ZAKHARIA 10:2 - ALLAH NIHYET MEM TUNGWATU NYA

² Tungwatu nya yahara kwar di ikuk yok bak nya kin yo di inda dut nya leu binhyepo imbot kep tut mun di mipek kep. Lo, nibuhupti di igyai leu yok nya igbit bi lewo isuglai nitu he. Bihi itri tut mumpriem nimbot kepti lo, nimbot kepti dima bindei ba, jisrawir. Ighyet di ibigwam ser jingon cem bon ninyeng bi. Gima rino limwa nya intek gimahap bidem kep nok domba di intek gimahap leu api mun di buhun cut igkep yok lewo igimbun ide gembala di bie tut yok bi.

ZAKHARIA 10:2 ပူးပေါင်းရင်းမြစ်များ

NITRITI 31:19

Mpe dima lene Laban ug kos nide domba nya inta leu ba, ningat rin bi. Nijam dima bon nituti kei bibor mem Rahel ba, noni ug yai kwar di Laban ba ningon com nya leu ig bei buug sut.

NIBOU NDIG NYA GI NIGOM 22:17

Lene Mikha buhup “Dikan huk tentara Israel di igya sinsiou bidem nungug tou nya ba, yahagom inok domba di ibon ide gembala hi bi. Allah pai sut yoni bipia yo dini ibon ide nibou di bie tut yok hi bi. Nna ba yahagom iba ingon di jo nyahan bintek gimahap bingkwei hanyen ug ei ide ig.”

AYUB 13:4

Lewo jiba niris mun biku jide ningon mbumti. Jidem kep dokter nitrowai nya di ibindei ba, hi kei hanyen bi.

AYUB 21:34

Noro tut jeni ne apo jiba jihyet di nok bu tan bigwam ser dingon bi e? Jiba niris munti bibuhup nitu he!”

YESAYA 41:29

Nijit ne kwar dima yok hagom bon ninyeng bi. Yahagom inok kwar di isindem bi di tungwatu nya ibon bou inda him. Yahagom inghuisi jet. Isindem mem gima ibon mun nyeng hi bi.”

YESAYA 44:25

Dibindei ba, yo di iko mun bibinggok tut ndiyok ingon mbum ba, diba yo di nung kui yok bikek. Dibigen ser yo di ingon ki nya ighyet bidikiek ingon di kimbo bidibindei ba, ingon mbum hanyen.

YESAYA 44:9

Neheu kep kwar cig nya yahagom ikinei-kinau ba, ide kwar di inggei sut nya hagom mikui-kausi he. Yo di ikuk yo bak kwar dima yahagom igyai tu ba, ingon mbum apino mimmai sut yonti.

YESAYA 46:5

Gino jikan huk Allah lene Noni noyam kin tou i? Jibinai Noni kin tou i?

YEREMIA 10:8

Yo dima yahagom ibbwe ba, ingon mbum cem. Lewo iba biei nitu bibon ide kwar di ngginau yok tut mun di bon ninyeng kan bi.

YEREMIA 14:13

Lene dipai “tuhan Di Ninyeng Jei Bibor e, akan tut bipia nabi nya ipai bak ide limwa nya bipia pran kin ninggum mihwen yok bi sren lewo apreu ei mem yok bipia ibong kei igwam kei kikau.”

YEREMIA 14:22

Bit bon ngkiai nya ide kwar nya ibindei ba, mpia but kan bi. Mpia-bbed him cem sindem mem gima bindei ba, biget mbras kwei ei dihyeisi dini bi. tuhan e, niyok ningon mem Nangkom. Nangkom he rino abindei ba, mun dima yok pek kep mem nye.

YEREMIA 23:17

Itri tut bak yo di ikou sut dihyet bipai ‘Dwai! Mijibong kei jigwam kei.’ Lene itri tut bak bikwop no di ningkek ndok bipai ‘Dwai! Mun di buhun bibor micut igkep na bi sren.’ ”

YEREMIA 23:32

Da di tuhan ditte tut nabi di itri tut ide mun di imumpriem nya di mpung tut mun di igbit bi. Iba ide mumpriem dima biris mun bak tungwatu nya. Iba ingon di jei bindei ba, Ditde limwa nya israwir. Dipinak nabi dima yok bi ba, impu Ditde limwa nya bi sren. Da di tuhan disimbot dat tu.”

YEREMIA 27:10

Yo dima iris mun bije bibindei ba, siceu nya mikri je ug ei minu ting leu jitimieisi. Midijji je leu jide minu bidibindei ba, jisar.

YEREMIA 27:14

Ma amiap kep nabi di icuon na leu gima aom nanti bak nibou ndig minu Babel bi nya ighyet au. Lewo nabi dima yok iris mun bak na di anyeng jei.

YEREMIA 27:9

Ma jimiap kep nabi nya kin tungwa hi dino cuon ser je leu binhyepo joom je bak mben Babel bi nya au. Mbro nok gino ipai sut yonti bipia igyai bindo tug hon mumpriem nya kin njungwes di ingat ei igyai him bi nya kin gi iba mimbrei biris mun bou jiyai him nya lo, ma jiyok ngon kep ighyet au.

YEREMIA 28:15

Dindat kep nihyet hagom bak Hananya leu api dipai bu “Hananya e, angig atingou mem dihyet! tuhan gipinak na kwei bi. Abindei ba, mben dini yok iba ingon com nihyet nisuglaisi he.

YEREMIA 29:8

Da di tuhan Di Disindem Bibor di Allah Israel disok kep je ba, jiyok ngon kep. Ma jisindui sut nabi di ibong srig jikieti ba, iris mun bije au. Nok gima cem tut nindigsi nya bu di ipai bije bipia bon itri tut mun di mipek kep mem je ei nidipti bu kan nya ighyet cem au. Ma jingig jitingou mem ide mumpriem nya di imbot kep tut bije cem au.

YEREMIA 37:19

Ade nabi nya di ipai bina bipia nibou ndig minu Babel mikon pran bit na di Andigpoi kin minu dini bu bi sren nya yuug ei siritou i?

YEREMIA 50:17

tuhan pai “Mben Israel idem kep nimpung domba di singa huk yok di bindei di intek gimahap a. Nibou ndig minu Asyur coi bihwen yok nimbie him ngat. Leu api Nebukadnezar di nok nibou ndig mem minu Babel kinam injum nya mien-mien.

YEREMIA 51:23

Diba nani bindei sar gembala nya kin mindhe-ndhe nimuhup tu nya kin yo di igyai miai kin sapi di ibikkin dihyei nya kin nibou di inyeng tak kep limwa nya kin nibou tentara di inyeng jei nya yahagom.”

YEREMIA 6:14

Yoni ingat Ditde limwa nya ibokti dima nok mun di buhun bi bipai biyok ‘Dwai. Hagom kei ba, jo nyahan.’ Noro ningat ne nok gima bi bibor.

YEREMIA 8:11

Yoni ingat Ditde limwa nya ibokti dima nok ibokti di mien he ba, ipai biyok ‘Dwai. Hagom kei ba, jo nyahan.’ Noro ningat ne nok gima bi sren.

NIBWOS-BWOS NYENTI 2:14

Mun di nabi nya itri tut bina ne niris munti kin nisuglaisi ningkom he rin o! Igindo ade sisar ei nibreisi bi sren o. Gima rino bitig dino agittin ser ade sisar bi ug o! Noro itri tut nihyet nisuglai di brim angonti he o!

YEHEZKIEL 21:21

Nibou ndig minu Babel kwei ya dideu biei sra di bindo puig cin dima leu binhyepo kan tut puig dima noni mbut kak a. Noni hara bak nide kwar di kuk no bak bindo igbit binoni lene bikrau nide tibor nya bikit-kit nyen cem ba, yok niyai kep mindhe di sindi ibui bibikuk yok bak ide nung nya nisingau a.

YEHEZKIEL 21:29

Ningat-hi-ngat di jingat dima ne ningat-hi-ngat di nitrowai rin lene jide nimbot kep tut mun di mipek kep ei nidipti bu cem nisuglai he rin ba, jiris mun nitu he. Jisibut bibor ba, jinjiriek dihyet cem. Tto bou mem jide hukum nicut igkep jeti dideu su. Singau simeda dima mikos jikimam.

YEHEZKIEL 34:5

Domba dima yok intek lewo ibon ide gembala hi bi ba, israwir leu api mindhe-ndhe di niten-pos nya yaham yok bingwig.

YEHEZKIEL 34:8

Deheng bitug hon Danti di Allah di diyaijo dinyeng bipia ma jiyok ngon kep dihyet! Mindhe-ndhe di niten-pos nya yaham domba nya ningwig lewo ibon ide gembala hi bi. Je di gembala jingkek ndok tut domba dima yok. Jehek tut jenti noro jehek tut jide domba nya bi.

HOSEA 3:4

Nok gima cem tut mben Israel. Suar ibet ingon wer ninno mem nijam di ibon ide nibou ndig kin no di bie tut yok ba, ibindei mbut ide midut nya cem bi. Ide cou tig di mindur nya kin ide kwar nya kin ide nung nya di imbot kep mimun tut nidipti bu biyok jo biyok bu bi cem.

MIKHA 2:12

tuhan pai bu “Je di mben Israel niken ndi jijo e, dipreu ei mem je bipia midimbus je hanyen kwei leu api jibicom yam nok gom noyam kin domba nya di ingkwei ei sar nsi hanyen. Jidigek kep mpia ei jitimieisi hanyen noyam kin abris nghousi di mpung tut domba nya.

HABAKUK 2:18

Kwar di tungwatu nya ibon bou inda him dima kei mem mindei i? Kwar dima ris tungwatu nya ei nikineisi. No di bon kwar bou ninda him ba ningon com kwar dima mikuisi lewo bit bon kwar dima buhup nihyet kan bi!

ZAKHARIA 11:17

Gembala di kinei di kes nimpung domba nya ei dima mitug ndei nisigion noti! Pran mibicut mimbri di kui ningkek hak. Ninda pang mijet bibor lene niyai nite bei ninda com mitu hak!”

MBEN ISRAEL IMBUT-MBUT NYEN 27:17

Ando igbit no di mibie tut yok kan ei mpe di ikon pran leu binhyepo Ade limwa nya minok domba di ibon ide gembala hi bi nya au.”

MATIUS 9:36

Noni mian ser tungwatu di inggreu bibor nya bingondut yok nindig bibor lewo inok domba nya di ibou ngwak sibui ba, inghuisi jet cem lewo ibon ide gembala bi.

MARKUS 6:34

Tirigi Yesus kinyon ei igpong nintig dip lene ngat tungwatu ningot ndig di idem yam ei dima leu api Noni ngondut yok lewo inok domba nya di ibon ide gembala hi bi. Gima rino Noni sindi ngginau yok tut mun nyeng mang bibor.

NINDAT KEP TUHAN NICUKTI NYA 13:2

ris je ndam gima jikuk je bak nung di jikan tut bi sren ba, jinok awak mem lene mbro nok gino mun di noni preu ei mem je dem igbit tu lo,

NIJAM NIKEI NYA 18:14

Lene ibou muhwi po yuug yok itta kep minu ndig Lais pima ipai bak isut bat nya “Jikan tut bipia kwar di iba perak binggai kin kwar hiter nya kin Efod gom no jo ei ig dini. Ma jikan-kan nyen tut leu api mibon ndei notou i?”