timiei ade nya nittou nsi gom bu ei minu ndig nisai. Lene midibindei nittou nsi gom bintek gimahap nima ug-nima ug bidiba singau simeda buhuk yok nyen-nyen.

DANIEL 9:27

Nibou ndig pima kin tungwatu nya imang bibor iba ingon gom bipreu ei mem yam kikau mem ari bingwam muhwindacan bu. Ug ei nijam dima nahacanti lene noni ggai ser nibon midut ei nimbar hum dokti kin munkwas di igyai bak Allah. Noni bindei ba, nide awak nya itas Nisibutti Di Bindei Map Kui tuhan De Ig biya anai ei ig bou ninjek dip bijo nijoti kikau bibou nibou ndig di bindei dima tug ndei hukum nimai di Allah tin ei mem noni ug e.”

AMOS 9:10

Ditde limwa nya di ibon kep sisar ipai biyam ‘Allah misindui sut ba, mun di buhun bibor micut igkep nye bi.’ Noro ningat ne yoni mitug ndei nimai ei pranti.”

ZEFANYA 3:12

Midisindui sut mben gom di yoom yonti ba, iba ingon com Da tut Ditde nimpu yokti bibong kikau ei minu ndig dima.

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

MATIUS 22:7

Nibou ndig ningon sibui sut yo dima nindig bibor. Noni cuk nide tentara nya biyuug yai nimai biyok lene pindei ide minu ndig dima bitimek.

MARKUS 13:20

Gino Allah kos nijam dima nijeisi leu bi lene bit bon bihi ingwes ngun kan bi. Noro Noni mikos nijam dima nijeisi leu mem Nide limwa nya.

NINGAT-HI-NGAT NYA 16:19

Minu nindig bibor dima kki ningaisi ba, minu ndig nindigsi nya bidem dihyei nisurti-nipekti hagom lus bingwig. Allah kan kep minu ndig Babel lene bindei ba, dut ba anggur ngei leu Nide mok ba, ningei dima ne Allah nigga biborti ri.