YUNUS 3:5 - ALLAH NIHYET MEM TUNGWATU NYA

⁵ Leu api timiei Niniwe nya ingon jo kep Allah nicuk yokti. Yahagom ikos tut bipia isindui njita mem nituti poi leu api bikwop yo di inyeng jei nya kikau ug bipek awak nya yahagom ijuk sinsun kron gi bindo bipia ittin ser ide sisar.

YUNUS 3:5 ပူးပေါင်းရင်းမြစ်များ

NIBOU NDIG NYA GI NICAN 19:1

Tirigi ibou ningai pima ighyet tibim ei Hizkia nitingou nsi rino noni rik sinsun ei nonti him leu api juk sinsun kron lewo ningon buhun bibor. Lene noni bipbur ba, ug ei tuhan De Ig.

NIBOHON MBEN ISRAEL GI NICAN 20:3

Lene Yosafat digit tut nihyet di miap dima bingat nadi bak tuhan leu binhyepo ndo ningon kanti bak. Leu api cuk limwa nya yahagom ba, igyem njita bi mem nituti poi.

EZRA 8:21

Mpe dima lene ditri tut bipia suar yo di idem yam ei minyei pimat dima yahagom igyem njita bi mem nituti poi ba, yoom yonti ei Allah Noho bei bingat nadi leu binhyepo Allah bie tut nye cem nyohou nyeni kin nimunggwom bat nya kin ndigban nyende nya hagom cem kak nimbutti dima.

ESTER 4:1

Mpe di Mordekhai miap tut mun di buhun di tau kep yok dima lene rik nide sinsun di jo ningkekti rok him bijuk sinsun kron di bindo tut ningon di ngguk. Lene kam atriem bigimahap nibou leu api hwou ug ei minu ndig pmem Susan lene ningon ngguk bibor bipim kui jei sut,

NEHEI LEUSI 33:6

Gima rino tirigi mben Israel ijo leu Nungug Sinai lene indei ide mas kin mitingou him mas bu bi sren.

YEREMIA 31:34

Mpe dima lene ingginau isut bat nya bitri tut ighyet bak ide bat nya nok gini bu bi, ‘Suar aba angon bisrip tut tuhan.’ Lewo yo di inyeng jei nya kikau ug bipek kin yo di ibon inyeng bi nya yahagom iba ingon bisrip tut tuhan tu. Midikos ser ide sisar bidiyok ngon kep ide mun di igyai tunggwei nya bu bi. Da di tuhan disimbot dat tu.”

YEREMIA 36:9

Tirigi Yoyakim nok nibou ndig mem minu Yehuda ei ari bingwam muhwi ba, bed muhwindatai su lene tungwatu nya igyem njita bi mem nituti poi leu binhyepo ibindei ba, tuhan ngondut yok. Timiei minu ndig Yerusalem nya bitut yo di induk yam kwei leu minu ndig nya ei minu Yehuda yahagom igyem njita bi mem nituti poi.

YEREMIA 42:1

Tirigi igwam kep inghuisi lene ndigpoi nya kin munggwom nya kin nibou tentara nya kin Yohanan di Kareah nipmot kin Azarya di Hosaya nipmot yahagom ikwei

YEREMIA 42:8

Leu api dijem Yohanan bitut nibou tentara nya kin nindigsi nya di ibit noni kwei.

DANIEL 9:3

Leu api duhuk nadi kikau bak tuhan Allah leu binhyepo Noni ngondut Nide limwa nya. Diyem njita bi mem nituti poi bidijuk sinsun kron cem ba, dikuk da bidigwam atriemti.

YOEL 1:14

Ma jicuk jide limwa nya leu binhyepo isindui njita mem nituti poi leu api induk yam ei gom mem gima imbus yam ei. Ma jihig jide nibou nya kin yo di inyeng jei nya kin jide limwa di timiei minu Yehuda yahagom kwei ei tuhan De Ig leu binhyepo yahagom yahara Noni kwei mpu yok.

YUNUS 3:7

Noni cem tri tut nicukti bak timiei minu ndig Niniwe yahagom bipai biyok “Nicukti dini leu da di nibou ndig kin nibou nya di igya kui da. Je di timiei minu ndig Niniwe e, ma jeni kin jide mindhe-ndhe di jihyen kep nya cem jahagom jiyem njita bijidut ndia ngei au.

MATIUS 12:41

Tirigi Njap ningwig honti dem ne timiei minu ndig pmem Niniwe nya mikiju bit je di nijam dini leu api mipai kep je lewo tirigi Yunus tri tut nihyet biyok lene ittin ser ide sisar. Noro nogindini no di ninyeng jei dor njiriek Yunus no rinaha!

LUKAS 11:32

Tirigi Njap dem mem Allah birop kin hukum lene timiei Niniwe mikiju bit tungwatu nya ei nijam dini leu api mipai kep yok. Lewo timiei Niniwe ittin ser ide sisar bikiek ndam Allah tirigi Yunus tri tut nihyet biyok. Noro tini bu ne No di ninyeng jei dor njiriek Yunus no rinaha!”

KISAH 27:25

Gima rino Andigpoi jen, nna ba jibiwin kep yam ngonti lewo diba dingon com Allah nipai bidati hagom ba, mipek kep mem nye bit leu nok nipreu ei mem dati.

KISAH 8:10

Gima rino timiei nya leu yo di yuhui mbum bipek kin timiei di inyeng jei ei minu ndig dima yahagom igyok ngon kep Simon nihyet bisimbot kep biyam bipai “No dini ne ‘Nisindemti Nindig Bibor’ di kwei leu Allah ri.”

IBRANI 11:1

Niba ningon comti bindei ba, ingon ngkiem tut mun di igyok ingon mem. Mbro nok gino ingat mun dima yok bou igyai him bigyo lo, ingon huk niti tu.

IBRANI 11:7

Niba ningon comti bindei ba, Nuh ngig nitingou mem mun di Allah sok kep noni tut mun di mipek kep ei nidipti bu di bit bon noni ngat bou niyai him kan bi. Noni bit Allah nihyet ba, bibon kibar di bindei ba, noni kin nide bat nya yahagom ingwes ngun leu minyei di su. Apino tungwatu dihyeisi dini hagom itug ndei hukum noro Allah pai sut Nuh bipia ningon sren lewo ba ningon com Allah.

NINGAT-HI-NGAT NYA 11:3

Midicuk nabi nya ibou can di ijuk sinsun kron leu binhyepo itri tut Allah ningon kanti kikau mem njap sribu gom sratus can ningot muhwindagom.”