ZAKHARIA 1:18 - ALLAH NIHYET MEM TUNGWATU NYA

¹⁸ Lene dingat ningat-hi-ngat gom kin bu tut sapi bou nggai bitai.

ZAKHARIA 1:18 ပူးပေါင်းရင်းမြစ်များ

NIBOU NDIG NYA GI NIGOM 22:11

Nabi Zedekia di nicig ninyeng Kenaana ya srig nindigsi ikieti. Noni sindi ba ngkimom nitu bibon mindhe nibou nggai bou ninda him pai bak Ahab “Andigpoi e, Allah tri tut bipia tirigi ahwen mben Siria lene aba ngkimom nitu di nok mindhe nibou nggai dini bibui yok bibindei ba, icut bak na di Andigpoi.”

NIBOU NDIG NYA GI NICAN 15:29

Lene Tiglat-Pileser di nok nibou ndig mem mben Asyur njei ba, hwen minu ndig Iyon kin Abel-Bet-Maakha kin Yanoah kin Kedes kin Hazor kin hanjop Gilead kin Galilea kin Naftali cem hagom mem nijam di Pekah ninyeng tak kep mben Israel. Tiglat-Pileser kat timiei nya yahagom bikri yok hanyen ug ei minu Asyur bisima.

ZAKHARIA 1:17

Malaikati dima cuk da biditri tut nisokti dini bu “tuhan Di Sindem Bibor preu ei mem nye bipia mun nyeng hagom midem mem Nide minu ndig nya hanyen ba, Noni mimpu minu ndig Yerusalem mbigom bu bipai jit bipia nyeng tut minu ndig dima hanyen.”

ZAKHARIA 1:19

Dihig ser malaikati di mbrap bit da pima “Sapi bou nggai dima yok bindo tut mindei binye i?” Noni buhup “Sapi bou nggai dima yok bindo tut ninyeng tak kepti di sindem nya di ibindei gimahap mben Yehuda kin Israel nya kin timiei minu ndig Yerusalem ri.”

ZAKHARIA 2:1

Dingat ningat-hi-ngat gom bu tut pinai gom di krau kuk nibinai nijeisi ei nindati.

ZAKHARIA 5:1

Tirigi dingig diyai hanyen bu lene dingat ningat-hi-ngat tut srat kijum gom di dimba-mba nyen ei mpia-bbed him.

ZAKHARIA 5:5

Malaikati dima tau hanyen bu bipai “Angat i! Hi kin bu ritau kwei a!”

ZAKHARIA 5:9

Lo bi lene dicap kui bidingat sop ibou can di idimba juk kwei ndam da. Imbun inyehei di sindem kei bidem kindus mbrei ninyehei pimo. Isu inda bigyai bansi leu api idimba tut hak.

ZAKHARIA 6:1

Dingat ningat-hi-ngat gom kin bu. Dingat kroba pran ningat bitai di hei kwei leu nungug ngkimom-tembaga can ikieti.

YOSUA 5:13

Mpe dima lene Yosua ya nyen dideu minu ndig Yerikho bingat lo, tungwagom tt au kros biya ei Yosua noho bei ba, krau simeda gom. Lene Yosua dideu noni bihig ser “Atti kin nyeni e, he atti kin nyende siceu nya e?”