ZAKHARIA 10:6 - ALLAH NIHYET MEM TUNGWATU NYA

⁶ “Midiyai nisindemti bak timiei minu Yehuda nya biditeu mben Israel bingwes ngun. Midibuwak yok hanyen kwei ei itimieisi lewo dingondut yok. Midimpu yok tereu nok mben dino dibikep ser yok bi sren nya. Dani ne ide tuhan Allah rin ba, diyok ditingou kep ide nadi hanyen bu.

ZAKHARIA 10:6 ပူးပေါင်းရင်းမြစ်များ

MAZMUR 89:21

Dittau kep Ditde awak di Daud bidikon ninyeng nok nibou ndig tug hon niyai midut nuhug mini ampou ei nibou nggram himti.

YESAYA 11:12

Noni mibindei kui kendera gom di nok mun di bindo tut gi Noni mibuwak mben Israel kin timiei Yehuda nya di intek gimahap di igya bidem dihyei nisurti-nipekti di ingkwei ba, iba yok bicom yam hanyen ri.

YESAYA 14:1

tuhan mingondut Nide limwa di mben Israel bidimig yok ei ba, inok Nide nya bu leu api mikes yok ei itimieisi hanyen ba, ngkiai nya mikwei bibicom yam bit yoni hanyen.

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YESAYA 54:4

Ma attin tut au. Hiter minim kep na ba, ningwes moom kep na bu bi. Angon miprion ser nijam di anok sop wak cam di nibou buwei kin nijam di apijet hon di angwes sigon.

YESAYA 54:8

Dinghek na lai-lai de drek dip dingon di sibui sut na nindig bibor noro midingon ngakei na bu bijo ninno bijo kikau.” Nihyet dima tibim kwei leu Allah di teu na ba, angwes ngun nuhui him tu.

YEREMIA 23:6

Mpe dino ninyeng tak kep ne timiei Yehuda kin mben Israel nya yahagom mibong kei migwam kei. No dima ninyeng rino ‘Ide tuhan Di Teu Nye Leu Sisar Biyai Niyaijo Nijep Binye.’

YEREMIA 3:18

Mben Israel mibicom yam bit timiei Yehuda nya ba, yahagom ingkwei hanyen leu ingkiaisi di jo nite bei mpia nijjai kwei. Yoni mingkwei hanyen kwei ei minu di diyai bak jidigup bat-jidigai bat nya nok dihyei ninda rom tu.”

YEREMIA 30:18

tuhan pai bu “Midingondut Ditde limwa di jeni. Midibindei ba, jibong kei jigwam kei ei jitimieisi hanyen. Mpe dima lene jiwin minu ndig Yerusalem hanyen bu lene jikinding ig nibou ndig nikineisi hanyen.

YEREMIA 30:20

Midibindei ba, mimbri kui jide ninyeng tak kepti nok gi nipou ba, jinok Ditde limwa di igya nddong kei nya hanyen. Midikes hukum ei yo di ico kep tungwatu nya yahagom dip.

YEREMIA 31:1

tuhan pai “Tto bou dem lene midinok tuhan mem mben Israel ide keret nya hagom leu api yoni inok Ditde limwa nya.

YEREMIA 31:20

Na di Israel e, anok dipmot di dingondut kin dingon kieti kin dingon him cem. Bikwop mpe dino dikon dihyet kep na lene diyok ngon kep na ba, dingon ya mem na. Midiba ningon nggriu bibon na.

YEREMIA 31:31

tuhan pai “Ei nidipti bu lene diyai gi preu nijep mem Ditde limwa mben Israel kin timiei Yehuda nya.

YEHEZKIEL 36:11

Midikum ei jide limwa kin jide mindhe-ndhe nyati ba, imang bibor dor njiriek nimangti ei nimbie him pima. Ba, ide nintun him yokti nya imang bibor. Midisindui sut ba, ibong nyahan ei minu dima noyam kin gi nipou hanyen. Midibindei ba, jiyemti kin jimati dem mem je dor njiriek gi juum nipou yo a. Apino yoni mikan tut bipia Dani ne tuhan ri.

YEHEZKIEL 36:37

Lene tuhan Di Ninyeng Jei Bibor pai “Je di mben Israel e, midisindui sut ba, jahara Da leu binhyepo dimpu je hanyen. Midibindei ba, jidigek kep mpia noyam kin domba nya di idigek bimang-mang.

YEHEZKIEL 37:16

“Na di tungwatu di ayaijo kikau bi e, ma ayai tom gom ba, apas eisi ‘Mben Yehuda inyeng di tak kep yonti.’ Lene ma ayai tom gom kin bu ba, apas eisi ‘Mben Israel inyeng di tak kep yonti.’

YEHEZKIEL 39:25

tuhan Di Ninyeng Jei Bibor pai “Noro tini bu ne midingondut Ditde limwa Israel di intun Yakub him. Midibindei ba, mun di isuar nya hagom midem mem yok. Dinyohou dinyeng tug hon nisinati dima leu binhyepo ikon dinyeng kikau.

HOSEA 1:11

Mben Yehuda kin Israel nya minok gom hanyen bu leu api yoni icom ighyet tut nibou ndig gom ngat di ninyeng tak kep yok. Leu api idigek kep mpia bibong kei igwam kei. Igbit ri! Njap Yizreel minok njap nindig!

HOSEA 1:7

Noro dingondut mben Yehuda kikau. Da di tuhan dinok ide Allah. Tirigi ikon pran bit ide siceu nya lene miditeu yok bingwes ngun leu yok lo, tug hon simeda kin tibor kin kuda pran kin tentara di ibri kuda nya bi.”

HOSEA 14:9

Mben Israel micom ide kwar di ikuk yok bak nya bingwig leu yok leu api dinyohou yok bidibuhup ide nadi. Midiya srak ko hagau yok noyam kin biai mbrei di bon nimbrinap di nggrou kei lewo Dani ne nibousi mem ide mun di kei nya hagom. Da di tuhan disimbot dat tu.”

HOSEA 2:23

Midita Ditde limwa nya ei ide minu leu api yoni mibong kei migwam kei eisi. Midindo brei bou igyai him bipia dingon ngakei yo di dijem inyeng ‘Yo Di Hi Ngondut Bi’ pima. Midipai sut yo di dijem inyeng ‘Ditde Limwa Bi’ pima inyeng ‘Jinok Ditde limwa nya.’ Leu api ibuhup ‘Nani ne nyende Allah ri.’ ”

OBAJA 1:18

Ditde limwa di mben Israel tereu nok hum di yem yo di intun Esau him bitimek bingwig noyam kin hum di yem gandum ntam ei miaisi bingwig. Yo di intun Esau him hi di ningwes ngun bi sren. Da di tuhan disimbot dat tu!

MIKHA 4:13

tuhan pai “Je di timiei minu ndig Yerusalem e, ma juug bijico kep jide siceu nya! Midibindei ba, mimbri kui jingkek dem kep nok sapi nikre di nibou nggai wer ngkimom nitu ba, ninjou wer ngkimom-tembaga. Mijibindei timek mben imang bibor bingwig leu api jikon ide ndigban kin mitiei di iba imbuk bipos leu siceu nya hagom hanyen kwei bijinjei bak Da di tuhan mem dihyeisi dini hagom.”

MIKHA 4:6

tuhan pai “Ei nidipti bu ne midinduk yo di dikes hukum ei yok dip kin yo di igyai inghuisi wei ei ingkiaisi yahagom kwei ei gom.

MIKHA 5:3

Mpe dino no di ninyeng jei dima kwei krau ne ninyeng mitak kep nide limwa nya tug hon nisindemti kin mimbri di kui ningkek di kwei leu tuhan di nide Allah Nongkom. Nide limwa nya ingon mijo nyahan lewo tungwatu dihyeisi dini hagom mikuk yok bak Nide ninyeng jeisi.

MIKHA 5:8

Mben Israel mibindei timek ide siceu nya bicok tut yahagom ningwig a.

MIKHA 7:16

Mben dihyeisi dini isindem bibor lo, yahagom mimmai sut yonti tirigi ingat mun di abibon mem nye bou igyai him. Ingon micut leu lene bit bon yahap iji bimbrap ba, imiap kep nihyet cem kan bi.

ZAKHARIA 1:16

Gima rino dingkwei hanyen kwei ei minu ndig Yerusalem mem gima dikos ser minu ndig dima nitunggweisi. Timiei minu ndig dima miwin Ditde Ig kin minu ndig Yerusalem hanyen leu api ibong kei igwam kei nok gi nipou hanyen bu.”

ZAKHARIA 10:12

Midiyai nisindemti bak Ditde limwa nya ba, yoni mice tut bibit dihyet bikuk yok biDa cem.” tuhan simbot dat tu.

ZAKHARIA 13:9

Timiei minu dini nittou nsi gom he rima ingwes ngun ug a. Ba, midibindei kwes yo dima noyam kin mas kin perak di iba hum bikwen di pimbai. Lene yoni ingat nadi biDa bidibuhup ighyet. Midipai biyok bipia yoni ne Ditde limwa nya rin ba yoni cem mipai jit bipia Dani ne ide tuhan Allah ri.”

ZAKHARIA 8:11

Noro tini bu ne dibibon Ditde limwa nya di ingwes ngun dini ter leu gi dibibon yo di nipou nya.

ZAKHARIA 9:16

Tirigi tto bou dima dem ne tuhan miteu Nide limwa nya ba, ingwes ngun noyam kin gembala di teu nide domba nya leu mindhe di ham yok. Leu api isieng piga ei tuhan de minu noyam kin tig permata ei topi di iba mas bibon.