YUNUS 3:6 - ALLAH NIHYET MEM TUNGWATU NYA

⁶ Tirigi nibou ndig ei minu ndig Niniwe kan tut igyai munti dima lene noni kes nide banggo mbrei bijo ei leu api juk sinsun nibou ndig leu no lene juk sinsun kron bigwam tut ei atriemti.

YUNUS 3:6 ပူးပေါင်းရင်းမြစ်များ

NIBOU NDIG NYA GI NIGOM 21:27

Tirigi Elia kes nihyet hon lene Ahab rik nide sinsun nibou ndig bijuk leu no leu api juk sinsun kron biluei bu nok bindo bipia noni ttin ser nide sisar. Noni kou sut gi yem njita ba, ttin sinsun kron nok ban tirigi bong nibongti lene niimaisi nghek kikau cem.

AYUB 2:8

Apino Ayub ug gwam ei mumpiang nghousi leu api ba den sra ninggre gom bikak nyen nibok nya.

AYUB 42:6

Gima rino dimmai sut mun di tibim ei duhui him hagom bidigwam atriemti nok bindo bipia dittin ser hagom tu.”

YESAYA 15:3

Tungwatu di igya-ya nyen kak simpak nya ijuk sinsun kron di bindo tut gi yuum ningon nggukti. Ipim nggruet ei biyati kin ig ninjek hu kwei cem.

YEREMIA 13:18

tuhan pai bida “Acuk nibou ndig kin nitnem ba, ijuk kwei leu ide nibou ndig de banggo mbrei lewo ide topi nibou ndig di kei bibor cut leu ibou nggramhim tu.

YEREMIA 36:13

Mikhaya ndat kep mun nyeng di Barukh kwop kep ei tuhan De Ig hagom biyok.

YEREMIA 36:24

Mbro nok gino Elnatan kin Delaya kin Gamarya ibrim ingkek kep nibou ndig ser nhyema noni ndig srat dima kep hum au lo, noni kou sut gima miap kep ighyet. Ningat ne nibou ndig kin nibou di igya ttai noni yahagom ittin tut srat nibokti dima ba, ingon ngguk tut nihyet dima bi.

YEREMIA 6:26

tuhan pai bak Nide limwa nya “Ma jijuk sinsun kron ba, jirim-bijibong ei atriemti. Ma jingon ngguk bibor bijiyai nggwei kibor dem kep nok yo di ingon ngguk tut munggwom di nimig gom ngat di mai su. Lewo nibou pran di kon pran bit je mikwei kros bibindei sar je bijingwig.”

NIBWOS-BWOS NYENTI 2:10

Ndigpoi ndig nya igwam bbwe ei dihyeiti ba, ikam dihyei ndung bikes ei ibou nggram himti lene ijuk sinsun kron di bindo tut ingon di ngguk o! Sop gwam nitta pilei ningat nya cem igwam biyuhuk bou lene iba ingwak bikik dihyei o!

NIBWOS-BWOS NYENTI 3:29

Handei kon ba, yoom nyenti ingon bijo nyahan ba, icut biNoni hak ug leu mpaba tuhan mimpu nye ei nidipti bu e?

YEHEZKIEL 26:16

Nibou ndig di inyeng tak kep minu di jo sir muk pimat nya mingat mun di cut igkep na lene mikiju leu ide banggo mbrei bijuk ide sinsun nibou ndig kin sinsun di iba minghas linen bibon bikes ei leu yok. Leu api igwam nidigit-digoiti ei dihyeisi. Ittin bibor ba, gi mbun ingon jo nyahan kan bi.

DANIEL 9:3

Leu api duhuk nadi kikau bak tuhan Allah leu binhyepo Noni ngondut Nide limwa nya. Diyem njita bi mem nituti poi bidijuk sinsun kron cem ba, dikuk da bidigwam atriemti.

MIKHA 1:10

Ma jimbot kep mun di buhun di micut igkep nye bak ide siceu nya ei minu ndig Gat au. Ma jisindui sut ba, yo dima ingat jiyai nggwei di kibor au. Je di timiei hanjop Bet-Le-Afra e, ma jirim bijibong ei dihyei ndungti nok mun di bindo bipia jingon cut leu su.

MATIUS 11:21

“Ayo! Notou mem je di timiei minu ndig Korazim i? Ayo! Notou mem je di timiei minu ndig Betsaida i? Mindur di dibibon mem je tu pima gino dibibon bak timiei minu ndig Tirus kin Sidon lene mmo yo gi ijuk sinsun kron di bindo bipia ittin ser ide sisar bikiek ndam Allah leu api igwam tut ei atriemti mimbrek tu.

LUKAS 10:13

“Ayo! Buhun bibor mem je di timiei minu ndig Korazim! Ayo! Buhun bibor mem je di timiei minu ndig Betsaida! Mindur po dibibon mem je tu pima gino dibibon bak timiei minu Tirus kin Sidon bu lene yoni mijuk sinsun kron di bindo bipia ittin ser ide sisar bikiek ndam Allah dima leu api igwam tut ei atriemti mimbrek tu.