ZAKHARIA 11:8 - ALLAH NIHYET MEM TUNGWATU NYA

⁸ Lene dijji gembala ibou ninga pima ei ninsi bed gom. Lene nitri-nipek domba cig nya ibindei ba, ditde noom ningonti ngwig leu da drek dip gi ingon sibui sut da.

ZAKHARIA 11:8 ပူးပေါင်းရင်းမြစ်များ

NIBOU NDIG NYA GI NIGOM 11:25

Nibou Ndig Rezon cem ba nitok bak mben Israel mem nijam di Salomo niyaijo yo dima noyam kin Hadad cem ba, yok nisinsiou ei hanjop dimati.

MAZMUR 106:40

Gima rino tuhan niggati cig-cai kep yok ba, ningon him wei sut Nide limwa di ninyeng tak kep yok nya.

MAZMUR 5:5

Nani ne Allah di ajoi sut mun di kinei bibor bi ri. Asindui sut ba, yo di isibut nya ihwou um Nani cem bi.

MAZMUR 78:9

Keret Efraim di ikrau ide minggwen hampiap kin tibor nya ei inda him lo, inang leu ide siceu ei mpe di ikon pran bit yam.

YESAYA 49:7

Allah di kwes-kwau di teu mben Israel leu sisar biyai niyaijo nijep biyok pai bak no di ngkiai nya yahagom ico kep di ingon mpo tut cem lene bipai bak no di nibou di yo di isindem nya yuubon nok ide awak cem “Nibou ndig nya mingig igyai kep ayai munti nya leu api yahagom mikiju bigya bikon anyenga. Yo di inyeng jei nya cem mingig igyai kep ayai munti nya leu api mikuk yok ei amig him.” Mun dini yok hagom mipek kep mem yok lewo tuhan dimig Nide awak ei su ba, mben Israel ide Allah di kwes-kwau ningon gom tut mun di Noni preu ei mem yok.

YEREMIA 12:8

Lewo yaham imbuk kep Da noyam kin singa ei baham tindurti di yau-yau nyen binggok Da. Gima rino dingon mpo tut yok.

YEREMIA 14:21

Ma ayok ngon kep Ade nipreu ei mem nyeti ba, angwes om nye cem au. Ma aluei angonti tut apreu ei mem nyeti au. Ma angwes pri gau minu ndig Yerusalem au lewo Ade banggo mbrei di kei-kau-kei jo ei minu ndig dini.

YEREMIA 6:30

Hi mipai sut Ditde limwa nya bipia inok mumpiang perak nicom ei lewo Da di tuhan dicom yok tu.”

YEHEZKIEL 14:5

Kwar di ikuk yok bak dima mbres Ditde limwa nya ei minu ting leu Da tu. Noro mpaba dibuhupti dima bindei ba, Ditde limwa nya mingkwei hanyen ndam Da.”

YEHEZKIEL 16:45

Ningat ne apmem nipmisop rino nani. Ningon kinei sut nonti nijjep kin nimunggwom bat nya. Adat ade adig-ajoi nisop nya di ingon kinei sut ijjep bat nya kin imunggwom bat nyati. Nani kin ade adig-ajoi di inok minu ndig di jo ttai na nya ipmem rino mben Het lene icig rino mben Amori.

HOSEA 4:6

Ditde limwa nya cem ijoi sut Da bikuk yok biDa bi apino mun di buhun micut igkep yok. Je di imam nya cem jijoi sut bijikuk je biDa bi ba, jikou sut Ditde nipingok jeti. Gima rino midikou sut je leu api midisindui sut jipmot bat nya ba, inok Ditde imam nya bu bi.

HOSEA 5:7

Yoni ingon gom tut tuhan ba, imunggwom bat nya inok tuhan nimunggwom bat nya bi. Gima rino jei bi lene Noni bindei sar yahagom bitut ide minu hagom bitimek bingwig.

HOSEA 9:15

tuhan pai “Ikinyon ei ide nibon mun di kinei biborti ei minu ndig Gilgal. Dingon mpo tut yok ei sirigima drek dip ide nibon munti di kinei bibor ba, midijji yok leu Ditde minu dini bidingondut yok bu bi. Nibou di ide nya yahagom ihwen bit Da.

IMAM NYA IDE MIDYAI 26:11

Midibong ser Ditde Prak Meng di ningat rin ei jikieti. Lene midiba dingha bak jeni bihigom bi.

IMAM NYA IDE MIDYAI 26:30

Lene midicok tut mpia di jikuk je kikep bak mun di mipror yon eisi nya di jo bidem mbigdip nya ba, midinggek jide nimbar di jindig kep biei nggrai di ui-gwang kei kikep eisi ba, midicom jide nimai ngut nya ei jide kwar di tti tu pima yok dip cem. Midiba ningon him wei,

IMAM NYA IDE MIDYAI 26:44

Noro tirigi ingat rin ei ingkiaisi ei minu di ide siceu nya ide lene midikes yoni ei ba, midibindei sar yoni bingwig cem bi. Leu gino dibindei sar yok lene gima bindo bipia dibindei bitun gi preu di dipreu ei mem yok lo, Dani ne tuhan ide Allah ri.

LUKAS 12:50

Ninghuisi wei nindig bibor micut igkep Da ei nidipti bu bidingon buhun tut kikau bibou cut igkep Da bingwig ug e!

LUKAS 19:14

Noro timiei di leu nitimieisi ingon mpo tut noni. Gima rino isok ighyet ei ibou poi di ibram noni dip bram bipai ‘Nikou sut gima no dini ninyeng tak kep nye a.’

YOHANES 15:18

“Mpe dino tungwatu dihyeisi dini ingon mpo tut je lene ma jiyok ngon kep bipia ingon mpo tut Da bibie tu.

YOHANES 7:7

Bit bon tungwatu dihyeisi ingon mpo tut je kan bi. Noro ingon mpo tut Da drek dip gi dipai biyok bipia igyai munti nya kinei bibor.

NINDAT KEP TUHAN NICUKTI NYA 32:19

Tirigi tuhan ngat gini hagom tu lene ningon sibui sut yok leu api ba ningha bak imunggwom bat nya.

IBRANI 10:38

Ba, Ditde limwa di ingon sren nya migyai niyaijo lewo ingon gom tut Da. Noro dijoi sut Ditde limwa di ingkwei hanyen nya bi.”