YUNUS 4:11 - ALLAH NIHYET MEM TUNGWATU NYA

¹¹ Dem mem gima dingon nggriu sut timiei minu ndig Niniwe di ningot ndig dima bi e? Lewo minu ndig dima bon munggwom nya imangti ibou sribu sratus gom ba, nyatungwagom di imig mbus mun di kei leu mun di kinei kan bigyo nya bitut mindhe-ndhe nya di bit bon ikwop nimangti kan bi cem.”

YUNUS 4:11 ပူးပေါင်းရင်းမြစ်များ

NITRITI 9:10

Ba, dibon gi preu dini bit mun di hei leu kibar nsi bit nani nok ha nya kin mindhe-ndhe nya hagom.

MAZMUR 104:14

Abindei ba, minta susti kieng kep dihyeisi binok njita mem mindhe-ndhe nihyen kep nya kin njita ninyeng hagom mem tungwatu nya cem igyem kep inggum. Lene bon yoni igyai miai ba,

MAZMUR 36:6

tuhan e, angon ngakeisi kui sur mpia-bbed him ba, angon gomti kui bipek kin bumbuhui nijunti.

YESAYA 1:18

tuhan pai “Jikwei ba, ikwam minggwen bit yam ser munhyet dini. Mbro nok gino jide sisar bindei ba, jingwoi kei noyam kin ban ngwoi lo, mididip tut jingonti bidibindei ba, tiei kei noyam kin bungguma. Mbro nok gino jide sisar mang bibor buhun tak je lo, midikos ser hagom bingwig leu je.

YESAYA 37:37

Lene Sanherib di nibou ndig Asyur ngkwei nyahan kep ninghim dip buug ei minu ndig Niniwe.

YESAYA 7:16

Noro nipou tirigi tto bou dima dem bigyo ne nibou ndig cin di attin tut pima ide minu hagom minok mpia di ha he bong.

YUNUS 1:2

bipai binoni “Akiju ba, aug ei minu ndig Niniwe lene ma aba acot pai bak timiei nya bipia Da di tuhan dikan tut ide sisar di kinei bibor tu.”

YUNUS 3:10

Allah ngat bou niyai him bipia igyai mun di igbit ba, ittin ser igyai munti di kinei bibor nya hagom. Gima rino Noni luei ningonti bikes hukum ei yok dip bit leu nok nikos tutti bi.

YUNUS 4:10

Lene tuhan pai binoni “Njita nimeng hei bijei mem mmun-njap gom ngat bimui hanyen mem njap bigyoti. Abindei nimeng behei ba, anyohou cem bi. Mbro nok gima lo, angon ngguk tut nimuisi.

MATIUS 18:33

Nggon rino angondut asut bit leu nok gi dingondut na pima bi i?’

NINDAT KEP TUHAN NICUKTI NYA 1:39

Mpe dima ne tuhan pai bak nyeni yahagom ‘Midiyai minu dima bak jimunggwom bat di imien bibor di dem mem gima ibisrip tut gi kei leu gi kinei bigyo po jikan bigya jide siceu nya mipos yok leu je bit leu jihyet nghwak him pima ba, yoni mikieng kep minu dima bigyati.