ZAKHARIA 13:2 - ALLAH NIHYET MEM TUNGWATU NYA

² Njap dima dem ne mididip tut kwar di ikuk yok bak nya inyeng leu dihyei dini leu binhyepo hi dima miyok ngon kep ninyeng dima bu bi. Midijji yo di ikon yonti inyeng binok nabi nitrowai nya kin yo di ninnei di kinei ya ingonti nya yahagom.

ZAKHARIA 13:2 ပူးပေါင်းရင်းမြစ်များ

NIBOU NDIG NYA GI NIGOM 22:22

Lene Allah hig ser noni ‘Aris bak noni notou i?’ Lene ninnei dima buhup ‘Duug ngat Ahab de nabi nya lene midibindei ba, yahagom iris mun.’ Lene Allah cuk noni ‘Aug ba, aris bak noni hak ug lewo ayai munti dima mingat ningat ug ri.’ ”

MAZMUR 16:4

Yo di ikuk yok bak kwar nya mitug ndei mun di buhun tak yok nindig bibor. Midinjei bit yok tirigi ibon midut nindig mindhe-ndhe nya kep hum bak ide kwar nya ba, midindat kep kwar dima yok inyeng ei duhui him bi sren.

NEHEI LEUSI 22:13

Gino ningat ne mindhe di niten-pos ttem mindhe pima biyem ninghui leu su lene no di nyohou mindhe dima ket ninjum bindo bak nisut nok bindo. Lene noni migo nibuhup tut mindhe dima bi.

NEHEI LEUSI 23:13

Ma jiyok ngon kep Ditde nicuk jeti nya hagom. Ma jikuk je bijahara bak ngkiai ide nung di ikuk yok bak nya au. Harin dima jindat kep nung dima ninyenga.”

YESAYA 2:18

Kwar di tungwatu nya ikuk yok bak nya cem misar bihigom.

YEREMIA 29:23

tuhan bindei ba, mun di suwok bibor dima cut igkep yok drek dip ide sisar di nindig bibor di ibon ei minu Israel tu. Yoni icut tut hi nitnem lene iba tuhan ninyeng bitri tut mun di igbit bi nya cem. Ba, gima yok hagom srep tut tuhan ningon kanti. Noni kan tut sisar di ibon nya ba, mikiju nok no di tri tut igyai munti di Noni ngat bou niyai him bipai kep yok. Da di tuhan disimbot dat tu.”

YEHEZKIEL 12:24

Ningat-hi-ngat kin nimbot kepti di nitrowai hi mijo ei minu Israel bu bi.

YEHEZKIEL 13:23

Nogindini ningat-hi-ngat nitrowai di jingat nya kin jide nisuglai sut mun di mipek kep ei nidipti bu nya hagom kes hon nohonti tu. Diteu Ditde limwa nya bingwes ngun leu jide nisindemti di sibut bibor. Leu api mijikan tut bipia Dani ne tuhan ri.”

YEHEZKIEL 14:9

Gino nabi gom cut ei niris noniti leu api buhup tunggwei ne Dani rino diris nabi dima. Da di tuhan Di Dinyeng Jei Bibor midicom noni leu mben Israel ikieti.

YEHEZKIEL 30:13

tuhan Di Ninyeng jei Bibor pai “Midiya kep kwar nya kin mun di yo dima ikuk yok bak ei minu ndig Memfis bitimek ningwig a. Minu Mesir mibon nibou ndig di ninyeng tak kep yok bu bi sren. Dibindei ba, timiei minu Mesir nya yahagom ittin bibor.

YEHEZKIEL 36:25

Gima ngwig lene midiba minyei di pimbai kei biprok je leu binhyepo jingon pwoi leu jide kwar nya kin mun nindigsi di bindei ba, map kui je tu nya.

YEHEZKIEL 36:29

Midikwek je leu map di kui jeti hagom. Midipui dihyet tut jide gandum ba, hagom nnum kei apino ninggum mihwen je bu bi sren.

YEHEZKIEL 37:23

Yoni mikuk yok bak kwar di mpiei bibor bi lene ibon sisar di bindei ba, map kui yokti bu bi. Midikwek yok leu ingon di mang di bindei ba, igyai mun kinei sut Da hagom. Midibindei ba, ingon kwes-kwau leu binhyepo inok Ditde limwa nya ba, Dani ne ide Allah ri.

YEHEZKIEL 43:7

“Na di tungwatu di ayaijo kikau bi e, gini ne Ditde banggo mbrei ri. Midibong ei sirini ei limwa Israel ikieti ba, dinyeng mitak kep yok bijo ninno bijo kikau. Yoni kin ide nibou ndig nya mibindei ba, map kui dinyeng kwesti tug hon kwar di ikuk yok bak ba, itig nibou ndig nya ei mpia dini bu bi.

YEHEZKIEL 6:6

Minu ndig Israel hagom kin nimbar hum dok nya kin kwar di tungwatu nya ikuk yok bak hagom minggek sinsiou cem ba, siceu nya minjei nimbar di indig biei nggrai di ui-gwang kei eisi nya hagom ug ei dihyeisi ba, mun di ibon bou inda him nya hagom misar.

HOSEA 14:8

Yoni mikwei hanyen ndam Da bigwam coi Da. Yoni midigek kep mpia haninyai dem kep nok trem di hei ei ninnumti kin miai ba anggur. Tungwatu nya mikon inyeng noyam kin gi ikon ba anggur ngei Libanon ninyenga.

HOSEA 2:17

Midipai ser noni leu binhyepo noni ndat kwar Baal ninyeng bu bi sren. Apino tungwatu nya migyok ngon kep kwar Baal ninyeng bu bi.

HOSEA 2:19

Na di Israel e, midiwak na ba, anok ditnem di ningat-ngat bijo ninno bijo kikau. Midingondut na bidingon ngakei na cem. Midiba ningon srenti kin ningon gomti bibon na.

MIKHA 2:11

Jijoi sut nabi di ris mun igkei bipai sut mun di mipek kep mem je ei nidipti bu nok gini ‘Jei bi ne jidut ba anggur ngei kin mun di pu je nindig bibor ri.’ ”

ZEFANYA 2:11

tuhan mibindei ba, ingon ttin bibor. Noni mibindei sar kwar di tungwatu nya ikuk yok bak nya ei dihyeisi dini. Leu api ngkiai nya yahagom mikuk yok bak tuhan bidem yonti ide minu.

MATIUS 12:43

“Tirigi ninnei rom hei leu tungwagom ningonti lene mbut-mbut nyen ei iggum ndigsi binggok mpia dima bong kep ninghuisi eisi lo, ngat hi bi.

MATIUS 7:15

“Ma jisok kep jenti ser nabi nitrowai nya di isrig jikieti lo, iluei itta binok domba nya. Noro bei ninsi ne inok nsien mbrei di niten-pos.

LUKAS 11:20

Noro dijji ninnei rom nya tug hon nisindemti di kwei leu Allah. Diyai munti dima ne mun di bindo bipia Allah ninyeng tak kepti sindi kwei ttau kep je.

NINDAT KEP TUHAN NICUKTI NYA 12:3

Suar jinggek ide nimbar hum dok nya ba, jiki ide cou tig di ipigig sut nya kukiau cem jindig ide nung mien nya di bindo tut kwar nisop Asyera kep hum cem jidram ide nung nindigsi di ikuk yok bak nya cem bingwig. Gima hagom nok leu binhyepo bit bon ikuk yok bak nung dima yok ei mpia ttou nsi nya dima hanyen bu kan bi.

NINDAT KEP TUHAN NICUKTI NYA 18:20

Noro gino nabi gom brim ningkek kep mben Israel bitri tut nonti ningon kanti biyok tirigi disok dihyet tut ditde nicuk yokti nya ei noni dip bi lene ma noni tug ndei hukum nimai drek dip nide sisar dima. Nok gima cem tut nabi gom di tri tut nung di ikuk yok bak nya ighyet bak Ditde limwa nya suar mai hak.’

YOSUA 23:7

Gino jiyai igbit ditde nipingok jeti dima lene mijiket ei mben nya di igya ngkiem ei jikieti pimati bijingat nadi tug hon ide kwar nya inyeng bijeheng bitug hon kwar dima inyeng mijikuk je bak bijinggei sut ide kwar dima yok cem bi.

NINGAT-HI-NGAT NYA 18:2

Noni ba nihyet nindig bibor bahara “Noni cut tu! Minu ndig Babel di ninyeng jei cut tu! Ninnei rom nya kin ha di kinei-kinau di tungwatu nya ingon mpo tut nya hagom iteu ei nigkumti.

NINGAT-HI-NGAT NYA 19:20

No di bri bigwam kuda nitiei dip kat mindhe di niten-pos dima kin nide nabi nitrowai di bon mindur nya ei mindhe noho bei. (No dini ba nide mindur nya biris yo di igyai mindhe di niten-pos de nitak bukti kin yok kin yo di ikuk yok bak nide kwar.) No di bri bigwam kuda nitiei dip com mindhe di niten-pos kin nabi nitrowai tut igyaisi ug ei muk hum belerang di cig-cai.