ZAKHARIA 11:3 - ALLAH NIHYET MEM TUNGWATU NYA

³ Jimiap i! Nibou di inyeng tak kep nya rino ipim a! Lewo mun di inyeng tut di ibikon inyeng di jei nya sar tu! Jimiap i! Singa nya no igyau bidem bigbehei drek dip ibong kepti ei Minyei Yordan nyai di ngkiong bingwig leu yok tu.

ZAKHARIA 11:3 ပူးပေါင်းရင်းမြစ်များ

MAZMUR 22:21

Ateu da bidingwes ngun leu ditde siceu di ihwen da kin nsien di niten-pos dini yok.

YESAYA 5:29

Tentara di ide nya igyau-yau nyen bidem kep singa di sindi ttem mun di yem leu api briug binang tut ba, hi di mipas leu kan bi.

YESAYA 65:15

Yo di didimig yok ei su nya miba dinyeng bisigion je bipai “Nna ba tuhan Di Ninyeng Jei Bibor yai nimai bije noyam kin yo dima!” Noro midiyai ninyeng nijep bak yo di ibit Dihyet.

YEREMIA 2:15

Ide siceu nya inok singa di yau binggok yok bibindei ba, ide minu noyam kin iggum ndigsi. Ide minu nya timek bingwig bidem kep nok ha he bong.

YEREMIA 2:30

Dikes hukum ei je dip mikui-kausi he lewo tirigi disok kep je lene jingkek ndok. Jinok singa di yau-yau nyen ba, jihwen jide nabi nya bimai su.

YEREMIA 26:6

Gino jibit dihyet bi kikau lene midibibon tuhan De Ig dini noyam kin gi dibibon Silo leu api mben dihyeisi dini hagom miba minu dini ninyeng bibimbriom yam.”

YEREMIA 49:19

Midikwei ba, dibindei mben Edom binang kros leu itimieisi dima noyam kin singa di hei kwei leu baham tindurti ei Minyei Yordan nyai ba, kwei ndam minta nidumti di domba nya igyem kep minta eisi. Leu api mididimig nibou gom mem gima bie tut mben dima. Tou rima ibinai kin Dani i? Tou rima mimbri kui ningkek bibon munhyet bit Dani i? Nibou hi di sindem mem gima hwen bit Dani nonaha e?

YEREMIA 50:44

Da di tuhan midikwei bindei mben Babel binang leu ide minu ndig di ibong eisi nya kros hak ba, dinoyam kin singa di hei leu baham tigotti di jo dideu Minyei Yordan ba, kwei ndam minta nidumti di domba nya igyem kep minta eisi. Leu api mididimig nibou ndig gom ei mem gima ninyeng tak kep mben dima. Tou rima ibinai kin Dani i? Tou rima brim ningkek mem gima ba mbrap bit Dani i? Apo nibou hi di hwen bit Da ningat rinaha e?

YEREMIA 7:4

Ma jiba jingon com yo di iris igkei nya di ipai bije bipia jibong kei jigwam kei drek dip tuhan De Ig di jiwin ei mpia dini au. Lewo ipai bipia Igbit ri! Ig dini ne tuhan De Ig ri!’

YEHEZKIEL 19:2

“Jipmem dem kep singa niwek di mipbor ngat dor njiriek singa nindigsi nya hagom. Noni bindei mahan nimien bat nya ei singa nikre di mimbri nya ikieti.

HOSEA 10:5

Timiei minu ndig Samaria nya ittin. Yoni kin imam di ide nya di igyai midyai mem kwar sapi di iba mas bibon ei Betel ingon ngguk bipim. Lewo ide kwar di ikuk yok bak ninyeng jeisi sar yon tu.

YOEL 1:13

Je di imam di jiya kui nimbar hum dok e, ma jijuk sinsun kron bijiyai nggwei kibor! Ma jicoi ug ei tuhan De Ig leu binhyepo jingon ngguk bibor mem mmun kikau binjap kep! Lewo gandum kin ba anggur ngei di jibikuk je bak jide Allah hi bu bi.

AMOS 8:8

Dihyeisi dini mugwa-kwei bibindei ba, tungwatu nya yahagom ingon buhun bibor. Dihyei mun brim bidem minu dini nisurti-nipekti ba, ninjek dip noyam kin Minyei Nil di ugwa-kwei.

ZEFANYA 1:10

tuhan pai “Ei njap dima mijimiap yo di ipim nggruet ei Dimbou Pmem Wau nuhui kin yo di ipim kui jei di tibim kwei leu hanjop nijep ei minu ndig kin ig di lus bibor nya nibimbiti di tibim kwei leu nungug tou nya.

ZEFANYA 3:11

Ditde limwa jen e, dem tut gima jingkek kan nimmai ei njap dima drek dip gi jikiek jimig jou tut da bi. Midijji bikwop ngkiai nya di illei-lau kin yo di ingon jei nya bingwig ug. Noro tut jeni ne mijaham jimbuk kep Da ei Ditde nungug di kwes bu bi.

ZEFANYA 3:3

Nibou di inyeng jei ei minu ndig dima idem kep singa di yau-yau nyen. Nikei nya idem kep serigala di nggum. Iduhwen bibor apino igibet ndia njum gom bijo ei mem njap di hyep cem bi.

ZAKHARIA 11:2

Buom nitu nya e, ma jipim nggruet lewo buom di jei nya itti tu. Biei ubbu nya hagom tti tu. Biei ndig ngat di ya ei hanjop Basan e, ma jipim lewo hum cok tut bigbehei di dimbun nya titut yam bijjem hak tu.

ZAKHARIA 11:8

Lene dijji gembala ibou ninga pima ei ninsi bed gom. Lene nitri-nipek domba cig nya ibindei ba, ditde noom ningonti ngwig leu da drek dip gi ingon sibui sut da.

MATIUS 15:14

Nok ug e. Ma jingon pri tut yok au. Lewo iba igyai di tu bibie tut yo di igyai tu nya. Gino no di niyai tu cen hiter di niyai tu lene mporo yahacem icut ei jui nsi ug ri.”

KISAH 7:52

Jide pung di jintun him nya ihwen bit nabi yahagom ba, injiriek igom bi. Ihwen yo di igya hacan di Allah pinak yok kwei di itri tut Nide Awak di ningon sren-srau nikweisi nipou su. Njap gi pini jug jibakilak bijihwen Allah De Awak dima tu.