ZAKHARIA 10:12 - ALLAH NIHYET MEM TUNGWATU NYA

¹² Midiyai nisindemti bak Ditde limwa nya ba, yoni mice tut bibit dihyet bikuk yok biDa cem.” tuhan simbot dat tu.

ZAKHARIA 10:12 ပူးပေါင်းရင်းမြစ်များ

NITRITI 24:40

Lene noni buhup bida bipia tuhan di noni bit nihyet habiei kwei bipek ammani kep micuk Nide malaikati hi kin da leu binhyepo diyai hagom bit leu ningon kanti. Mporo midibuwak sop gom leu nide bat nya ikieti mem nipmot nok nitnem.

NITRITI 5:24

Henokh kin Allah ingon ce yam bi. Gima rino Allah teu noni tut niyaisi jo leu dihyeisi bipror bihigom hak.

YESAYA 2:5

Je di jintun Yakub him e, jikwei ba, imbut ei nipigati di kwei leu tuhan!

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YESAYA 45:24

Yo dima mipai ‘Ningon kwesti kin nisindemti kwei leu tuhan Nongkom!’ Yo di ingon mpo tut Da mikwei ya ei Doho bei bimmai sut yonti.

YEHEZKIEL 30:24

Leu api midibindei sindem nibou ndig minu Babel ninda pang leu api midikes Ditde singau simeda ei nindati. Noro mididahat nibou ndig minu Mesir ninda pang nya leu api noni mahara nidut-niwei bimai ei nide nitok di nibou ndig minu Babel noho bei.

MIKHA 4:5

Bikwop mben hagom ei dihyei njek dip dini ikuk yok bak ide kwar bibit kwar nihyet. Noro tut nyeni ne ikuk nye bak tuhan di nok ide Allah bibit nihyet bijo ninno bijo kikau.

ZAKHARIA 10:6

“Midiyai nisindemti bak timiei minu Yehuda nya biditeu mben Israel bingwes ngun. Midibuwak yok hanyen kwei ei itimieisi lewo dingondut yok. Midimpu yok tereu nok mben dino dibikep ser yok bi sren nya. Dani ne ide tuhan Allah rin ba, diyok ditingou kep ide nadi hanyen bu.

ZAKHARIA 12:5

Leu api keret Yehuda de nintun him yamti nya mikan ‘tuhan Di Ninyeng Jei Bibor yai nisindemti bak Nide limwa nya di ibong ei minu ndig Yerusalem.’

EFESUS 6:10

Dirop ninda ndigsi nok gini. Ma jisindui sut Tuhan ba Nide nisindemti di nindig bibor bibikum ei jide nisindemti lewo jinok gom kin Noni.

FILIPI 4:13

Kristus sindem tut da leu binhyepo diba nisindemti dima bikiek doho ndam mun di cut igkep da hagom.

KOLOSE 2:6

Jiya um Yesus Kristus bijita Noni nok Tuhan ei jingonti tu. Gima rino ma jiyai munti nya ntun jide ninok gom kin Noniti him.

KOLOSE 3:17

Tut jiyai munti nya kin jipai munti nya ne ma jiyai hagom tug hon Tuhan Yesus ninyenga. Ma jipai sigyo bak Icig Allah tut mun nyeng hagom di Yesus bibon mem je.

TESALONIKA GI NIGOM 2:12

Nibiwin kep jingonti ba, nigwam ser jingonti binibidip huk je leu binhyepo jide niyaijoti bindei ba, Allah joi sut je. Lewo Noni hig je leu binhyepo jinggre kin Ninyeng Tak Kepti kin Nide nikei-kau-keisi cem.

TESALONIKA GI NIGOM 4:1

Disut bat jen, ningat ne nindo bindo di kei bije tut notou jide niyaijoti bindei ba, Allah joi sut je. Jo nibreisi bipia jiyaijo nok gima tu. Nogindini nitigtai je binipingok jingonti tug hon nisindemti di kwei leu Tuhan Yesus leu binhyepo jibikum nut bu.

2 TIMOTIUS GI NICAN 2:1

He dipmot Timotius ug o! Suar ayai nisindemti tug hon Kristus Yesus di singat tut sa drek dip gi sinok gom kin Noni.