Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ZAKHARIA 10:11 - ALLAH NIHYET MEM TUNGWATU NYA

11 Tirigi isigon mun di nggruk tereu nok isigon muk ndigsi ne Da di tuhan midibui muk ngwa dip di roi leu api Minyei Pmem Nil pingge ug ei nijou bai bingak cai hak. Midicut mben Asyur di ingon jei nya inyeng bicut lene mben Mesir di mimbri kui ingkek nya ide nisindemti misar yon hak.

အခန်းကိုကြည့်ပါ။ ကော်ပီ




ZAKHARIA 10:11
25 ပူးပေါင်းရင်းမြစ်များ  

Noro Allah yok ngon kep Nuh bitut mindhe-ndhe di ingat rin bit noni ei kibar nsi. Gima rino Noni bindei ba, hou kui minyei ngwa dip bibindei minyei sindi sri hanyen.


Lene noni ba Elia de ban bibui minyei ngwa dip bipai “Elia de tuhan Allah No ritou i?” Lene ba ban dima bibui minyei ngwa dip mbigom kin bu bibindei ba, minyei bitun hacan leu yam leu api noni mbut ei minyei nipingge leusi buug ei nite dima ug.


Lene Elia juk nide ban binjui kok yam leu api ba ban dima bibui minyei ningwa dip bibindei ba, minyei bitun hacan leu yam leu api noni kin Elisa imbut ei minyei nipingge leusi biyuug ei nite dima ug.


Ibon pesta kep Njap Ndig Roti Dwoi Bi cem kikau mem ari nitindur gom. Yahagom ingon llei bibor lewo tuhan bindei ba, nibou ndig Mben Asyur ngondut yok bahati tut yok cem tirigi iwin tuhan De Ig mem mben Israel ide Allah.


Muk Lipig ngat Noni leu api nang. Minyei Pmem Yordan ntus ba, biam bi.


Muk ndigsi e, mindei rino bindei di anang i? Minyei Pmem Yordan e, mindei rino bindei di antus ba, abiam bi i?


Midibindei sar mben Asyur di ingat rin ei Ditde minu Israel. Lene midico kep yo di ingat rin ei Ditde nungug nya nyen-nyen. Midikwek Ditde limwa nya leu yo di ico kep yok nya inda nsi kin mun di buhun di mben Asyur ibidip huk yok di ibiang cem.


Njap ngon bou midem leu api mben Mesir minok sop di digit-digit wai kin sop di ttin-ttin wai. Mpe dino ingat tuhan Di Ninyeng Jei Bibor kon ninda mem gima kes hukum ei yok dip ne idigit-digoi lewo ittin.


Tirigi jisigon minyei di jut bibor ne midingat rin bit je. Mun di buhun di cut igkep je mikot je bijingwig bi. Tirigi jikimbas ug ei hum di cig-caiti ne hum mitigut je bi. Mun di bingon-bingon nyen je lene mibindei ba, jiyai niwei bi.


Dipai bak muk ngei “Ma asri ba, anok ningga biborti hak! Midibindei ba, ade minyei nggram nya pingge hanyen hak ug.”


Nani rino abindei di muk ndigsi di jut pingge hak ug a. Atin puig ei minyei nikieti leu binhyepo dem mem yo di ateu yok di ingwes ngun nya ikak biyuug dihip ei nite hi.


tuhan e, ma akiju ba, ampu nye. Aba Ade nisindemti biteu nye biningwes ngun hak ug. Ma akiju hanyen dem kep nok gi po akiju ei nijam gi nipou mpe di po abindei naga Rahab bindung ba, adat wou ndig krop di bong muk ndigsi di mai pima.


tuhan Di Ninyeng jei Bibor pai “Midiya kep kwar nya kin mun di yo dima ikuk yok bak ei minu ndig Memfis bitimek ningwig a. Minu Mesir mibon nibou ndig di ninyeng tak kep yok bu bi sren. Dibindei ba, timiei minu Mesir nya yahagom ittin bibor.


Gima leu api tuhan miba Nide nisindemti bihwen mben Asyur bitimek hak. Noni mibindei ba, minu ndig Niniwe nigkumti noyam kin mpia nintiti kin iggum ndigsi di ngoi bibor cem.


Malaikati gi nimuhwindagom ug siber mun di jo ei nide bokorti ug ei minyei ndig Efratti apino minyei dima hagom pingge leu lene bon ninggati mem nibou ndig nya di mikwei leu mpia nipriti imbut kak.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ