ZAKHARIA 12:12 - ALLAH NIHYET MEM TUNGWATU NYA

^12-14 Bikwop nimpung ig bei nsi di ibong ei minu dima ipim nggruet biyongkom. Nimpung ig bei nsi di intun Daud him ipim biyonti ba, nimpung ig bei nsi di intun Natan him ipim biyonti. Nimpung ig bei nsi di intun Lewi him ipim biyonti ba, nimpung ig bei nsi di intun Simei him ipim biyonti lene nimpung ig bei nsi nindigsi di igwam yo cem ipim biyonti. Lo, nimpung ig bei nsi hagom itnem bat nya ipim biyonti.”

ZAKHARIA 12:12 ပူးပေါင်းရင်းမြစ်များ

SAMUEL GI NICAN 12:1

Lene tuhan pinak Nabi Natan buug ngat Daud. Tirigi noni tau kep Daud lene pui sut nihyet nibiti ninda bak. Bipai “Mpe di gom lene ibou can ibong ei minu ttou nsi gom lo, igom nyeng tut mun nyeng mang bibor noro igom nuhui mbum bibor.

SAMUEL GI NICAN 5:14

Munggwom pinai di sop dini yok isrek tut bak Daud ei minu ndig Yerusalem inyeng rino Syamua kin Sobab kin Natan kin Salomo.

NEHEI LEUSI 12:30

Mpe dima lene Firaun kin yo di igya kui noni kin nide limwa nya yahagom idrui sut bikiju leu api yahagom ipim kui jei sut nimai nya. Lewo munggwom pinai mighumbou gom mai kep yok bikwop ei mben Mesir ide ig hagom.

YEREMIA 13:18

tuhan pai bida “Acuk nibou ndig kin nitnem ba, ijuk kwei leu ide nibou ndig de banggo mbrei lewo ide topi nibou ndig di kei bibor cut leu ibou nggramhim tu.

YEREMIA 3:21

Tungwatu nya imiap nihyet hwen yamti kin nihyet kui yamti ei nungug dip nya. Nihyet dima ne limwa mben Israel ighyet di ipim ba, yahara ser ri. Lewo yoni ibon sisar ba, ibbwe ser ide tuhan Allah tu.

YEREMIA 31:18

Dimiap Ditde limwa mben Israel tirigi iba ingon di buhun hara Da ‘tuhan e, nyeni ninoyam kin mindhe di hi pijuk bigyo noro apingok nyeni ningonti ba, nibit ahyet tu. Nogindini nitin ei mem ningkwei hanyen ndam Na. Gima rino nyende tuhan Allah e, ma aya um nye.

YEREMIA 4:28

Dihyeisi dini migwam ningon di nggukti ba, mpia-bbed him dindi-kai. tuhan mbrap tu ba, luei ningon kanti tut bi. Noni kos tut ei su ba, misujou nimig ceti gom cem bi.

YOEL 2:16

Ma jinduk tungwatu nya yahagom ei gom. Ma jihig andigpoi nya kin munggwom nya kin ningwoi-ngwoi nya yahagom kwei. Nok gima cem ma pinai wak cam nya kin sop wak cam nya yehei leu ide ig bei ba, idem yam.

ZAKHARIA 12:11

Njap dima ne nipim nggruet di kiju bibor ei minu ndig Yerusalem noyam kin nipim nggruet ei hanjop Hadad-Rimon ei Mbang Briep Megido.

ZAKHARIA 7:3

lene hi cuk yok bikwei hig ser imam nya kin nabi nya “No suar niyem njita mem nituti poi bi bikwop bed nimuhwi drek dip tuhan De Ig ninggekti bit leu nok nibon kikepti mem ari bingwam pimu kwei bijo kikau yo e?”

MATIUS 24:30

Gima ngwig leu lene Munggwom Tungwatu Nipmot nide bindo piga mpia-bbed him. Mpe dima ne tungwatu dihyeisi dini hagom ipim tirigi ingat lo, Munggwom Tungwatu Nipmot tau kwei sut Nide nisindemti kin Nide nikei-kau-keisi ei bumbuhuiti kwei.

LUKAS 3:31

Elyakim ntun Melea him ba, Melea ntun Mina him ba, Mina ntun Matata him ba, Matata ntun Natan him ba, Natan ntun Daud him ba,

KORINTUS GI NIGOM 7:5

Ma jicuon jenti leu yam tut gima jiyem njita tut yam au. Gino jice tut yam nipou ug e leu binhyepo juhuk nadi mem nituti poi lene nok. Gino juhuk nadi biput tu lene ma jikinyon ei niyem njita tut yamti hanyen. Tug hon nisinati dima lene jibindei bijimbres jenti leu Bilis nibingon jeti lewo joom kep jingut kanti nya kan bi.

NINGAT-HI-NGAT NYA 1:7

Jingat i! Noni mikwei ei bumbuhuiti kwei ri! Tungwatu nya yahagom bitut yo di idat Noni cem ingat Noni ei igyai him. Ba, tungwatu dihyeisi dini hagom iba nicot bipai sut nikweisi. Gini ne mun di mungkun ri! Igbit ri!