ZAKHARIA 1:3 - ALLAH NIHYET MEM TUNGWATU NYA

³ Noro tini bu ne dipai bije bipia ma jingkwei hanyen ndam Da leu api midinyohou je.

ZAKHARIA 1:3 ပူးပေါင်းရင်းမြစ်များ

NIBOHON MBEN ISRAEL GI NICAN 15:2

Apino noni ug ngat Nibou Ndig Asa bipai bak “Nibou Ndig Asa kin je di timiei Yehuda kin Benyamin jahagom e, ma jimiap kep mun di disok kep je tut dini. tuhan mitti kin je gino jeni cem jitti kin Noni. Gino jahara tuhan bindo ningon kanti bije lene Noni mindo ningon kanti bije. Noro gino jiba jiyai ngat Noni he lene Noni cem miba niyai ngat je.

NIBOHON MBEN ISRAEL GI NICAN 15:4

Noro mpe dino mun di buhun cut igkep yok lene yahara bak tuhan Allah Israel leu binhyepo mpu yok. Yahara Noni bindo ningon kanti biyok lene Noni ndo biyok.

NEHEMIA 9:28

Tirigi ibong kei igwam kei hanyen tu lene ibon sisar sindam apino asindui sut yok ba, icut bak ide siceu nya hanyen bu. Noro ittin ser ide sisar dima ba, yahara Na ei gwamti leu binhyepo ateu yok bingwes ngun leu api angig atingou mem ighyet nyen-nyen ba, angondut yok cem leu api ateu yok bingwes ngun cem.

AYUB 22:23

Aba abou coi mem tuhan leu api angkwei hanyen ndam Noni. Abikes hon mun di kinei di jo ade ig.

YESAYA 31:6

tuhan pai “Je di mben Israel e, jaham jimbuk kep Da bijibon sisar tut Da tu. Noro ma jingkwei hanyen ndam Da nogindini hak ug!

YESAYA 44:22

Dicok tut jide sisar noyam kin dicok tut bumbuhui. Ma jingkwei hanyen ndam Da lewo dikwek je leu mun di kat je tu!”

YEREMIA 12:15

Noro tirigi dibindei hei yok lene midingondut yok hanyen bu. Midibuwak bikwop ngkiai nya yahagom ba, midikes yok ei itimieisi hanyen.

YEREMIA 25:5

Nabi dima yok icuk je leu binhyepo jikes hon jiyaijoti di kinei bibor kin jibon munti di sisar ntun him leu binhyepo jibong kikau ei minu di tuhan yai bijeni kin jidigup bat-jidigai bat nya nok jide minu ninda rom dini.

YEREMIA 3:1

tuhan pai “Gino nijjep kou nitnem bikes ei leu api hiter wak nok nitnem bu lene ma nijjep timiei pima kwei yai hanyen nok nitnem au. Lewo mun dima mibindei ba, map kui minu dini. Noro je di mben Israel jiyem njita tut sop hiter imang bibor tu. Leu api tini bu ne jijoi sut jingkwei hanyen ndam Da bu e?

YEREMIA 3:22

Je di jiba jinghim bak tuhan jahagom e, ma jingkwei hanyen ndam Noni! Noni mibindei ba, jikei hanyen bijingon gom tut Noni. Leu api jipai “I, nogindini nikwei ndam tuhan lewo Noni ne nyende Allah ri.

YEREMIA 35:15

Dipinak Ditde awak di nabi nya yahagom ndam je tu. Isok kep je leu binhyepo jikinding jiyaijoti bikei ba, jikes hon jiyai munti di kinei leu je bijo kikau tu. Nabi nya ipingok jingonti leu binhyepo jiyok ngon kep bipia ma jikuk je bak ngkiai nya ide nung nya ba, joom jenti bijinok awak mem yok au. Gima hagom nok leu binhyepo jibong kikau ei minu di dikes bak jidigup bat-jidigai bat nya dini. Noro jigingig jitingou mem dihyet bijimiap kep bi.

YEREMIA 4:1

tuhan pai “Ditde mben Israel jen, gino jijoi sut jingkwei hanyen lene ma jingkwei hanyen ndam Da. Ma jicom kwar di dingon mpo tut nya nipou ug e. Leu api jiba jingon gom bibit Da.

YEHEZKIEL 18:19

Mpaba tungwagom hig simber Da ‘Nggon rino no dima tug midut drek dip nicig nide sisar nya bi i?’ Lene midibuhup bipia nipmot singat ba, ningon sren cem. Noni ba ningon di gom bibit diggai serti nya. Gima rino noni hek tut niyaisi.

YEHEZKIEL 18:31

Ma jimbres jenti leu jiyai munti di mbuk bibor di jita jibou eisi nya leu api jisindui sut ba, jingonti kin jikan-kan nyenti nok nijep bu. Nggon rino jingon llei sut gi jiyai nimai i?

YEHEZKIEL 18:32

Dingon llei sut gino tungwatu nya igyai nimai bi. Ma jittin ser jide sisar ba, jehek tut jiyaisi. Da di tuhan Di Dinyeng Jei Bibor disimbot dat tu.”

YEHEZKIEL 33:11

Ma apai biyok bipia deheng bitug hon Danti di tuhan Di Dinyeng Jei Bibor cem Allah di niyaijo cem dinyeng bipia dingon kei drek dip no di mbuk nitug midutti bi. Noro dijoi sut gino noni ttin ser nide sisar leu binhyepo hek tut niyaisi. Je di mben Israel e, ma jimbres jenti leu sisar hagom. Nggon rino jingon llei sut gi jitug ndei nimai i?

HOSEA 14:1

Midikes hukum ei mben Samaria dip drek dip gi ikiek imig jou tut Da. Timiei minu dima ikon pran noro mitug ndei nimai. Ide siceu nye minjei ningwoi-ngwoi nya hagom ug ei pimbien behei bimai leu lene iriu sop di inghop tu nya yahagom ba, inghop tigwau bitau ug.”

HOSEA 14:4

Bit bon tentara Asyur iteu nye biningwes ngun kan bi. Bit bon kuda pran cem mpu nye kan bi. Nipai bak kwar di nibon bou ninda him nya bipia inok nyende Allah rin bu bi sren. Na di tuhan e, angondut yo dino tungwatu hiter impu yok bi nya.”

HOSEA 6:1

Mben Israel ipai biyam “Jikwei ba, yahagom ingkwei hanyen ndam tuhan. Noni yai ninghuisi wei binye noro bindei ba, ikei hanyen. Noni bindei ba, ibok-ba noro Noni ba perban bingot kep hagom hanyen.

YOEL 2:12

tuhan pai “Nogindini ma jiba jingon titut yam bingkwei hanyen ndam Da. Ma jisindui njita mem nituti poi bijingon ngguk tut jide sisar ba, jiyai nggwei kibor cem.

MALEAKHI 3:7

Jikiek je leu Ditde niggai serti nya lene jiba jingon di gom bibrim jingkek mem dihyet bi noyam kin jidigup bat-jidigai bat di nipou nya. Ma jenti jingkwei hanyen ndam Da leu api midingkwei hanyen ndam je. Noro jihig ser Da ‘Nibon mindei di bindei ba, ningkwei hanyen ndam Na i?’