ZAKHARIA 10:5 - ALLAH NIHYET MEM TUNGWATU NYA

⁵ Timiei minu Yehuda miyoom kep ide siceu nya dem kep nok nikon mbrap cig nya di ico kep ide siceu nya ba, ide siceu nya idem kep igkrop kak puig sinon. Yoni mibindei timek siceu nya bitut tentara nibri kuda cig nya yahagom lewo Da di tuhan dimpu yok.

ZAKHARIA 10:5 ပူးပေါင်းရင်းမြစ်များ

SAMUEL GI NICAN 22:43

Dihwen yok binem-nnai bidem kep dihyei ndung di kimba-kimba wai. Dico kep yok noyam kin gi dico kep igkrop di jo ei puigsi.

SAMUEL GI NICAN 22:8

Lene dihyei ugwa-kwei ba, mun brim apino nungug kiou nya kit ba, ugwa-kwei lewo Allah gga bibor!

NIBOU NDIG NYA GI NICAN 9:33

Lene Yehu pai biyok “Jikrau noni bijinjei ug ei dihyeisi.” Leu api injei Izebel leu anai ug ei dihyeisi. Lene Yehu bindei ba, nide kroba pran nimig co kep noni sindem bibindei ba, ninggrom di pio mpia rus ngug tig kin kuda nya di brim kroba pran nya.

MAZMUR 18:42

Yahara noro hi gimpu yok bi. Yahara tuhan noro Noni buhup ighyet bi.

MAZMUR 20:7

Nogindini dikan tut bipia tuhan yai nisindemti bak Nide nibou ndig di Nonti dimig ei su leu binhyepo bindei timek nide siceu nya. tuhan gwam ei Nide mpia di kwes-kwau ei gwamti bibuhup nibou ndig nihyet. Nibou ndig ba tuhan de nisindemti bibindei timek nide siceu nya.

MAZMUR 33:16

Nibou ndig bindei timek nide siceu nya bingwig tug hon nide tentara ide nisindemti bi. Bit bon nikon kep pran cig hwen nide siceu tug hon nide nisindemti cem bi.

MAZMUR 44:5

Nani ne ditde Nibou Ndig kin ditde Allah ri. Abindei ba, Ade limwa nya ibindei timek ide siceu nya.

MAZMUR 45:3

Nani aubbu ngat dor njiriek tungwatu nya yahagom ba, aji ngkiem ba, mpung tut mun di kei lewo Allah njei mun di kei bina ninno tu.

YESAYA 10:6

Dinduk mben Asyur mem gima ikwei hwen Ditde limwa nya di ingkwei hanyen leu ide niba ningon com Dati kin gi ibindei bidigga yok. Dinduk mben Asyur kwei mem gima ipos binggimang mun di Ditde limwa nya inyeng tut nya hagom bico kep yok nyen-nyen nok dihyei ndung di ico kep nyen kak puigsi.”

YESAYA 25:10

tuhan minyohou Nungug Sion noro mico kep minu Moab noyam kin gandum nintam di icom ug ei mimpiang bousi.

YESAYA 31:1

Yo di iba ingon com mben Mesir mem gima impu yok mitimek bingwig! Iba ingon com mben Mesir ide tentara nitu kin ide tentara di ibri kuda pran kin ide kuda pran di isindem kin ide kroba pran di sindem bibor. Noro iba ingon com tuhan di nok mben Israel ide Allah di kwes-kwau ba, yahara Noni mem gima mpu yok bi.

YESAYA 41:12

Gino jinggok ser yo di isrep tut je mijingat yok bi. Yo di ikon pran bit je pima tini bu ne itimek bingwig bipror leu su.

YESAYA 41:25

Didimig tungwagom di bong bei mpia nipriti ei su leu api dihig noni kwei leu mpia nijjai bikon pran. Noni mico kep nibou ndig nya noyam kin gi ico kep igkrop. Noni ne niba igtuyap bibon kep dibijig cig di co kep igtuyap ri.

YESAYA 8:9

Je di ngkiai nya e, ma jiba jingon di digit nduk yam ei gom! Je di jibong dihyei nohon keti nya e, ma jimiap kep dihyet! Ma jiba jingon di digit binjei siceu. Igbit ri! Ma jiba jinghuisi di mpig bibor binjei siceu.

YEHEZKIEL 38:15

Akiju ba, ambut leu abong kikepti di jo ting bibor ei nite bei mpia nijjai ba, aya tut tentara di nindig bibor di mipbor ngat ningkom. Yo dima ne nimpung tentara di ibri kuda kan di ikwei leu minu ngkiai nya hagom ri.

AMOS 2:15

Bit bon niprindei mun cig ya ngkiem ba, nidor sindem cig kin niba kuda binang cig ingwes ngun cem kan bi.

MIKHA 5:8

Mben Israel mibindei timek ide siceu nya bicok tut yahagom ningwig a.

MIKHA 7:10

Nipou ne ide siceu nya ingwes om kep nye bihig ser nye “Jide tuhan Allah No ritou i?” Noro tini bu ne yoni ingat mun di Noni bibon mem nye hagom bou igyai him leu api immai sut yonti. Nyeni mingat siceu nya di ibindei timek yok bico kep yok nok igkrop puigsi bou igyai him.

HAGAI 2:22

bidinjei ngkiai nya ide ninyeng tak kepti nya ba, dibindei timek ide nisindemti nya. Midibindei kiek ide kroba pran nya bitut yo di ibri bikrau nya ug ei dihyeisi. Kuda hagom mimai lene yo di ibri kuda nya yonti mitot yam bingwig.

ZAKHARIA 12:4

Njap dima dem ne dibindei ba, kuda nya hagom ibbwe-bbwe nyen ba, mirei bon tungwatu di igwam kuda nya dip cem. Midiya ser timiei minu Yehuda nya noro dibindei ba, kuda di siceu ide nya hagom igyai tu.

ZAKHARIA 12:8

Njap dima dem ne midinyohou timiei minu ndig Yerusalem nya ba, yo di inghuisi jet bibor di ibong ikieti nya igyai nisindemti noyam kin Daud de nisindemti. Yo di intun Daud him mikrau inda bibie tut yok dem kep nok Ditde malaikati nibie tut yokti ba, dem kep nok dikrau inda bidibie tut yok.

ZAKHARIA 14:13

Njap dima dem ne tuhan mibindei ba, ngkiai dima yok ingon tai-tai bou bibor bittin bibor cem. Apino bikwop tungwagom-gom nitta tti bikat nisut di ya simiak bihwen noni.

ZAKHARIA 14:3

Leu api tuhan mikiju bikon pran bit mben dima yok noyam kin gi kon pran bit yok ei nijam gi nipou cem.

ZAKHARIA 9:13

Midibindei ba, minu Yehuda dem kep nok hampiap di tentara di mimbri kui ningkek krau ei nindati. Midibindei ba, Israel dem kep nok tibor di ditin ei mem gima dibiprindei siceu nya. Midibindei ba, timiei nungug Sion idem kep nok singau simeda di dibimem dinghat tut bidibitot mben Yunani.”

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

MATIUS 4:3

Lene Bilis kwei pai biNoni “Gino Nani ne Allah Nipmot rin lene ma abindei tig dini yok nok roti.”

LUKAS 24:19

Yesus hig ser yok “Mindei rino pek kep i?” Lene ibuhup “Mun di cut igkep Yesus di nok nabi leu minu ndig Nazaret. Nihyet kin niyai munti nya sindem bibor ei Allah kin tungwatu nya yahagom igyai him.

KISAH 18:24

Mpe dima lene Apolos di mben Yahudi di nitimieisi leu minu ndig Aleksandria kwei ei minu ndig Efesus. No dini niji nghai ba, kan bidem tut Allah nihyet hagom.

KISAH 7:22

Guru nya ingginau kep Musa ba, noni yai ningon di ki tut mben Mesir igyai kepti nya hagom. Ba, yai ninyeng di jei tug hon nihyet buhun kin nisindemti cem.

KORINTUS GI NICAN 10:4

Niba minggwen di ntun dihyeisi dini him bikon pran bi. Noro niba Allah de minggwen di sindem bikon pran binibindei timek tentara nibousi di igya coi nya. Nibindei timek niba nihyet dahat yamti di nijit-jau bi nya ba,

NINDAT KEP TUHAN NICUKTI NYA 20:1

“Tirigino jinjei siceu bijihwen jide siceu nya, lene ma jidigit tut ide kroba pran kin ide kuda di mang-mang kin ide tentara di ikon pran kan nya di imangti dor njiriek jimangti au. Lewo jide tuhan Allah di kwek jeni leu minu Mesir mimpu je.

2 TIMOTIUS GI NICAN 4:17

Noro Tuhan ya kui da bisindem tut da leu binhyepo ditri tut Nihyet Di Kei titut yam ba, ngkiai nya yahagom imiap Nihyet Di Kei dima tu. Ba, Allah teu da bidingwes ngun leu yo di itin ei mem igyai nimai bida nya indati.

2 TIMOTIUS GI NICAN 4:7

Didor sindem bibor kak nipuig kikau ba, duug pek nipekti tu. Ba, dingon gom tut Kristus kikau kwei bipek ammani kep.

YOSUA 10:14

Njap di mindur hi nok gima pek kep mem tungwatu nya nipou ba, niabiati cem bi sren. Lewo njap dima ne tuhan bit tungwatu dihyeisi dini ingon kanti ba, Noni tti kin tentara Israel bimpu yok.

YOSUA 10:42

Yosua nya iba nikon pran sindam dima bibindei sar nibou ndig dima yok yahagom. Lene ibindei sar minu ndig di ide di inyeng tak kep nya cem leu api igyai bigyati. Lewo tuhan Allah Israel hati tut tentara Israel bikon pran tut yok.

NINGAT-HI-NGAT NYA 19:17

Leu api dingat malaikati gom di ya niyati ei mpia njap dip lene ba nihyet nindig bibor bijem kep ha di imba-mba nyen ei mpia-bbed him yahagom “Jinduk yam kwei mem Allah de pesta di nindig bibor o!

SAMUEL GI NIGOM 16:18

Tirigi noni pai nok lene nide awak gom pai cem “Isai di bong ei Betlehem yai nipmot gom di kek nggong mbrei igkei ba, no rinaha. Mimbri kui ningkek bikon pran kan. Noni ubbu bibor ba, ninghuisi kei bibor ba, mbrap kan cem lewo tuhan mpu noni kikau.”