ZAKHARIA 1:17 - ALLAH NIHYET MEM TUNGWATU NYA

¹⁷ Malaikati dima cuk da biditri tut nisokti dini bu “tuhan Di Sindem Bibor preu ei mem nye bipia mun nyeng hagom midem mem Nide minu ndig nya hanyen ba, Noni mimpu minu ndig Yerusalem mbigom bu bipai jit bipia nyeng tut minu ndig dima hanyen.”

ZAKHARIA 1:17 ပူးပေါင်းရင်းမြစ်များ

NEHEMIA 11:20

Limwa Israel nya kin imam nya kin Lewi nya gi nindigsi nya yahagom ibong hak ei ide dihyei di jo bidem minu ndig kin minu mien ngot ei hanjop Yehuda nisurti-nipekti.

NEHEMIA 11:3

Limwa Israel nya bitut imam nya kin Lewi nya kin yo di igyai midyai ei tuhan De Ig nya kin yo di igyai midyai mem Salomo ide nintun him yamti di bram yam nya pima yahagom ibong ei itimieisi ei minu ndig hiter nya di nok yonti ide dihyei nipou su.

MAZMUR 69:35

Ma mpia-bbed him kin dihyeisi dini kin muk ngeisi bitut mun di joti nya cem hagom nggei sut Allah.

YESAYA 14:1

tuhan mingondut Nide limwa di mben Israel bidimig yok ei ba, inok Nide nya bu leu api mikes yok ei itimieisi hanyen ba, ngkiai nya mikwei bibicom yam bit yoni hanyen.

YESAYA 44:26

Dibindei ba, Ditde awak niji ngkiem. Tirigi disok dihyet bidikes dingon kanti ei no di dipinak hwou dip lene dingon kanti dima hagom mipek kep mem tungwatu nya. Dipai sut minu ndig Yerusalem bipia tungwatu nya mibong ser minu ndig dima hanyen ba, midiwin minu mien nya ei minu Yehuda hanyen bu. Midipindi ide ig kum kroi nya ba, wer ig hanyen.

YESAYA 49:13

Mpia-bbed him e, ma apai doia! Dihyeisi e, ma ayai nillei! Mbigdip nya e, ma jimbos-hi-mbos! tuhan migwam ser Nide limwa nya ingon ba, Noni ngondut Nide awak di igyai ninghuisi wei nya.

YESAYA 51:12

tuhan pai “Dani rino digwam ser jingona. Nggon rino jittin tungwatu di mipror yon ug rin i? Nggon rino jittin tut tungwatu di inoyam kin minta di ijip bicom ei i?

YESAYA 51:3

Timiei minu ndig Yerusalem e, midigwam ser jeni kin yo di ibong ser ig kum kroisi ei minu ndig dima jahagom jingon a. Mbro nok gino ide dihyei rinok iggum ndigsi lo, midibindei binok miai mitou nghousi bidem kep Ditde miai mitou nghousi di Eden po nnum kei pima. Tungwatu nya mingon nggei-hi-nggei bigyai nillei ei mpia dima bipai sigyo biDa tug hon doia di ipai nya.

YESAYA 52:9

Minu ndig Yerusalem di timek bingwig e, ma ayai nillei lewo tuhan miteu ade limwa nya bingwes ngun leu api gwam ser ingon.

YESAYA 54:8

Dinghek na lai-lai de drek dip dingon di sibui sut na nindig bibor noro midingon ngakei na bu bijo ninno bijo kikau.” Nihyet dima tibim kwei leu Allah di teu na ba, angwes ngun nuhui him tu.

YESAYA 66:13

Midigwam ser je di jingat rin ei minu ndig Yerusalem jingon ba, jinoyam kin munggwom di nipmem gwam ser ningon yo.

YEREMIA 31:13

Mpe dima lene sop gwam nitta pilei nya miba ingon di llei bibor bipri-pri nyen ba, pinai pilei nya kin andigpoi nya ingon nggei-hi-nggei. Midipai-hi-pai yokti lene midiba ningon di kei bibor biluei ide ningon di ngguk biborti ba, midiba ningon nggei-hi-nggeisi biluei ide ningon buhun.

YEREMIA 33:13

Gembala nya mikwop ide domba nya imangti hanyen bu ei minu ndig ngot ei hanjop nungug him kin hanjop nungug nimig kin minu Yehuda nibiho kin keret Benyamin ide hanjop nsi kin minu mien ngot di jo ttai minu ndig Yerusalem kin minu ndig nindigsi bidem minu Yehuda. Da di tuhan disimbot dat tu.”

YEREMIA 33:9

Minu ndig Yerusalem minok minu ndig di biyai dingon nggei-hi-nggei kin dingon kei. Ngkiai nya bidem dihyeisi dini hagom mittin tut Da bidigit tut Da bikon dinyeng drek dip mun di kei di dibon mem timiei minu ndig Yerusalem kin nibong kei nigwam keisi di diyai bak minu ndig dima.”

YEHEZKIEL 36:33

tuhan Di Ninyeng Jei Bibor pai “Tirigi dipiap je bijipwoi kei leu jide sisar nya ne midisindui sut ba, jibong ser jitimieisi ba, jikinding jide ig hanyen.

AMOS 9:14

Midipindi Ditde limwa nya ba, ibong kei igwam kei hanyen. Yoni miwin ide minu di tti tu nya bibong ser ide ig cem. Ita ba anggur nghousi bidut ningei lene igyai miai leu api ipuk ningat bigyem kep inggum hanyen bu.

OBAJA 1:20

Mben Israel di ibon itimieisi ei nite bei mpia nijjai mingkwei hanyen leu ingkiaisi bigyai minu Fenisia kikau ug bipek kin minu ndig Zarfat bigyati. Timiei minu ndig Yerusalem di isima ei ingkiaisi ei minu ndig Sardis mingkwei hanyen bicoi minu ndig nya ei minu Yehuda ei nite bei mpia nibiho bigyati.

ZAKHARIA 1:14

lene malaikati dima cuk da biditri tut nihyet di tuhan Di Sindem Bibor pai dima. Noni pai bida “Da di tuhan dingondut minu ndig Yerusalem di kwes kei dima bibor ba, dingon ngguk bibor tut cem.

ZAKHARIA 1:18

Lene dingat ningat-hi-ngat gom kin bu tut sapi bou nggai bitai.

ZAKHARIA 2:12

tuhan mijem minu Yehuda nok Nide pijum ei Nide minu di kwes kei. Noni midimig minu ndig Yerusalem binok mpia di bong eisi hanyen.

ZAKHARIA 2:4

Malaikati gi nigom pai bak malaikati gi nican “Abrim amig haninyai ba, aug pai bak pinai pilei dima bipia minu ndig Yerusalem mimpung-mpiet tut tungwatu kin mindhe-ndhe nimuhup tu nya. Gima rino bit bon iwin ngug tig di bikrop ttai kan bi.

ZAKHARIA 3:2

Lene tuhan de malaikati pai binoni “Bilis e, nna ba tuhan kes hukum ei na dip hak ug! Nna ba, tuhan di ngondut minu ndig Yerusalem kes hukum ei nani dip. Yosua dem kep nok hum priot di ikus leu hum njengti.”

EFESUS 1:4

Allah dimig nye ei nok Nide limwa nya tug hon ide ninok gom kin Kristusti nipou tirigi Noni pai tes dihyeisi dini bigyo leu binhyepo ingon kwes-kwau ba, sisar hi rap nye bi ei Noni niyai him. Allah ningon ngakei nyeti bindei ba,