ZAKHARIA 12:4 - ALLAH NIHYET MEM TUNGWATU NYA

⁴ Njap dima dem ne dibindei ba, kuda nya hagom ibbwe-bbwe nyen ba, mirei bon tungwatu di igwam kuda nya dip cem. Midiya ser timiei minu Yehuda nya noro dibindei ba, kuda di siceu ide nya hagom igyai tu.

ZAKHARIA 12:4 ပူးပေါင်းရင်းမြစ်များ

NIBOU NDIG NYA GI NIGOM 8:29

Handei kon ba, ayok ayai kep Ade Ig dini mem mmun-njap lewo gini ne gumihyep di adimig ei mem Ade limwa nya ikuk yok biNa eisi ri. Handei kon ba, angig atingou mem dihyet tirigi diba doho rok Ade Ig dini bidingat nadi.

NIBOU NDIG NYA GI NICAN 6:14

Gima rino nibou ndig mben Siria cuk nide tentara di ibri kuda ba, ibri kroba pran cem imang bibor ug ei minu ndig dima. Yoni ikwei krau mem mmun leu api igyon ttai minu ndig.

NIBOU NDIG NYA GI NICAN 6:18

Tirigi tentara Siria sindi ihwen minu dima lene Elisa ngat nadi bipai “tuhan e, ma abindei ba, tentara dima yok yahagom igyai tu!” Lene tuhan buhup nihyet bibindei ba, yahagom igyai tu.

NIBOHON MBEN ISRAEL GI NICAN 6:20

Handei kon ba, ayok ayai kep ig di adimig ei nok gumihyep di nikuk nye bak Nani eisi dini bikwop mmun-njap. Mpe dino dani kin ditde limwa nya nikwei coi ig dini ba, ningat nadi bak Nani lene handei kon ba, Na di agwam gwamti angig atingou mem nyende nadi di ningat bak Nani. Lene ma akos ser ditde sisar kin Ade limwa mben Israel ide sisar di nibon nya.

NIBOHON MBEN ISRAEL GI NICAN 6:40

Ditde Allah e, nogindini ma ayok ayai kep nye ba, amiap kep nyende nadi di ningat bak Nani ei gumihyep dini.

NIBOHON MBEN ISRAEL GI NICAN 7:15

Midiyok diyai kep Ditde ig dini kikau lene ditin ei mem gima dimiap kep nadi di ingat biDa ei gumihyep dini hagom.

NEHEMIA 1:6

tuhan e, ma angig ayai kep da ba, angig atingou mem dihyet tirigi dingat nadi tindei Ade limwa di mben Israel bikwop mmun-njap. Dipai jit bipia nye di mben Israel nibon sisar tu. Dani kin didigup bat-didigai bat nya nahagom nibon sisar tu.

YESAYA 24:21

Mpe dima lene tuhan mikes hukum ei nisindemti di ingat rin ei mpia-bbed him nya kin nibou ndig dihyeisi dini nya dip.

YESAYA 37:17

tuhan e, ma amian huk mun di cut igkep nye ba, angig atingou mem Sanherib nihyet di wer mpiahi tut Na di Allah Di Ayaijo dini.

YEREMIA 24:6

Midiya ser yok ba, dibuwak yok hanyen kwei ei itimieisi dini yo. Midiwin kep ingonti lene dinggek yok bi. Midita yok lene dohom yok bi.

YEHEZKIEL 38:4

Midipingok ninghwak him leu lene midiba nikoisi nya bisrou niji a. Ba, dibikri noni behei sut nide nimpung tentara nya cem. Nide nimpung tentara di ibri kuda kan di ijuk sinsun di noyam dima imang bibor ba, yahagom ittei ide mun di ibipukep tibor ninggwenti nya kin singau simeda cem.

YEHEZKIEL 39:20

Inghop mimpung tut kuda kin tungwatu di ibri kuda dima kin yo di mimbri kui ingkek tut nikon pran nya ei Ditde meja. Da di tuhan Di Dinyeng Jei Bibor disimbot dat tu.”

DANIEL 9:18

Allah e, ma amiap kep nyeni nihyet. Ayok ayai kep mun di buhun di cut igkep nye kin Ade minu ndig di ibijem kin anyeng di nggek bingwig su. Ningat nadi bak Nani drek dip niyai munti di kei bibor nya bi. Noro ningat nadi lewo angon nggriu sut nye.

ZAKHARIA 10:5

Timiei minu Yehuda miyoom kep ide siceu nya dem kep nok nikon mbrap cig nya di ico kep ide siceu nya ba, ide siceu nya idem kep igkrop kak puig sinon. Yoni mibindei timek siceu nya bitut tentara nibri kuda cig nya yahagom lewo Da di tuhan dimpu yok.

ZAKHARIA 12:11

Njap dima ne nipim nggruet di kiju bibor ei minu ndig Yerusalem noyam kin nipim nggruet ei hanjop Hadad-Rimon ei Mbang Briep Megido.

ZAKHARIA 12:3

Noro tirigi njap dima dem ne dibindei ba, minu ndig Yerusalem dem kep tig di buhun bibor. Mben di ijo leu tirima-tirima di ibingon mem gima ikon tig dima miyuum mun di buhun drek dip. Mben dihyeisi dini hagom mibicom yam ba, injei bihwen bit minu ndig Yerusalem.

ZAKHARIA 12:5

Leu api keret Yehuda de nintun him yamti nya mikan ‘tuhan Di Ninyeng Jei Bibor yai nisindemti bak Nide limwa nya di ibong ei minu ndig Yerusalem.’

ZAKHARIA 12:6

Mpe dima lene dibindei ba, keret Yehuda de nintun him yamti nya idem kep hum di cut ei biei nindig kep hum di inju keyam ei kin hyem di ninjeng cig-cai di sror gandum nintam di len tu. Yoni mibindei sar mben di ibong ttai yok nya yahagom. Noro timiei minu ndig Yerusalem nya ibong nyahan ei ide minu ndig ninsi.

ZAKHARIA 14:15

Nsuwer ajar di buhun bibor micut igkep kuda kin bagal kin unta kin keledai bitut mindhe di igya coi prak meng yati di iceu bat nya yohok mem yok nya hagom bingwig.

ZAKHARIA 9:8

Midiya ser Ditde dihyei bidiggai ser nimpung tentara ngkiai nya di imbut di injiriek nya cem. Midisindui sut ba, nibou nya di ico kep Ditde limwa nya inyeng tak kep yok bu bi. Lewo dingat Ditde limwa nya inghuisi wei bou diyai him tu.”

KISAH 17:30

Allah ba niyai ngat nijam ndi po tungwatu nya ingon mbum pima. Noro tini bu ne Noni cuk tungwatu nya ‘Ma yahagom ittin ser ide sisar bikiek ndam Allah hak.’

NINDAT KEP TUHAN NICUKTI NYA 28:28

tuhan mibindei ba, mirei kibou je ba, jiyai tu bijingon tai-tai bou cem.