ZAKHARIA 11:12 - ALLAH NIHYET MEM TUNGWATU NYA

^12-13 Leu api dipai biyok “Gino jikan bipia dem mem gima jikwas dimuhup tut da ne jikwas tut da hak ug. Gi bi ne nna ug.” Gima rino ikwas mitiei njep ningot ningai he tut da binok dimuhup leu api tuhan pai bida “Ma abindei coi mitiei dima ei bangdopti ei Ditde Ig hak ug.” Gima rino dibindei coi mitiei njep ningot ningai dima ei bangdopti. Mun di ikwas tut da bindo tut ide nibou cut bidati ug ei nok gi ndima!

ZAKHARIA 11:12 ပူးပေါင်းရင်းမြစ်များ

NITRITI 23:16

Lene Abraham ce tut nibok ba, nyohou kwop mitiei nitig nimangti bit leu nok Efron nipaisi ei yahagom yoho bei. Ba, nimangti ug ei mitiei nitig sratus bitai bit leu nok nitri-nibipek mun cig ide mitiei nibuhunti.

NITRITI 37:28

Tirigi mben Midian dima imbut hammiyai yok lene Yusuf nikindig bat nya ibrim noni hanyen leu jui nsi bitri noni bak yo di intun Ismael him pima bibipek mitiei perak ningot can. Lene yo dima ibuwak Yusuf biyuug sut ug ei minu Mesir.

NIBOU NDIG NYA GI NIGOM 21:2

Mpe di gom lene Ahab ug pai bak Nabot “Ma akwas ade ba anggur nghousi dima tut da leu binhyepo diyai miai eisi lewo jo dideu ditde ig. Gino ace tut lene midiba ba anggur nghousi hiter di kei bibor kei biluei ade ba anggur nghousi dima. Gi bi lene midiba mitiei di dem bipek leu nani hak ug.”

NIBOU NDIG NYA GI NIGOM 5:6

Na di Andigpoi akan tut bipia dibon ditde limwa nya di iwim biei kan noyam kin na di Andigpoi ade limwa nya hi bi. Gima rino ma apinak ade limwa nya ug ei Libanon leu binhyepo iwim buom nya ei sirima. Ditde limwa nya mimpu yok. Lene ma apai igbit ade limwa nya imuhup bida leu binhyepo dibirop hanyen biyok nok gi igbit.”

NEHEI LEUSI 21:32

Gino sapi dima ba nibou nggai bidat hiter de awak pinai hi awak sop hi lene sapi dima niceu ba perak nimangti nitig ningot ningai bigo nibuhup bak awak dima niceu lene jiba tig bihwen sapi dima bimai.

YEREMIA 32:9

Gima rino dikwop ditde mitiei perak bidiba nitig simnaimuhwidip brimigtehican bipek dihyei hanjop nsi dima leu noni dem igbit dihyei nibok a.

IMAM NYA IDE MIDYAI 27:4

jiba mitiei perak nitig ningot ningai bipek no di sop hanyen.

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

MATIUS 26:15

bihig ser yok “Gino dikes Yesus ei jindati lene mijiyai mitiei pig bida i?” Gima rino igyai mitiei di buhun nitig ningot ningai bak.

MATIUS 27:10

Lene iba mitiei dima bipek Hanjop Tukan Igtuyap. Tuhan pingok dingonti tut nihyet dima.

MATIUS 27:9

Gima hagom pek kep bit leu nok nabi Yeremia nipaisi “Igyai mitiei di buhun nitig ningot ningai ba, mitiei dima ne nimangti di mben Israel ice tut nok rindin mem Noni ri.”

YOHANES 13:2

Mmun tu rino Yesus yem njita bit yo di igya kui Noni. Bilis bindei ba, Yudas di Simon Iskariot nipmot kan-kan nyen tut nitri Yesusti.