ZAKHARIA 1:8 - ALLAH NIHYET MEM TUNGWATU NYA

⁸ Ba, dingat lo, tuhan de malaikati kui kuda ningwoi ningut gom bigwam dip. Kuda dima ya tut ei biei murad nghousi ei mbang briep gom lene kuda hi ter ibou poi igya abia kep kuda dima ninghim dip kwei. Kuda dima yok bihi inta ngwoi lene bihi inta ngwoi bidem bitug ningat pimo lene bihi inta tiei.

ZAKHARIA 1:8 ပူးပေါင်းရင်းမြစ်များ

NITRITI 20:3

Njap poi ser lene Allah ndo Nonti bak Abimelekh. Tirigi Abimelekh bong bimumpriem mem mmun lene Allah sok kep noni ngkiem ser “Mbigom amai drek dip gi abuwak sop dima lewo noni bon nijjep tu.”

NITRITI 46:2

Mmun mau rino noni ngat ningat-hi-ngat bingat lo, Allah mbrap bit noni bipai “Yakub e, Yakub e?” Lene noni buhup “We? Da rini.”

NIBOU NDIG NYA GI NIGOM 3:5

Lene tuhan tau kep noni mem mmun tug hon mun di mumpriem lene hig ser noni “Salomo e, disindui sut ba, ahara Da tut mun nyeng gom leu api midiyai gima bina ug ri!”

NEHEMIA 8:15

Gima rino itri tut nihyet bak timiei minu ndig Yerusalem kin yo di ibong bidem minu ndig kin minu mien nindigsi nya cem bipai “Ma jahagom jintek ug ei nungug tou dini kou bijitot biai kin biei zaitun kin biei mini kin dui kin biei nindigsi nya ninda-nda nya kwei leu binhyepo jibohok ig jibei mpam meng bit leu nok Srat Nicukti cuk nyeti.”

AYUB 4:13

Dibong dibongti noro mumpriem di buhun gom bindei bidibong mai kan bi lewo nihyet dima bindin da,

DIUN MIMUN 2:16

“Ditde no di ningon ngakei da ngwam kep da ba, dani cem dingwam kep noni. Noni jem nide domba nya ei bakung tou nghousi,

DIUN MIMUN 6:2

“No di dingon ngakei ug ei nide miaisi. Ug ei nide miai di nok biei ngat di nyop kei ninghousi mem gima nyohou kep nide domba nya ei miaisi bindung bakung tou nya.

YESAYA 41:19

Midita buom kin biei zaitun kin biei murad kin biei meng dia ei iggum ndigsi. Midibindei ba, biei eru kin berangan kin buom mehei ei mpia ngoisi.

YESAYA 55:13

Buom mehei luei nitigot-tigausi lene biei murad hei luei tigau nggig-nggwenti nya. Mun dini yok mindo bindo di mipror yon hanyen kan bi binok bindo di bindo tut niyok ngon kep Da di tuhan diyai munti nya cem.”

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

DANIEL 2:19

Mmun mau mem njap gom ndia rino Allah ndo igbit mimun tut mumpriem dima bak Daniel tug hon ningat-hi-ngat. Gima rino noni nggei sut Allah ei gwamti,

DANIEL 7:13

Tirigi dingat ningat-hi-ngat dini bou diyai him mem mmun dima lene dingat mun nyeng gom kin bu di noyam kin tungwatu. Noni mbut kwei ndam da lo, bumbuhui nggai kep noni. Noni mbut ndam No di niyaijo bijo ninno bijo kikau ba, ibindo noni bak.

DANIEL 7:2

bitut ningat-hi-ngat di dingat bou diyai him. Hou di nimig ten bibor cut kwei leu mpia nisurti-nipekti bibindei ba, muk ningwa dip tti nindig bibor.

ZAKHARIA 1:10

tuhan pinak yok kwei mem gima inyohou tou kep mun di pek kep ei dihyeisi dini.”

ZAKHARIA 1:11

Kuda dima yok hagom ipai bak malaikati dima “Niya bidem dihyei njek dip dini hagom biningat lo, mun nyeng hi bindei mbriong tungwatu dihyeisi dini hagom apino inghuisi jet.”

ZAKHARIA 1:7

Nibou Ndig Darius ninyeng tak kep Persia ug cut ari bingwam gi nican ei bed gi nisimnaibrimigcan di ninyeng Syebat ei njap nyatungwagom bitai lene tuhan ndat kep nisok nihyetti bida tug hon ningat-hi-ngat gom di dingat mem mmun.

ZAKHARIA 13:7

tuhan Di Ninyeng Jei Bibor pai “Singau simeda e, ma akiju ba, ahwen gembala di yai midyai mem Da! Ayai nimai bak leu api ide domba nya mintek gimahap. Dihwen Ditde limwa nya ba,

MBEN ISRAEL IMBUT-MBUT NYEN 12:6

Lene tuhan pai biyok “Suar jingig jitingou mem dihyet! Tirigi jide nabi nya ikiju bitri tut dihyet bije lene dindo dingon kanti biyok tug hon ningat-hi-ngat nya ba, dimbrap bit yok tug hon ide mun di imumpriem nya cem.

YOSUA 5:13

Mpe dima lene Yosua ya nyen dideu minu ndig Yerikho bingat lo, tungwagom tt au kros biya ei Yosua noho bei ba, krau simeda gom. Lene Yosua dideu noni bihig ser “Atti kin nyeni e, he atti kin nyende siceu nya e?”

NINGAT-HI-NGAT NYA 2:1

“Apas srat dini bak malaikati di buhup tut mbusyamei ei minu ndig Efesus. Nipas kepti dini kwei leu No di krau ham ningat muhwindacan pima ei ninda com di biya srig mini njeng nidihim ningat muhwindacan di iba mas bibon ri.

NINGAT-HI-NGAT NYA 6:2

Dinyohou tou kep bidingat lo, kuda di ninta tiei ningut gom ttau kwei. No di bri bigwam dip krau hampiap biyai topi mas bittin. Noni kinyon ei Nide midyaiti nok no di om kep mun nyeng hagom ba, bindei cut yo di iba nitok bak Noni yahagom.

NINGAT-HI-NGAT NYA 6:4

Leu api kuda di ninta ngwoi ningut gom ttau kwei. No di bri bigwam dip yai nisindemti mem gima bindei ba, tungwatu dihyeisi dini iba nitok biyam bikon pran bit yam. No dini krau singau simeda di nindig krop.