ZAKHARIA 13:7 - ALLAH NIHYET MEM TUNGWATU NYA

⁷ tuhan Di Ninyeng Jei Bibor pai “Singau simeda e, ma akiju ba, ahwen gembala di yai midyai mem Da! Ayai nimai bak leu api ide domba nya mintek gimahap. Dihwen Ditde limwa nya ba,

ZAKHARIA 13:7 ပူးပေါင်းရင်းမြစ်များ

MAZMUR 2:2

Nibou ndig dihyeisi dini ikiek imig jou tut Tuhan bigyok ingon gom mem Noni kin nibou ndig di Noni ndo ei su.

YESAYA 1:25

Midiyai dibou tut je nok gini. Dibindei ba, jingon pimbai kei noyam kin ngkimom nitu di tukan nya ikwen di pimbai kei. Dimbres map hagom bingwig leu je.

YESAYA 27:1

Mpe dima lene tuhan miba nide singau simeda di sindem di ninggwenti nggres kei bikes hukum ei mindhe Lewiatan di srei di nghau-nghau nyen dima dip ba, yai nimai bak mindhe naga di bong muk ngeisi cem.

YESAYA 40:11

Noni minyohou Nide domba nya dem kep nok no di gembala bibie tut yok. Noni mikon domba mien nya bibong ei ninda kroisi lene ba ningon di nggriu-nggrop bijem niwek di ibep nya.

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

YEREMIA 47:6

Jahara ‘tuhan de singau simeda e, ma ahwen nye bipek apig bu i? Ma angkwei hanyen ei ahamti ba, agwam kep anghuisi ei sirima hak ug!’

YEHEZKIEL 21:28

“Na di tungwatu di ayaijo kikau bi e, ma atri tut mun di mipek kep ei nidipti bu! Apai bak mben Amon di ighyet wer mpiahi tut mben Israel bipia Da di tuhan Di Dinyeng Jei dipai ‘Singau simeda nipup gom jo mem niyai nimai bak tungwatu nya. Hi sien singau simeda dima binjeng-jau nok kigyei di ninjeng srei leu binhyepo biyai nimai bak tungwatu nya.

YEHEZKIEL 21:3

apai bipia Da di tuhan dipai ‘Dani ne jide nitok ri. Midikus Ditde singau simeda ba, dibiyai nimai bak je di jisibut kin je di jisingat cem jahagom.

YEHEZKIEL 37:24

Nibou ndig di noyam kin Ditde awak di Daud ninyeng mitak kep yok. Yahagom mibicom yam nok gom leu api nibou ndig dima ninyeng mitak kep yok. Ingon gom tut diggai serti bibit hagom nok gi kei cem.

YEHEZKIEL 7:6

Nogindini mun di hagom ngwig hon tu. Gini ne ayaijo ningwig honti ri. Nituti mem gima angwes ngun hi jo bu bi.

MIKHA 5:2

tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

MIKHA 5:4

Noni mibindei ba, yahagom ingon kwes kin yam. Tirigi tentara mben Asyur nya ihwen ide minu dini binggek ngug tig nya lene nyeni micuk ide nibou di mimbri kui ingkek ba, ihwen yok bibiyai nimai biyok.

ZAKHARIA 11:11

Diyai nok gima ei njap dima hak. Leu api nitri-nipek domba cig dima yok ingig igyai kep da bingon huk niti bipia tuhan no mbrap kep tug hon ditde nibon munti nya.

ZAKHARIA 11:4

tuhan Allah pai bida “Abon nanti bidem kep nok gembala di nyohou timiei minu dini titut yam lewo dingon nggriu sut yok bu bi. Yoni noyam kin domba nimpung ndig gom di dinyohou yok leu binhyepo dibui yok nok mikwau. Yo di ipek mikwau dima ikos domba nya binso yonti tut bi. Nitri-nipek domba cig nya ipai ‘Ikon tuhan ninyeng a! Nogindini inyeng tut ndigban kum eisi bu!’ Gembala dima yok igingondut domba di ide di inyohou yok dima bi. (Nihyet dini tibim ei tuhan nuhui him.) Midikes yo dima ei yo di inttig-tta nya indati kin ide nibou ninda nsi. Yo dima ibindei minu dini bitimek. Miditeu yok bingwes ngun leu yo dima inda nsi bi.”

ZAKHARIA 11:7

Gima rino dibon danti bidinok gembala drek dip nitri-nipek domba cig nya di itin ei mem gima ikos nya leu api dibon tom can. Dijem tom gom ninyeng ‘Nisingat tutti’ lene dijem tom gom ninyeng ‘Nibicom yamti.’ Leu api dikinyon ei niya serti bidinyohou domba dima yok.

MATIUS 1:23

“Sop gwam nitta pilei gom minghop rin ba, misrek tut munggwom nipinai gom leu api tungwatu nya mijem ninyeng Imanuel.” (Imanuel leu nihyet Ibrani gi ibijem bipia “Allah gwam bit nyeni”.)

MATIUS 10:42

Bikwop no di tin kau tut minyei mem no di bon ninyeng bi drek dip niya kui Dati lene ma jingon jo kep bipia Allah ba munkwas bibirop hanyen binoni!”

MATIUS 11:27

Dicig yai mun nyeng hagom biDa tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem ikan igbit tut Noni.

MATIUS 18:10

“Ma jingon sok kep jenti ser nhyema jingwes pri gau munggwom mien dini hi au. Lewo jiyok ngon kep bipia ide malaikati nya igya hacan mem yok ei Dicig Noho bei ei gwamti bijo ninno. [

MATIUS 18:14

Nok gima cem Jicig ei gwamti ningon llei sut gima yo di ingon mbum noyam kin munggwom mien dini yok ibihi israwir bi.”

MATIUS 26:31

Lene Yesus pai biyok “Himmun di ariman ne jahagom mijinang bijikes Da ei ri. Bit leu nok Allah Nihyet pai ‘Dani midiyai nimai bak gembala dima leu api domba nya mintek gimahap.’

MATIUS 26:56

Noro suar mun dini yok hagom pek kep mem nye leu binhyepo nabi nya ide nipas kepti ei Allah Nihyetti midem igbit.” Leu api yo di igya kui Yesus yahagom ikes Noni binang leu.

MARKUS 14:27

Leu api Yesus pai biyok “Himmun di ariman ne jahagom mijinang leu Da bijikes Da ei ri. Bit leu nok Allah nihyet pai ‘Allah miyai nimai bak no di gembala leu api domba nya mintek gimahap.’

MARKUS 14:50

Yo di igya kui Noni yahagom ikes Noni ei binang leu.

LUKAS 12:32

“Je dino jimang bi e, ma jittin tut au! Lewo Jicig joi sut gi yai munkwas di ntun Nide ninyeng tak kepti him bije.

LUKAS 17:2

Nnaba tungwatu nya ikim tig mma nindig bibor ba, ibisrou no dima nikimam binjei sut ug ei muk jou leu gima noni bindei ba, munggwom mien dini hi bon sisar a.

YOHANES 1:29

Njapti kui bu ne Yohanes ngat igbit Yesus tirigi ttau kwei. Noni pai biyok “Jingat i! Domba Pmot Allah de di kos ser tungwatu dihyeisi dini ide sisar No rima!

YOHANES 10:30

Dicig kin Dani ninok gom kin yam.”

YOHANES 10:38

Mbro nok gino jingon jo kep Da bi lo, gino diyai midyai bit leu Dicig ningon kanti ne ma jingon jo kep Ditde midyai hak ug leu binhyepo jikan tut mungkun bipia Dicig kin Dani ninok gom kin yam.”

YOHANES 14:1

Yesus pai biyok “Ma jingon buhun bijingon bos-bos nyen au. Ma jiba jingon com Allah lene jiba jingon com Dani cem.

YOHANES 14:23

Yesus buhup “No di ningon ngakei Da bit Ditde ningginausi. Dicig cem ningon ngakei noni leu api Dicig kin Dani nikwei coi ei ningonti.

YOHANES 16:15

Mun nyeng hagom di jo bak Dicig jo biDa cem. Gima ripo dipai bije bipia Ninnei Gi Kwes mbot kep tut mun di Noni miap di tibim leu duhui him bije.

YOHANES 16:32

Ma jiyok ngon kep bipia tto bou mem jintek gimahap midem ba, tto bou dima dem tu. Bikwop jahagom mijingkwei hanyen ug ei jide ig bijikes Da ei apino digwam biDangkom. Noro digwam biDangkom bi lewo Dicig ningat rin bit Da.

YOHANES 5:23

leu binhyepo yahagom ikon Nipmot ninyeng bit leu nok ikon Nicig cem ninyenga. No di kon Nipmot ninyeng bi kon Allah di cuk Nipmot kwei ninyeng cem bi.

YOHANES 8:58

Yesus buhup “Dipai nijit bije bipia nipou tirigi Abraham srek bigyo ne DANI DINGAT RI.”

KISAH 2:23

Allah kos tut ningon kanti mem Yesus nipou su bipia mikes Noni ei jindati. Tirigi Allah kes Yesus ei jindati rino jihwen Noni tug hon yo di imbuk nya di ipek Noni kin biei salib.

ROMA 4:25

Allah sindui sut Kristus yai nimai drek dip ide sisar. Lene Allah kon Kristus hanyen leu nimai eisi bibon nituti mem nyeni ingon kwes kin Allah hanyen.

ROMA 8:32

Allah jem Nipmot bou Nonti bingondut Noni bi noro kes Noni ei mem nyeni yahagom. Gima rino Noni miyai mun nyeng nindigsi hagom binye mikuisi bi e?

KORINTUS GI NICAN 5:21

Kristus bon sisar nyeng gom bi sren. Noro Allah bindei ba, Kristus biang ide sisar bitut ide ningon muisi nibuhunti hagom leu api yai ingon di kwes kin Noni hanyen drek dip ide ninok gom kin Kristusti.

GALATIA 3:13

Noro Kristus kwek nye leu Puig Yahudi niggai serti nisigion nyeti tug hon mpe di po Nonti sindui sut ba, biang nisigion Nonti luei nye. Bit leu nok gi ipas ei Allah nihyetti “Tungwa tou rino yai hukum nimai ei biei salibti tug ndei Allah de nisigion noti.”

FILIPI 2:6

Mbro nok gino ningat ne Noni kin Allah yahacem noyam lo, Noni krau kep Nide nikei-kau-keisi kin ninyeng di jei noyam kin Allah bi.

IBRANI 13:20

Allah ne nibousi mem ningon jo nyahanti rin ba, Noni win Yesus hanyen leu nimai eisi bikon Noni nok Gembala Di Kei Bibor mem Nide domba nya tug hon ninggrom di tak buk kep Nide nipreu eisi habiei ei nimbie him bijo kikau buug hon nohonti bi.

PETRUS GI NIGOM 3:18

Lewo Kristus Nonti mai mbigom ngat he bijo kikau mem ide sisar. Noni ne No di ningon sren-srau di ya luei yo di ibon sisar nya yohoti rin leu binhyepo buwak je kwei bijitti kin Allah. Kristus mai bit leu gi mbun ningut tungwatu. Noro tirigi Allah win Noni ba, niyaijo hanyen lene noni mbun ninnei di bit bon mai hanyen kan bi.

PETRUS GI NIGOM 5:4

Ba, mpe dino Gembala Di Ninyeng Jei ttau hanyen kwei lene Noni mikes munkwas di kei-kau di bit bon pimber hanyen kan bi ei jibou nggram him dip.

YOHANES GI NIGOM 2:2

Allah kos ser ide sisar tug hon Kristus Nonti di bindei dino ide sisar pror hak ba, gini mem nyengkom ide sisar he bi noro mem tungwatu nya yahagom ide sisar.

NINGAT-HI-NGAT NYA 1:11

Nihyet dima cuk da “Ma apas kep mun di angat dini hagom ei srat gomti leu api apinak bak mbusyamei ei minu ndig Efesus kin Smirna kin Pergamus kin Tiatira kin Sardis kin Filadelfia kin Laodikia.”

NINGAT-HI-NGAT NYA 1:17

Tirigi dingat Noni lene diba dingwak bikik mpia ei nimig him dem kep no di mai su. Noro Noni ba ninda com bitak da bipai bida “Attin tut au! Dani ne nimbie him kin nohon keti,

NINGAT-HI-NGAT NYA 1:8

Allah di Sindem Bibor pai “Dani ne nimbie him kin nohon keti rin lewo dingat rin annani kin ammani bidikwei hanyen yo.”

NINGAT-HI-NGAT NYA 13:8

Tungwatu dihyeisi dini hagom ikuk yok bak mindhe dima binggei sut. Noro tut yo di inyeng jo ei srat niyaijoti habiei ei nimbie him tirigi Allah pai tes dihyeisi dini bigyo ne ikuk yok bak bi. Srat dima ne Domba Pmot di ibui bimai De srat ri.

NINGAT-HI-NGAT NYA 2:23

Leu api midihwen nide limwa nya cem leu binhyepo mbusyamei nya yahagom ikan tut bipia Dani ne No di yok niyai kep tungwatu nya yahagom ikan-kan nyenti kin ingonti ri. Dibirop hanyen bije bit leu nok jiyai munti nya.

NINGAT-HI-NGAT NYA 21:6

Noni pai bu “Hagom put tu! Dingat rin ei nimbie him kin ningwig honti. Dani ne Tuhan ei nimbie him kikau ug ei nohon keti ri. Midibindei ba, yo di inggobiau nya idem mem gima idut minyei leu minyei bousi di bindei bigyai niyaijo mikuisi.