ZAKHARIA 1:4 - ALLAH NIHYET MEM TUNGWATU NYA

⁴ Ma jiyai kep jidigup bat-jidigai bat di nipou nya igyai kepti nya au. Nipou yo ne nabi nya itri tut dihyet bak yoni leu binhyepo imbuk bibor bibon sisar bu au. Noro igimiap kep dihyet ba, ice tut bibit bi.

ZAKHARIA 1:4 ပူးပေါင်းရင်းမြစ်များ

NIBOHON MBEN ISRAEL GI NICAN 30:6

Ipinak tungwatu nya bigya bidem minu Yehuda kin minu Israel titut yam bit leu nibou ndig kin yo di igya kui noni icuk yokti leu binhyepo ittei srat di nibimbiti pai, “Limwa Israel jen, jingwes ngun leu mben Asyur inda nsi tu. Gima rino nogindini ma jingkwei hanyen ndam Abraham kin Ishak kin Yakub ide tuhan Allah di yoni ikuk yok bak. Ba, joom jenti bijinok awak mem Noni leu binhyepo Noni cem mikwei bimpu jeni hanyen.

NIBOHON MBEN ISRAEL GI NICAN 30:7

Ma jinok jidigup bat-jidigai bat nya kin mben Israel nindigsi nya di iba ingon di gom bibit ide tuhan Allah bi pima au. Jo nibreisi mem je tu bipia Noni kes hukum ei yok dip tu.

NIBOHON MBEN ISRAEL GI NICAN 34:21

“Juug ba, jihig ser tuhan mem dani kin limwa nya di ingat rin ei minu Israel kin minu Yehuda tut mun di jo srat diniti. tuhan gga nye drek dip idigup bat-idigai bat nya di ibit nicuk nyeti di jo srat diniti e, he bi e?”

EZRA 9:7

Ade limwa di nyeni nibon sisar tut Nani habiei leu nijam di nidigup bat-nidigai bat nya igyaijo yo pima kikau kwei bipek ammani kep. Gima rino bindei di nibou ndig mben ngkiai ibindei timek nyeni kin nyende nibou ndig nya kin imam nya bitut nye dini yok cem ug a. Ba, igyai nimai binye cem ikri nye nok awak di ipian nye ug ei minu ngkiai ide cem ug a. Iba ighyet bicig nye bijo kikau noyam kin mun di nuum ei njap di ammani.

NEHEMIA 9:16

Noro jei bi ne nyeni nidigup bat-nidigai bat pima yok ingon jei ba, ingkek ndok cem ba, ingon mpo tut Ade nicukti nya cem.

NEHEMIA 9:26

Noro Ade limwa nya ikiek imig jo tut Na bibit ahyet bi. Yoni iba inghim bak Ade nikos tutti nya. Igyai nimai bak nabi nya di isok kep yok bipia suar ikwei kuk yok bak Na di Allah hanyen bu. Ade limwa nya ighyet wer mpiahi tut Na bikwop nok ug.

NEHEMIA 9:30

Aba angon di jo nyahan sok kep yok bikwop ari bingwam hagom sindam ba, Ade Ninnei pingok ei ingonti tug hon nabi nya ighyet cem noro Ade limwa nya itingou nam ser. Gima rino asindui sut yok ba, icut bak tentara ngkiai.

MAZMUR 78:8

Leu binhyepo yoni midat idigup bat-idigai bat nya dino yaham imbuk kep Allah leu api igibit Nide nicukti nya bi dimati bi. Ndigpoi nipou dima iba ingon comti ngkiem ba, ingon gom tut Allah cem bi.

YESAYA 31:6

tuhan pai “Je di mben Israel e, jaham jimbuk kep Da bijibon sisar tut Da tu. Noro ma jingkwei hanyen ndam Da nogindini hak ug!

YEREMIA 18:11

tuhan pai bida “Nogindini ma atri tut bak timiei Yehuda kin timiei minu ndig Yerusalem nya bipia dikos dat bipia ditte tut yok leu api midikes hukum ei yo dip. Ma asok kep yok leu binhyepo ikiek yo leu igyai munti di kinei bibor nya leu api ikinding igyaijoti kin igyai munti nya bikwes.

YEREMIA 23:22

Gino ikan tut mimun di jo ei dibou ngwakti nya ne suar itri tut dihyet bak Ditde limwa nya bibindei ba, ittin ser ide sisar di kinei kin igyai munti di mbuk bibor. Noro bi.

YEREMIA 25:8

Jikou sut nimiap kep nihyet di pai nya apino tuhan Di Sindem Bibor pai,

YEREMIA 26:5

Lene ma jiyok ngon kep Ditde awak di nabi nya di dipinak ndam je kikau tu ighyet. Nipou kwei bipek ammani kep jikou sut gi jimiap kep ighyet.

YEREMIA 3:12

tuhan cuk da ba, suar duug pai bak mben Israel “Je di mben Israel di jingon gom tut Da bi e, ma jingkwei hanyen ndam Da. Dingondut je nindig bibor ba, midigga je kikau bi.

YEREMIA 3:14

tuhan pai “Je di limwa di jingon gom bi e, ma jingkwei hanyen ndam Da. Jeni ne Ditde nya ri. Midimbus tungwatu nya leu bikwop jide minu ndig nya hagom. Ba, dimbus ibou can-can leu bikwop jide keret nya hagom cem. Lene midibuwak je hanyen ug ei Nungug Sion.

YEREMIA 35:15

Dipinak Ditde awak di nabi nya yahagom ndam je tu. Isok kep je leu binhyepo jikinding jiyaijoti bikei ba, jikes hon jiyai munti di kinei leu je bijo kikau tu. Nabi nya ipingok jingonti leu binhyepo jiyok ngon kep bipia ma jikuk je bak ngkiai nya ide nung nya ba, joom jenti bijinok awak mem yok au. Gima hagom nok leu binhyepo jibong kikau ei minu di dikes bak jidigup bat-jidigai bat nya dini. Noro jigingig jitingou mem dihyet bijimiap kep bi.

YEREMIA 4:1

tuhan pai “Ditde mben Israel jen, gino jijoi sut jingkwei hanyen lene ma jingkwei hanyen ndam Da. Ma jicom kwar di dingon mpo tut nya nipou ug e. Leu api jiba jingon gom bibit Da.

YEREMIA 44:16

“Nikou sut gi ningig nitingou mem mun di apai binye gau tuhan ninyeng dima.

YEHEZKIEL 14:6

Apai bak mben Israel cem bipia Da di tuhan Di Dinyeng Jei Bibor dipai ‘Ma jittin ser jide sisar di jibon nya. Jiba jinghim bak jide kwar di jikuk je bak di bibon ningon him weisi dima hak ug.’

YEHEZKIEL 20:18

Noro dipingok ei pilei di ingat rin ei ikieti nya ingonti bidipai ‘Ma jibit nidimigsi nya di jidigup bat-jidigai bat nya ibon ei su nya bijiyai bram igyai kepti nya cem au. Ma jibindei ba, map kui jeti tug hon gi jikuk je bak jidigup bat-jidigai bat nya ide kwar di ikuk yok bak nya au.

YEHEZKIEL 33:11

Ma apai biyok bipia deheng bitug hon Danti di tuhan Di Dinyeng Jei Bibor cem Allah di niyaijo cem dinyeng bipia dingon kei drek dip no di mbuk nitug midutti bi. Noro dijoi sut gino noni ttin ser nide sisar leu binhyepo hek tut niyaisi. Je di mben Israel e, ma jimbres jenti leu sisar hagom. Nggon rino jingon llei sut gi jitug ndei nimai i?

YEHEZKIEL 33:4

Tungwa tou rino miap brem-brem di nibimbi bong di bitto limwa nya tut mun di micut igkep yok bitindei ser bi apino siceu nya ikwei hwen noni bimai ne nonti mibiang nitunggweisi dima nibuhunti.

DANIEL 9:6

Ningig nitingou mem Ade awak di nabi nya ighyet tirigi itri tut ahyet tug hon anyeng bak nyende nibou ndig nya kin yo di ibie tut nye kin nidigup bat-nidigai bat nya kin mben Israel yahagom bi.

HOSEA 14:1

Midikes hukum ei mben Samaria dip drek dip gi ikiek imig jou tut Da. Timiei minu dima ikon pran noro mitug ndei nimai. Ide siceu nye minjei ningwoi-ngwoi nya hagom ug ei pimbien behei bimai leu lene iriu sop di inghop tu nya yahagom ba, inghop tigwau bitau ug.”

AMOS 5:24

Ma jibrim jingkek leu binhyepo nikei nikos tutti di sren kei biam nok minyei di biam sindem ba, ningon sren-srausi biam bidem kep minyei di pingge kan bi cem.

MIKHA 2:6

Tungwatu nya ipai ighyet bida bipai “Ma atri tut Allah nihyet kin mun di micut igkep nye au. Allah mibindei ba, nimmai sut nyenti bi sren.

ZAKHARIA 1:3

Noro tini bu ne dipai bije bipia ma jingkwei hanyen ndam Da leu api midinyohou je.

ZAKHARIA 7:7

tuhan tri tut nisokti dima tug hon nabi nya ei nijam gi nipou pini jug di timiei minu ndig Yerusalem ibong kei igwam kei ba, mpia mbum-bra ri. Ei nijam dima ne ibong ser minu mien nya di jo ttai minu ndig he bi noro ibong ei minu mien ei nite bei mpia nibiho kin mbigdip nimig him nya ei nite bei mpia nicutti cem.

KISAH 26:20

Ditri tut nihyet bak tungwatu nya bipia suar ittin ser ide sisar lene iba ingon com Allah ba, iba igyai munti nya cem bindo brei bipia ittin ser ide sisar. Ditri tut nihyet dini ei minu ndig Damsyik nipou leu api ei minu ndig Yerusalem lene bidem hanjop Yudea cem ba, kikau ug bipek ngkiai nya.

KISAH 3:19

Gima rino disut bat jen, ma jittin ser jide sisar bijikwei hanyen ndam Allah leu binhyepo Noni ciu ser jide sisar.

PETRUS GI NIGOM 1:18

Lewo jikan tut bipia Allah ba mitiei kin mas di mipror yon bipek je hanyen leu jiyai munti di kinei di jiyai leu jidigup bat-jidigai bat nya bi.