ZAKHARIA 1:12 - ALLAH NIHYET MEM TUNGWATU NYA

¹² Lene malaikati dima pai “tuhan Di Sindem Bibor e, agga minu ndig Yerusalem kin minu ndig ngot ei minu Yehuda bibor kikau mem ari bingwam ningot muhwindacan tu. Agga yok bibor nok gima ba, akos ser ide nitunggweisi nya bi ug bipek apig bu i?”

ZAKHARIA 1:12 ပူးပေါင်းရင်းမြစ်များ

NIBOHON MBEN ISRAEL GI NICAN 36:21

Gima pek kep mun di tuhan tri tut tug hon Yeremia bipia minu dini micut ei ningoi-ngati kikau mem nijam ari bingwam ningot muhwindacan ba, biluei Ari Bingwam Gi Nimuhwindacan Nikes Sidumti Pijum Hak Ei Mem tuhanti po inyohou bi pima.

MAZMUR 102:10

Atriem ndung ne ditde njita rin ba, diyai nggwei srig gungei di didutti.

MAZMUR 102:13

Noro tuhan e, Nani ne Nibou Ndig dijo ninno bijo kikau ri. Tungwatu nya ide nintun him yamti di bram yam nya migyok ngon kep Na.

MAZMUR 69:5

Yo di ingon mpo tut da mikui-kausi imangti nindig dor njiriek dibou nta nimangti. Yo di isindem bibor ihwen da bisrou da tug hon ighyet di ipai-pai wai. Icuk da bipia suar ditug mun di dipos leu yok bi nya hanyen biyok.

MAZMUR 74:10

Allah e, nyende siceu nya miba ighyet bicig Na ug bipek njap pig bu i? Mpaba ighyet tigut anyeng bijo kikau e?

MAZMUR 79:5

tuhan e, agga nye bijo ninno bijo kikau e? He Angon sibui sut nyeti micig-cai nok hum ug bipek nohonti kan bi e?

NIBA NINGON SRIP HUKTI 3:3

nituti mem igyai nimai bak kin nituti mem ibindei ba, nibok jut hanyen cem ba, nituti mem inggek mun kin nituti mem ingot mun cem ba,

YESAYA 47:6

Nipou yo ne digga Ditde limwa nya leu api duubon yok nok Ditde limwa nya bi. Apino dikes yok ei andati ug a. Leu api agingondut yok bi ba, aco kep ndigpoi koi nya kinei-kinau.

YESAYA 63:9

leu mun di buhun di cut igkep yok hagom. tuhan cuk malaikati hi kin no di ya hacan hi ndam yok bi noro Nonti kwek yok lewo ngondut yok ba, ningon nggriu sut yok. Noni nyohou yok ei nimbie him kikau kwei bipek njap dima kep.

YEREMIA 12:4

Dihyei ninjek dip ei minu dini mingak-cai ba, gandum mimui bidem ngoi dumti nya ug bipek apig bu i? Nyende mben ide nisibutti bindei ba, ha nya kin mindhe-ndhe nindigsi nya imai ningwig tu. Yo dima ipai bipia Allah ngat mun di mipek kep mem nye bou niyai him bi.

YEREMIA 15:17

Dibon nituti mem gima dipriet kin yo di icat ei munti kin yo di isimbot kep biyam tut mun di mipror yon bi. Digwam bidangkom bit leu nok acuk dati apino dingon sibui nindig bibor.

YEREMIA 29:10

tuhan pai “Tirigi nijam ari bingwam ningot muhwindacan dem mem minu Babel tu lene midingig diyai kep je hanyen bu. Ba, midiyai mun bipek kep Ditde nipreu ei mem jeti bidibuwak je hanyen kwei ei jitimieisi dini.

YEREMIA 30:18

tuhan pai bu “Midingondut Ditde limwa di jeni. Midibindei ba, jibong kei jigwam kei ei jitimieisi hanyen. Mpe dima lene jiwin minu ndig Yerusalem hanyen bu lene jikinding ig nibou ndig nikineisi hanyen.

DANIEL 12:6

Pinai gi nigom hig pinai di wer ya dideu minyei nibrig “Apig api mindur di pek kep dini yok ngwig hon i?”

HABAKUK 1:2

tuhan e, dahara Nani wer ninno leu binhyepo akwei mpu da. Dihig ser Na bipia apig api abuhup dihyet ba, ampu nye leu binhyepo ningwes ngun leu yo di imbuk tut nye i?

ZAKHARIA 1:8

Ba, dingat lo, tuhan de malaikati kui kuda ningwoi ningut gom bigwam dip. Kuda dima ya tut ei biei murad nghousi ei mbang briep gom lene kuda hi ter ibou poi igya abia kep kuda dima ninghim dip kwei. Kuda dima yok bihi inta ngwoi lene bihi inta ngwoi bidem bitug ningat pimo lene bihi inta tiei.

ZAKHARIA 7:5

Noni pai “Ma atri tut bak timiei minu dini kin imam nya yahagom bipia mpe di jiyem njita mem nituti poi bi ba, jipim bijibwos-bwos nyen mem bed nimuhwi kin bed nimuwindacan mem nijam ari bingwam ningot muhwindacan pima ne jibikon dinyeng bi.

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.

NINGAT-HI-NGAT NYA 6:10

Iba ighyet nindig bahara “Na di Tuhan di Sindem Bibor cem di kwes-kwau cem di ningon gom cem e, njap pig bu leu api ambus tungwatu dihyeisi ingonti ba, akes hukum ei yok dip drek dip gi ihwen nye i?”