ZAKHARIA 12:8 - ALLAH NIHYET MEM TUNGWATU NYA

⁸ Njap dima dem ne midinyohou timiei minu ndig Yerusalem nya ba, yo di inghuisi jet bibor di ibong ikieti nya igyai nisindemti noyam kin Daud de nisindemti. Yo di intun Daud him mikrau inda bibie tut yok dem kep nok Ditde malaikati nibie tut yokti ba, dem kep nok dikrau inda bidibie tut yok.

ZAKHARIA 12:8 ပူးပေါင်းရင်းမြစ်များ

MAZMUR 8:5

lene dihig dingon “Tungwatu dima lene mindei rin i? Nggon rino akan kep yoni i? Ahig angon ei yokti ba, anyohou yok tut nggon i?”

MAZMUR 82:6

Da di Allah Di Dinyeng Jei dipai bije bipia jeni ne awak di dipai tes nya rin ba, jinok dimunggwom bat nya.

NEHEI LEUSI 14:19

Lene Allah de malaikati di bie tut mben Israel ngkwei biya abia kep yok. Gima ne cou bumbuhui pima ngkwei biya abia kep yok bu.

NEHEI LEUSI 33:2

Midipinak malaikati gom bibie tut je leu api midijji mben Kanaan kin mben Amori kin mben Het kin mben Feris kin mben Hewi kin mben Yebus yahagom bingwig leu minu dima.

YESAYA 30:26

Bed mmun cem micom nimig bidem kep nok mpia njap di com nimig. Mpia njap mipiga kei mbimuhwindacan bram yam binjiriek leu nipiga kepti di piga ngan-ngan tu bidem kep nipigati ei njap muhwindacan bicom yam ei nok gom pimo. Mun dini yok hagom mipek kep mem je mpe dino tuhan ngot kep Nide limwa nya ibok di itug ndei nya ba, binjei mun di kei bak yoni.

YESAYA 31:4

Lene tuhan pai bida “Mbro nok gino gembala nya yahara bimbrua kep singa lo, bit bon ijji noni leu domba di ttem tu kan bi. Nok gima cem bit bon hi hara bimbrua kep Da di tuhan Di Disindem Bibor ei mpe dino diya srak ko hagau minu ndig Yerusalem kan bi.

YESAYA 33:24

Mpe dima lene tungwa hi minso tut ninggwen di hwen noni bu bi. Ba, tuhan mikos ser sisar hagom.

YESAYA 49:7

Allah di kwes-kwau di teu mben Israel leu sisar biyai niyaijo nijep biyok pai bak no di ngkiai nya yahagom ico kep di ingon mpo tut cem lene bipai bak no di nibou di yo di isindem nya yuubon nok ide awak cem “Nibou ndig nya mingig igyai kep ayai munti nya leu api yahagom mikiju bigya bikon anyenga. Yo di inyeng jei nya cem mingig igyai kep ayai munti nya leu api mikuk yok ei amig him.” Mun dini yok hagom mipek kep mem yok lewo tuhan dimig Nide awak ei su ba, mben Israel ide Allah di kwes-kwau ningon gom tut mun di Noni preu ei mem yok.

YESAYA 53:3

Nyeni ighyet kinei sut noni biyoom nye leu noni. Noni yai niwei kin nidut biborti. Tungwatu nya iba ingha bak noni ba, nyeni cem ingon llei sut noni bi.

YESAYA 63:9

leu mun di buhun di cut igkep yok hagom. tuhan cuk malaikati hi kin no di ya hacan hi ndam yok bi noro Nonti kwek yok lewo ngondut yok ba, ningon nggriu sut yok. Noni nyohou yok ei nimbie him kikau kwei bipek njap dima kep.

YEREMIA 27:10

Yo dima iris mun bije bibindei ba, siceu nya mikri je ug ei minu ting leu jitimieisi. Midijji je leu jide minu bidibindei ba, jisar.

HOSEA 1:7

Noro dingondut mben Yehuda kikau. Da di tuhan dinok ide Allah. Tirigi ikon pran bit ide siceu nya lene miditeu yok bingwes ngun leu yok lo, tug hon simeda kin tibor kin kuda pran kin tentara di ibri kuda nya bi.”

HOSEA 12:3

tuhan pai kep mben Yehuda drek dip ide munhyet. Noni mikes hukum ei Israel dip drek dip igyai munti nya ba, buhup biyok bit leu ide nibon munti di ibon nya.

HOSEA 3:5

Noro nijam di mben Israel ingkwei hanyen ndam tuhan di nok ide Allah kin ide nibou ndig di ntun Daud him cem mitau kep yok ei nidipti bu. Mpe dima lene yoni mittin tut tuhan bikuk yok biNoni leu api Noni minjei munkwas di kei bibor kei tut yok.

YOEL 3:10

Ma jitug jide ngkimom nitu di jiba sapi bikri mem jibiwim dihyei hagom binok singau simeda lene ma jiprin jide singau koi hagom binok tigtug cem. Ma no di ninghuisi jet brim ningkek bipai ‘Dikon pran kan noyam kin tentara di sindem!’

IMAM NYA IDE MIDYAI 26:8

Mijiyai nisindemti mem gima jibou muhwi he di jikon pran igkei jibindei timek ibou sratus gom. Lene mijiyai nisindemti mem gima jibou sratus gom di jikon mbrap igkei he jibindei timek ibou sribu simnai.

MIKHA 5:8

Mben Israel mibindei timek ide siceu nya bicok tut yahagom ningwig a.

MIKHA 7:16

Mben dihyeisi dini isindem bibor lo, yahagom mimmai sut yonti tirigi ingat mun di abibon mem nye bou igyai him. Ingon micut leu lene bit bon yahap iji bimbrap ba, imiap kep nihyet cem kan bi.

MIKHA 7:8

Ide siceu nya ipai mun mem ibisu tindei ingon di kei kep nye tut gi itimek bingwig bi. Mbro nok gino nyeni icut tu lo, jei bi ne ikiju hanyen bu. Nogindini ingat rin ei nidinditi noro tuhan mipiga digai nye bu.

ZAKHARIA 10:7

Mben Israel minok nikon pran cig di sindem bidem kep yo di iba ba anggur ngei di idut ba, ibiyai nillei. Yo di intun him yok nya ei nijam dini ug ei nijam di nidipti bu kikau mibbwe ser ide nibindei timek siceu nyati di diyai biyok dini bi. Igyai nillei drek dip Ditde nibon mun mem yokti.

ZAKHARIA 2:5

tuhan preu ei bipia Nonti ne hum di cig-cai di nok ngug tig di bikrop ttai minu ndig dima binyohou yok lene bigwam tut Nide nisindemti kin ninyeng di jei biborti hagom eisi.”

ZAKHARIA 9:14

tuhan mindo Nonti ei anai brei bak Nide limwa nya leu api Nide tibor di kri di kes nya noyam kin kigyei di srei. tuhan Di Ninyeng Jei Bibor mimiep pun mbrei pran bimbut nimig sindem bibor kwei dem kep nok sigau di kwei leu nite bei mpia nibiho.

ZAKHARIA 9:8

Midiya ser Ditde dihyei bidiggai ser nimpung tentara ngkiai nya di imbut di injiriek nya cem. Midisindui sut ba, nibou nya di ico kep Ditde limwa nya inyeng tak kep yok bu bi. Lewo dingat Ditde limwa nya inghuisi wei bou diyai him tu.”

MALEAKHI 3:1

tuhan Di Sindem Bibor buhup “Midicuk tungwagom di tri tut dihyet bibie leu binhyepo tin puig mem Da. Leu api tuhan di jipai bipia jingon mem kep ser dima mitau kros ei Nide Ig. No di dipinak di jipai bipia jinggei ngwig sut mikwei tri tut Ditde gi preu.”

MATIUS 1:23

“Sop gwam nitta pilei gom minghop rin ba, misrek tut munggwom nipinai gom leu api tungwatu nya mijem ninyeng Imanuel.” (Imanuel leu nihyet Ibrani gi ibijem bipia “Allah gwam bit nyeni”.)

ROMA 9:5

intun idigup bat-idigai bat nya him cem. Kristus di bon ningut noyam kin tungwatu nya ingut ntun yoni him ba, ninyeng jei dor njiriek nindigsi nya yahagom. Ma tungwatu nya inggei sut Allah bijo ninno bijo kikau! Igbit ri.

TIMOTIUS GI NIGOM 3:16

Bit bon tungwa hi tte tut ide niba ningon com Kristusti di nok mimun di mindur kan bi. Kristus luei nitta bindo Nonti nok tungwatu leu api Allah Ninnei ndo brei bipia Allah joi sut Kristus niyai munti nya leu api malaikati nya ingat Noni bou igyai him. Nide limwa nya itri tut Noni bak mben dihyeisi dini hagom leu api tungwatu nya bidem dihyei nisurti-nipekti hagom iba ingon com Noni leu api Allah kon Noni hanyen ug ei gwamti.

IBRANI 11:34

imu kep hum di sror cem ingwes ngun leu singau simeda ninggwenti cem inghuisi jet noro igyai nisindemti di mindur cem inok nihwen mun cig ba, ikon pran bit tentara ngkiai nya bibindei ba, icut biyok.

YOSUA 23:10

Dem mem gima jide tentara gom ngat sindem mem gima bindei timek jide siceu nya ibou sribu gom. Lewo jide tuhan Allah hati tut jeni bikon pran bit yok bit leu Nide nipreu kep jeti.

NINGAT-HI-NGAT NYA 22:13

Dani ne nimbie him kin nohon keti cem rin ba, Dingat rin ei nitriti kin ningwigsi.”

NINGAT-HI-NGAT NYA 22:16

“Da di Yesus dipinak Ditde malaikati leu binhyepo noni hwou tri tut mun dini yok hagom ei mbusyameisi nya. Dintun Daud de keret him. Dani ne singmur mpia priti di njeng kei ri.”