ZAKHARIA 10:1 - ALLAH NIHYET MEM TUNGWATU NYA

¹ tuhan rino ba bimbuhui di biang biget bibindei ba, biget but mbras. Biget dima bindei ba, njita kioi ei miaisi nya nnum kei ba, kei-kau mem nyeni. Gima rino ug cut nijam di biang mpia ngei ndung ningwigsi lene ma jahara tuhan biyai nok mpia but.

ZAKHARIA 10:1 ပူးပေါင်းရင်းမြစ်များ

YESAYA 44:3

Midisiber minyei ug ei dihyei ningga biborti leu api midibindei ba, minyei nya biam ei iggum ndigsi. Midiyai nisindemti bak jimunggwom bat nya ba, midinjei mun di kei bak jide nintun him yamti di bram yam nya.

YAKOBUS 5:7

Gima rino disut bat jen, ma jibet jingon mem Tuhan nikwei hanyenti. Dem kep nok no di ndim ningan di bet ningon kikau ba, njita len kep. Noni bet ningon mem bed di biang mpia di but kwei kin bed di biang bigeda.

YEHEZKIEL 36:37

Lene tuhan Di Ninyeng Jei Bibor pai “Je di mben Israel e, midisindui sut ba, jahara Da leu binhyepo dimpu je hanyen. Midibindei ba, jidigek kep mpia noyam kin domba nya di idigek bimang-mang.

YESAYA 30:23

Gino jigimahap ningan ne tuhan mipinak biget kwei leu binhyepo ningan dima hei ba, jibiyai ningat di mpung-pias hagau. Minta iggum ndigsi di ug ninno di nimeng ngun-ngau mijo mem jide mindhe-ndhe nimuhup tu di jihyen kep nya.

MAZMUR 65:9

Tungwatu nya di igya bidem dihyei nisurti-nipekti inggap leu tut Na tut mindur nya di abon tu. Yo di igya nite bei mpia nipriti kikau ug bipek mpia nikimbasti yahagom iba ingon di llei sut Ade mindur nya bimbos-hi-mbos.

NINDAT KEP TUHAN NICUKTI NYA 28:23

Biget mibut bi lene gima mibindei ba, jide dihyei ninjek dip mingkiem noyam kin ngkimom nitu.

YOHANES 16:23

Tirigi njap dima dem ne mijihig ser Da tut mun nyeng hi bu bi. Ma jiyok ngon kep bipia mindei rino jahara Dicig tut tug hon dinyeng lene Dicig mibirop hanyen bije.

MIKHA 5:7

Mben Israel di isima ei ingkiaisi minok mindhe singa di lus-lus nyen srig mindhe-ndhe bigbehei nya ikieti bisrig domba di igyem kep abris nggrup ei abris nghousi ikieti cem. Singa dima cut igkep domba dima yok ba, ham yok lene bibrig-brig nyen yok bingwig. Bit bon hi teu domba nya leu singa nuhui kan bi.

AMOS 4:7

Dani rino dipai ser di mpia but bi tirigi bed di biang mpia ngei pijuk jide njita kioi ei beisi nya. Dibindei ba, biget but ei minu ndig hi lene but ei minu ndig hiter bi. Mpia but ei beisi gom lo, beisi hiter bu mui bingwig.

HOSEA 10:12

Dipai ‘Mben Israel e, ma jiyai miai nijep mem jenti lene ma jindim ningan ningon srenti eisi. Ma jipuk ningat di kei di ntun him jide ningon di ngakei Dati di nijit a. Lewo njap dem mem gima jingkwei hanyen ndam Da di jide tuhan tu. Leu api midikwei bidinjei Ditde mun di kei bije.’

YEHEZKIEL 34:26

Midinjei mun di kei bak yoni bidisindui sut ba, ibong ttai Ditde mbigdip di kwes-kwau. Tirigi isuar biget ne midibindei ba, mpia but mem yok ei minu dip dima.

YEREMIA 14:22

Bit bon ngkiai nya ide kwar nya ibindei ba, mpia but kan bi. Mpia-bbed him cem sindem mem gima bindei ba, biget mbras kwei ei dihyeisi dini bi. tuhan e, niyok ningon mem Nangkom. Nangkom he rino abindei ba, mun dima yok pek kep mem nye.

YEREMIA 10:13

Noni ba nicukti he bibindei ba, minyei nibimbi bong ei niban di bikwas minyei leu yam ei mpia-bbed him. Noni bindei hei bumbuhui bikiju kwei leu dihyei nohon keti. Noni bindei hei kigyei cem ba, ninjeng srei bigetti leu api bipinak hou cem kwei leu nijo bou dip.

YESAYA 5:6

Disindui sut ba anggur dima ba, mintu-minta mijei gau hagom. Dipe nimeng bidohom minta leu bu bi. Noro disindui sut ba, cibou nggwen kin tigau nggwen ceu hagom. Dicuon ser bumbuhui nhyema kwei sut biget ba, but eisi bu bi.”

NIPINGOK NINGONTI 16:15

Nibou ndig ningon kwesti bindei ba, nide limwa nya ingon jo nyahan ba, noyam kin biget di but mem bed di biang mpia ngei.

MAZMUR 104:13

Apinak biget di but kwei leu mpia-bbed him ei nungug tou nyati lene abindei dihyei bimpung tut mun di kei nya.

YEREMIA 51:16

Noni ba nicukti he bibindei ba, minyei nibimbi bong ei niban di bikwas minyei leu yam ei mpia-bbed him nidip. Noni bindei hei bumbuhui bikiju kwei leu dihyei nohon keti. Noni bindei hei kigyei cem ba, ninjeng srei bigetti leu api bipinak hou cem kwei leu nijo habieisi.

NIBOU NDIG NYA GI NIGOM 17:1

Mpe di gom lene nabi Elia leu Tisbe ei hanjop Gilead ug pai bak Nibou Ndig Ahab “Andigpoi e, dinok awak mem mben Israel ide tuhan Allah di niyaijo. Dipai tug hon Nonti ninyeng bipia hon kep ammani kui lene mpia ngei ndung ba, nggou mipren leu dihyei ninjek dip kikau mem ari bingwam can ningai dini kui bibo danti dipai sut hanyen ug e.”

KORINTUS GI NIGOM 3:6

Da di Paulus dindim ningan leu api Apolos prok nikioi noro Allah ribindei di nikioi hei bijei bu.

HOSEA 6:3

Gima rino ma jikwei ba, ita ibou ei gi ingon jo kep Noni hanyen. Noni mittau kep nye hanyen noyam kin mpia di com mem njap tekti kin biget di but kwei ei dihyeisi dini mem bed di biang biget ningwigsi.”

MAZMUR 72:6

Asindui sut ba, nibou ndig ninyeng tak kepti noyam kin mpia di but kep miai nya kin biget di mbras kep susti.

AYUB 29:23

yahagom iba ingon di nggei-hi-nggei bicigit dihyet bit leu nok yo di igyai miai di igya um biget ei nijam di biget waisi mitou bibindei ba, hagom kieng.

MAZMUR 135:7

Noni bindei ba bumbuhui kwei leu dihyei nohon keti bibindei ba, kigyei ninjeng srei mem bed di biang biget leu api cuk hou behei leu mpia di kes kep yam eisi.

YEREMIA 5:24

Mbro nok gino Dani rino dikes biget mem je ei nijam biget nimbie him kin ningwigsi ba, diyai nijam nikos gandum bikwop ari bingwam mem je cem lo, jikuk je bijibou cut biDa bi sren.