ZAKHARIA 10:7 - ALLAH NIHYET MEM TUNGWATU NYA

⁷ Mben Israel minok nikon pran cig di sindem bidem kep yo di iba ba anggur ngei di idut ba, ibiyai nillei. Yo di intun him yok nya ei nijam dini ug ei nijam di nidipti bu kikau mibbwe ser ide nibindei timek siceu nyati di diyai biyok dini bi. Igyai nillei drek dip Ditde nibon mun mem yokti.

ZAKHARIA 10:7 ပူးပေါင်းရင်းမြစ်များ

NITRITI 18:19

Sidimig noni leu binhyepo noni micuk nimunggwom bat nya kin nide nintun him yamti di bram yam nya leu binhyepo ibit sihyet ba, igyai mun di igbit cem ingon sren cem. Gino igyai gima hagom nok lene misiyai bit leu nok gi sipreu ei mem noniti pima ri.”

NITRITI 43:34

Lene awak nya ikon njita leu Yusuf de meja dip bisu bak nikindig bat nya. Noro ikon njita nindig bibor bikum eisi mbimuhwi bisu bak Benyamin. Gima rino yahagom igyem njita ba, idut ba anggur ngei bit Yusuf bibou ndei yok ug e.

MAZMUR 102:28

Noro Nani ne noyam kikau ba, ayaijoti ug hon nohonti bi sren.

MAZMUR 104:15

ita ba anggur bidut ningei di bindei di ingon kei bibor. Ita biei zaitun bipot ningei di bindei bingon llei bibor. Igyai miai ba, ibiyai njita di igyem di biyai nisindemti biyok.

MAZMUR 13:5

Ma asindui sut ditde siceu nya bipai bipia ibindei timek da tu au. Ma asindui sut ba, ingon kei kep da bimbos-hi-mbos kep da au.

MAZMUR 28:7

tuhan ne No di nyohou da ba, ya srak ko hagau da ri. Diba dingon com Noni. Noni mpu da ba, bibon dingon nggei-hi-nggei. Gima rino diba doia nibipai sigyo binggei sut Noni.

MAZMUR 33:21

tuhan niyai munti nya bindei ba, nyeni ningon llei bibor. Niba ningon com Noni lewo Noni kwes-kwau kei.

MAZMUR 90:16

Ma asindui sut ba, Ade awak di nyeni ningat ayai munti di bibon ninggap leusi bou nyeni niyai him ba, nyende nintun him yamti di bram yam nya cem ingat Ade nisindemti di mindur brei bou igyai him.

YESAYA 25:9

Mpe dima lene tungwatu yahagom mitri tut biyam “Noni ne ide Allah ningat-ngat ri. Miba ingon com Noni leu api Noni teu nye bingwes ngun. Noni ne tuhan ri. Miba ingon com Noni. Jikwei ba, iba ingon di nggei-hi-nggei bimbos-hi-mbos lewo Noni teu nyeni bingwes ngun tu.”

YESAYA 38:19

Yo di igyaijo nya he rino ikon anyeng bit leu nok gi dikon anyeng mem njap di ammani. tuhan e, ndigpoi nya ipui sut Ade ningon gom biborti bak imunggwom bat nya.

YESAYA 54:13

Ade limwa nya yahagom minok munggwom di icoi pikor leu api dingginau yok. Yoni minyeng tut mun di bindei ba, ibong kei igwam kei.

YESAYA 66:14

Tirigi mun dima pek kep mem jeni ne mijingon nggei-hi-nggei ba, jinghuisi sindem cem kwes cem ba, jidem kep minta di nimeng ngun-ngau kei. Leu api Ditde nisindemti mimpung ei Ditde awak nyati noro Ditde siceu nya mitug ndei Ditde nigga yoti.”

YEREMIA 32:39

Midibindei ba, ikos tut ingon kanti gom ngat. Ingon kanti gom ngat di ikos tut dima rino ibou cut bak Dani bijo ninno bijo kikau. Ide nikos tutti dima mibindei ba, mun di kei mipek kep mem yonti kin ide nintun him yamti di bram yam nya yo.

YEHEZKIEL 37:25

Yoni kin ide nintun him di bram yam nya mibong ser itimieisi di diyai bak Ditde awak di Yakub kin idigup bat-idigai bat nya di ibong ser nipou su bijo ninno bijo kikau. Nibou ndig di noyam kin Ditde awak di Daud ninyeng mitak kep yok kikau.

YOEL 2:23

Je di timiei minu ndig Sion e, ma jiyai nillei bijingon kei bibor kei lewo tuhan di nok jide Allah njei mun di kei nindig bibor bak jeni. Noni bindei ba, mpia but nok gi dem mem bed di biang mpia ngei ba, biget mbras kwei mem bed di biang hou kin es ba, biget but mem bed di biang mpia kwes hanyenti bit leu nok gi Noni kos tut mem je habiei ei nimbie him.

HABAKUK 3:18

midingon llei bibor kikau lewo Na di tuhan Allah ateu da bidingwes ngun.

ZEFANYA 3:14

Je di mben Israel e, ma jimbos-hi-mbos! Ma jipai doia! Timiei minu ndig Yerusalem e, ma jiba jingon titut yam biyai ningon nggei-hi-nggeisi!

ZAKHARIA 12:8

Njap dima dem ne midinyohou timiei minu ndig Yerusalem nya ba, yo di inghuisi jet bibor di ibong ikieti nya igyai nisindemti noyam kin Daud de nisindemti. Yo di intun Daud him mikrau inda bibie tut yok dem kep nok Ditde malaikati nibie tut yokti ba, dem kep nok dikrau inda bidibie tut yok.

ZAKHARIA 9:15

tuhan Di Sindem Bibor miya srak ko hagau Nide limwa nya bibindei ba, ihwen bitimek ide siceu nya yahagom. Tirigi ikon pran bit ide siceu nya ne ighyet misra tut pran noyam kin yo di pes pu yok. Ide siceu nya inggrom silipti ingkek noyam kin ninggrom midut di imam nya isiber ug ei nimbar hum dokti nisiliptiti.

ZAKHARIA 9:17

Igbit ri! tuhan de dihyei mikei bibor kei ei nidipti. Igbit ri! Dihyei di kei bibor kei bidia-diau kei dima bindei ba, ba anggur kin gandum hei billei kei eisi. Gandum kin ba anggur ngei dima bindei ba, pinai pilei nya kin sop gwam nitta pilei nya ide nisindemti kum eisi bu.

LUKAS 1:47

Ba, dingwes yai nillei bibor drek dip Allah di teu da leu sisar biyai niyaijo nijep bida.

YOHANES 16:22

Nok gima tut jeni. Nogindini jingon buhun noro midikwei ngat je hanyen bu leu api mijiyai ningon llei biborti. Bit bon hi pos jide ningon llei biborti dima hanyen leu je kan bi.

KISAH 13:33

lene Noni bindei ba, mun dima pek kep mem nye di intun yoni him tirigi Noni win Yesus hanyen leu nimai eisi. Lewo Srat Mazmur pasar can pai ‘Nani ne Dipmot ri. Njap di ammani ne Dani dinok Acigya.’

KISAH 2:26

Gima rino dingon llei-llau ba, diba dingon nggei-hi-nggei bimbrap. Mbro nok gino dingut dini mipror yon lo, dingon mijo nyahan lewo diba dingon com Na tu.

KISAH 2:39

Lewo Allah nipreu eisi dima mem jeni kin yo di intun jeni him kin yo di minu ting nya cem bibikwop tungwa tou rino Tuhan di nok nyeni ide Allah mihig ndam Nonti.”

FILIPI 4:4

Handei kon ba, jingon llei bibor bikwop mmun-njap drek dip jide ninok gom kin Tuhanti. Ditigtai je mbigom kin bu “Ma jingon llei bibor!”

PETRUS GI NIGOM 1:8

Mbro nok gino jingat Noni bou jiyai him kwei bipek ammani kep bigyo lo, jingon ngakei Noni. Mbro nok gino jingat Noni bou jiyai him mem nijam dini bi lo, jingon jo kep Noni. Gima rino jingon llei lewo jingon nggei-hi-nngei bibor ba, bit bon jipai sut ei juhui him bi.

SAMUEL GI NIGOM 2:1

Lene Hana ngat nadi bipai, “Allah bindei ba, dingon llei bibor. Nide niyai munti nya bindei ba, dingon nggei-hi-nggei. Diba dingon di nggan-triot pa ndip ditde siceu nya lewo tuhan mpu da nijit tu.