ZAKHARIA 12:3 - ALLAH NIHYET MEM TUNGWATU NYA

³ Noro tirigi njap dima dem ne dibindei ba, minu ndig Yerusalem dem kep tig di buhun bibor. Mben di ijo leu tirima-tirima di ibingon mem gima ikon tig dima miyuum mun di buhun drek dip. Mben dihyeisi dini hagom mibicom yam ba, injei bihwen bit minu ndig Yerusalem.

ZAKHARIA 12:3 ပူးပေါင်းရင်းမြစ်များ

YESAYA 60:12

Noro ngkiai nya kin ide nibou nya di ikuk yok bina bi mitimek bingwig.

OBAJA 1:18

Ditde limwa di mben Israel tereu nok hum di yem yo di intun Esau him bitimek bingwig noyam kin hum di yem gandum ntam ei miaisi bingwig. Yo di intun Esau him hi di ningwes ngun bi sren. Da di tuhan disimbot dat tu!

MIKHA 5:8

Mben Israel mibindei timek ide siceu nya bicok tut yahagom ningwig a.

HABAKUK 2:17

Jiwim baham tindurti ei Libanon tu. Gima rino tungwatu nya miwim jeni drek dip. Jibui mindhe-ndhe nya ei bahamti dima bingwig su. Gima rino mindhe-ndhe nya mibindei ba, jingon ttin nindig bibor. Mun dini yok hagom micut igkep je drek dip gi jihwen mun bijimbuk tut minu dima yok bitut ide minu ndig nya kin timiei minu ndig dima yok.

ZEFANYA 3:19

Tto bou mem gima dibindei timek jide siceu nya di ico kep je dideu su. Miditeu yo di imig lit nya bidibuwak yo di isima ei ingkiaisi nya hanyen kwei. Dibindei ba, inyeng di jei luei inyeng di kinei. Tungwatu nya bidem dihyei nisurti-nipekti mikon inyeng binggei sut yok cem.

HAGAI 2:22

bidinjei ngkiai nya ide ninyeng tak kepti nya ba, dibindei timek ide nisindemti nya. Midibindei kiek ide kroba pran nya bitut yo di ibri bikrau nya ug ei dihyeisi. Kuda hagom mimai lene yo di ibri kuda nya yonti mitot yam bingwig.

ZAKHARIA 12:11

Njap dima ne nipim nggruet di kiju bibor ei minu ndig Yerusalem noyam kin nipim nggruet ei hanjop Hadad-Rimon ei Mbang Briep Megido.

ZAKHARIA 12:4

Njap dima dem ne dibindei ba, kuda nya hagom ibbwe-bbwe nyen ba, mirei bon tungwatu di igwam kuda nya dip cem. Midiya ser timiei minu Yehuda nya noro dibindei ba, kuda di siceu ide nya hagom igyai tu.

ZAKHARIA 12:6

Mpe dima lene dibindei ba, keret Yehuda de nintun him yamti nya idem kep hum di cut ei biei nindig kep hum di inju keyam ei kin hyem di ninjeng cig-cai di sror gandum nintam di len tu. Yoni mibindei sar mben di ibong ttai yok nya yahagom. Noro timiei minu ndig Yerusalem nya ibong nyahan ei ide minu ndig ninsi.

ZAKHARIA 13:1

tuhan Di Ninyeng Jei Bibor pai “Njap dima dem ne minyei yaisi gom mibiam mem gima piap yo di intun Daud him kin timiei minu ndig Yerusalem nya leu ide sisar kin nikuk no bak kwarti di ibon kep tu nya.

ZAKHARIA 14:13

Njap dima dem ne tuhan mibindei ba, ngkiai dima yok ingon tai-tai bou bibor bittin bibor cem. Apino bikwop tungwagom-gom nitta tti bikat nisut di ya simiak bihwen noni.

ZAKHARIA 14:6

Njap dima dem ne hou kin biget es cut bu bi.

MATIUS 21:44

No di ndrat tig dima minir wap bingwig ba, gino tig dima tot tungwagom lene mitam noni binem-nnai ri.]”

LUKAS 20:18

Bikwop no di ndrat tig dima minnirwap ba, gino tig dima tot noni lene mitam noni binem-nnai.”

NINGAT-HI-NGAT NYA 16:14

Mun dima ne ninnei rom nya di ibon mindur nya ri. Ninnei dini yuug ngat nibou ndig nya ei dihyei nisurti-nipekti binduk yok kwei mem nikon pranti ei Allah Di Sindem Bibor De Njap Nindig.