ZAKHARIA 12:5 - ALLAH NIHYET MEM TUNGWATU NYA

⁵ Leu api keret Yehuda de nintun him yamti nya mikan ‘tuhan Di Ninyeng Jei Bibor yai nisindemti bak Nide limwa nya di ibong ei minu ndig Yerusalem.’

ZAKHARIA 12:5 ပူးပေါင်းရင်းမြစ်များ

MAZMUR 144:1

Doia Daud. Ma jikon tuhan di ya srak ko hagau da ninyenga! Noni pingok da tut nihwen munti bingginau da tut nikon pranti.

MAZMUR 18:32

Lewo tuhan Nongkom he rino Allah. Allah Nongkom he rino ya srak ko hagau nyeni.

MAZMUR 18:39

Diba yo bihwen mpia ba, igikiju hanyen bu kan bi. Bit bon igyai ideti bi ba, itti bimai ei dimig him.

MAZMUR 46:1

Nimpung Korah ide doia mem no di bie tut doia nimpung. Iba doia Alamot bibrim.

YESAYA 1:10

Je di mben Yerusalem e, jide nibou nya kin jide limwa nya jahagom jinok mben Sodom kin Gomora. Ma jimiap mun di tibim ei nyeni ide Allah nuhui him. Ma jingig jitingou mem nipingok jeti.

YESAYA 1:23

Ade nibou nya yaham imbuk kep Da. Ihig isut bit ninggimang kep mun cig nya ba, ingon ya mem gima hi ngot kep yok. Ikou sut nimbrap gau moibihi nyati ei nikei noho bei ba, itingou nam ser kibom nya di yahara yok tut ide mun di buhun tak yok ighyet.

YESAYA 1:26

Midita nikei nya kin yo di ingon ki nya leu binhyepo inyeng tak kep je dem kep nok gi nipou po inyeng tak je habiei pima. Lene tungwatu nya mipai sut minu ndig Yerusalem bipia minu di ningon sren-srau ba, ningon gom cem ri.”

YESAYA 28:5

Tto bou midem leu api tuhan Di Sindem Bibor minok topi niba mitou binghau mem nide limwa nindigsi di ingwes ngun nya.

YESAYA 28:6

Noni mibindei ba, nikei nya iba ingon di sren bimbus tungwatu nya ingonti. Noni miyai nibrim ningkekti bak yo di igya ei ngug tig dip di itindei ser ide siceu nya ikweisi.

YESAYA 29:10

tuhan bindei bijiiman ba, jibong mai. Noni tak kep ser nabi nya igyai binggai kep yo di ingat ningat-hi-ngat iimaisi cem.

YESAYA 32:1

Jingat i! Ei nidipti bu ne nibou ndig di ningon gom ninyeng mitak kep ba, yo di igya kui noni mikrau kep ningon sren-srausi.

YESAYA 45:24

Yo dima mipai ‘Ningon kwesti kin nisindemti kwei leu tuhan Nongkom!’ Yo di ingon mpo tut Da mikwei ya ei Doho bei bimmai sut yonti.

YESAYA 60:17

Midipwoi mas kwei biluei ade ngkimom-tembaga bidiba perak biluei ade ngkimom nitu. Midiba ngkimom-tembaga biluei ade biei sra bidiba ngkimom nitu biluei ade tigya. Yo di inyeng tak kep na mico kep na bu bi noro iba ningon sren-srausi kin ningon di kwes kin yamti binyeng tak kep na.

YEREMIA 30:21

Nibou ndig di ninyeng tak kep je nimbier mikim je di mben Israel hanyen ba, nibou ndig di ninyeng jei mem je mikiju leu jenti jikieti. Gino dihig noni kwei lene mun nyeng hi mibigen ser noni tut gima son dideu Da bi. Lewo tou rino brim ningkek bikwei ngat Da gino dihig noni kwei bi i? Mpe dima lene jinok Ditde limwa nya bidinok jide Allah. Da di tuhan disimbot dat tu.”

YEREMIA 33:26

nok gima cem midikrau kep Ditde nipreu eisi mem yo di intun Yakub him kin Ditde awak di Daud bijo kikau. Didimig tungwagom leu yo di intun Daud him sindam ba, ninyeng mitak kep yo di intun Abraham kin Ishak kin Yakub him. Midingondut Ditde limwa nya bidibindei ba, ibong kei igwam kei hanyen bu.”

YOEL 3:16

tuhan ba niyau-yau nyenti bikwei leu Nide mbigdip di Sion. Nihyet di tibim kwei leu minu ndig Yerusalem noyam kin kru di nisu bong bibindei ba, dihyeisi kin mpia-bbed him ugwa-kwei. Noro Noni miya hacan mem Nide limwa nya biya srak ko hagau mben Israel.

ZAKHARIA 10:12

Midiyai nisindemti bak Ditde limwa nya ba, yoni mice tut bibit dihyet bikuk yok biDa cem.” tuhan simbot dat tu.

ZAKHARIA 10:6

“Midiyai nisindemti bak timiei minu Yehuda nya biditeu mben Israel bingwes ngun. Midibuwak yok hanyen kwei ei itimieisi lewo dingondut yok. Midimpu yok tereu nok mben dino dibikep ser yok bi sren nya. Dani ne ide tuhan Allah rin ba, diyok ditingou kep ide nadi hanyen bu.

ZAKHARIA 12:4

Njap dima dem ne dibindei ba, kuda nya hagom ibbwe-bbwe nyen ba, mirei bon tungwatu di igwam kuda nya dip cem. Midiya ser timiei minu Yehuda nya noro dibindei ba, kuda di siceu ide nya hagom igyai tu.

ZAKHARIA 12:6

Mpe dima lene dibindei ba, keret Yehuda de nintun him yamti nya idem kep hum di cut ei biei nindig kep hum di inju keyam ei kin hyem di ninjeng cig-cai di sror gandum nintam di len tu. Yoni mibindei sar mben di ibong ttai yok nya yahagom. Noro timiei minu ndig Yerusalem nya ibong nyahan ei ide minu ndig ninsi.

ZAKHARIA 14:14

Pinai nya di ingat rin ei minu Yehuda mikon pran gau minu ndig Yerusalem. Yoni mipos ngkiai nya di ibong ttai yok nya ide ndigban mas kin perak kin ide sinsun di jo-jo yam dip cem hagom nok ndigban nipos he nya.

NIJAM NIKEI NYA 5:9

Doom da ei mben Israel ide nibou pran nya di iba ingon di llei bibor binjei siceu yahagom yoho bei bidikon inyenga. Jikwei ba, inggei sut tuhan!